मुख्य समाचार

प्रवास

मलेसियामा इलामे युवकको मृत्यु
इलाम – रोजगारीको सिलसिलामा मलेसियामा रहेका फाकफोकथुम गाउँपालिका १ ठिंगेपुरका २८ वर्षीय अर्जुन लिम्बूको मृत्यु भएको छ। मलेसियास्थित जोहोरबारु बातुपहाड शहरस्थित एक फर्निचर कम्पनीमा कार्यरत लिम्बूको कात्तिक १९ गते सुतेकै ठाउँमा हृदयाघातका कारण मृत्यु भएको हो । उनको शव जोहोरबारु बातुपहाडकै एक अस्पतालमा राखिएको योगेन घिमिरेले जानकारी दिनुभएको छ । शव नेपाल पठाउन कम्पनीले पहल सुरू गरेको जानकारी समेत उहाँले दिनुभयो । source ; ujyaaloonlinenews.com
कोरियामा बस्दै आएका नेपालीबाट लिम्बूका परिवारलाई सहयोग
कार्तिक २१ - मोटरसाइकल दुर्घटनामा ज्यान गुमाएका झापा, शिवसतासी नगरपालिका–२ मंगलबारेका अनिल लिम्बूको परिवारलाई दक्षिण कोरियामा कार्यरत प्रवासीले आर्थिक सहयोग उपलब्ध गराएका छन् । कोरियामा बस्दै आएका नेपालीबाट संकलित रु ६७ हजारमा १३ हजार थप गरी रु ८० हजार रकम पीडित लिम्बूको बुबा टीकाराम लिम्बूलाई हस्तान्तरण गरिएको रिभर साइड फाउण्डेसनका अध्यक्ष सञ्जीव चापागाईंले जानकारी दिनुभयो । रोजगारीका लागि इपिएस प्रणालीबाट दक्षिण कोरिया जान लागेका २२ वर्षीय लिम्बूको एक साताअघि दुर्घटनामा परी उपचारका क्रममा मृत्यु भएको थियो । चापागार्इंका अनुसार आर्थिक अवस्था कमजोर भएका लिम्बूको परिवारलाई राहत पु¥याउन ...
कतारबाट धुमुर्स–सुन्तली फाउण्डेशनलाई सहयोग
धुमुर्स–सुन्तली फाउण्डेशनले रौतहटको चन्द्रपुर नगरपालीका वडा नं.८ को सन्तपुरमा बाढिपिडितका लागि निर्माण गरिरहेको एकीकृत नमूना सन्तपुर बस्ती निर्माणका लागि संखुवासभा समाज कतारले २५ हजार नगद सहयोग प्रदान गरेको छ । फाउण्डेशनका अध्यक्ष सिताराम कट्टेल (धुर्मुस)लाई संखुवासभा–काठमाडौ जर्नालिष्ट एसोसिएसन (एसकाज)ले सहयोग रकम हस्तान्तरण गरेको हो । सहयोग रकम बुझदै धुमुर्स–सुन्तली फाउण्डेशनका अध्यक्ष सिताराम कट्टेल (धुर्मुस)ले विदेशमा दुःख गरी कमाएर दिएको सहयोगको आफुहरुले सहि सदुपयोग गर्ने बताए । साथै उनले असोज ४ गतेबाट सुरु भएको वस्तीनिर्माण आगामी माघ २४ गते हस्तान्तरण गर्ने कार्यक्रम रहेको बताए । वस्ती निर्माणका लागि ...
प्रस्तुतिका लागि नेपाल अाइडल टोली लन्डनमा
कात्तिक १७ - नेपाल आइडल बिजेता टोली बेलायतका विभिन्न शहरमा आयोजित कार्यक्रममा प्रस्तुति दिन लन्डन आइपुगेको छ। पोखरा ट्राभल तथा मुनटाज इन्टरनेशनल र संसारा ग्रुपअन्तर्गत मनकामना मनी ट्रान्सफरको आयोजनामा बेलायतमा हुने कन्सर्टमा प्रस्तुति दिन उनीहरु लन्डन आएका हुन्। नेपाल आइडल बुद्ध लामा, फस्ट रनरअप निशान भट्टराई, सेकेन्ड रनरअप प्रताप दासका साथ टप टेनभित्र पर्न सफल प्रमिला राईको टोली हिजो बुधवार लन्डन उत्रिएको हो। नेपालमा पहिलो पटक भएको नेपाल आइडलको उपाधि जित्न सफल टोलीलाई बेलायतस्थित नेपाली समुदायको चाहानाअनुरुप कन्सर्ट आयोजना गरिन लागिएको आयोजक मध्यका एक राजाराम गिरीले ...
कतारमा राष्ट्रिय कलाकारहरु सम्मानित
“प्रवासमा नेपाली कलाकार एक हौ नेपाली कला, संस्कृति र प्रतिभाको सम्मान तथा प्रवर्द्धन गरौ” भन्ने मुल नाराका साथ कतारमा सन २०१५ मा स्थापित बसन्त फिल्मस् प्रा.लि र पाल्पाली सेवा समाजद्वारा राष्ट्रिय कलाकारहरु सम्मानित भएका छन् । नेपाल मगर संघ शाखा कतारको आयोजनामा प्रथम हुर्रा महोत्सव तथा दिपावली २०१७ का लागि कतार आएका मयुर नृत्यकार कविराज मगर, लोक तथा दोहोरी गायक प्रसाद खप्तरी मगर, डान्सर तथा मोडल रिना थापा मगर, डान्सर तथा निर्देशक सुमन थापा मगर सम्मानित भएका हुन् । दोहाको मुग्लिना स्थित वेलकम डाईन रेस्टुरेन्टको सभाहलमा आयोजित ...
अमेरिकाबासी गुरुङ अमेरिकी स्थानीय चुनावका उम्मेदवार
अमेरिकाको न्यूह्यामसर राज्यको म्यान्चेष्टरमा बस्दै आएका नेपाली मूलका एक युवाले न्यूह्यामसर राज्यको स्थानीय चुनावमा आफ्नो उम्मेदवारी दिएका छन् । माधव गुरुङ नाम गरेका युवाले स्थानीय म्यान्चेष्टर शहर नगरपालिकाको वार्ड नं. १२ को सेलेक्टम्यान पदमा उम्मेदवारी दिएका हुन् । सेलेक्टम्यान पद नेपालको नगरपालिकाको वडा सदस्यजस्तै पद हो । उक्त पदको लागि गुरुङलाई डेमोक्रेटिक पार्टीले चयन गरेको हो । चुनाव आगामी नोभेम्बर ७ मा हुनेछ र उक्त पदको लागि उनले अन्य ६ जना उमेद्धारहरुसँग प्रतिस्पर्धा गर्नेछन् । ३ सेलेक्टम्यान पद रहेको उक्त वडामा डेमोक्र्याट र रिपब्लिकन पार्टीका ३/३ जनाले ...
कास्कीको विद्यालयलाई बेलायतबाट आठ लाख सहयोग
बेलायतका समाजसेवी एवं व्यवसायी सूर्य गुरुङले कास्कीको एउटा विद्यालयलाई आर्थिक सहयोग गरेका छन् ।गुरुङले अर्मला ६ स्थित श्री अन्नपूर्ण माध्यमिक विद्यालयलाई आठ लाख रुपैयाँ आर्थिक सहयोग गरेका हुन् । एनआरएनए यूके पूर्व अध्यक्ष एवं गोर्खा प्यालेस रेष्टुरेन्टका सञ्चालक सूर्य गुरुङले हालै उक्त विद्यालयलाई आठ लाख रुपैयाँको चेक हस्तान्तरण गरेका हुन् । उक्त रकम विद्यालयको भौतिक पूर्वाधार निर्माणमा खर्च गरिने बताइएको छ । गुरुङले आफ्नो रेष्टुरेन्टमा वर्षेनी वार्षिकोत्सव गरि ग्राहकबाट संकलित रकम विभिन्न च्यारिटीमा खर्च गर्दै आएका छन् । उक्त रेष्टुरेन्टले १८ औं वार्षिकोत्सवसम्म आइपुग्दा च्यारिटी गरेर करिब ...
यसरी मनाइँदैछ अमेरिकामा छठ पर्व
अमेरिकाको डिसी महानगरमा नेपालका तराई जिल्ला तथा शहरबाट आएका तराईबासीको पहलमा डिसी क्षेत्रमा छठ पर्व ३ दिन सम्म चल्ने छ l गत अक्टोबर २५ तारिख देखि डिसी क्षेत्रको निजि निवासमा भेला भै छठ पर्व सुरु गरेका छन् l अक्टोबर २६ तारिख डिसी महानगर क्षेत्रको पोटोम्याक नदी स्थित अलगोनकिएन पार्कमा साँझमा पूजा गरिएको छ l उक्त छठ पूजाको लागि अन्य राज्यहरुबाट समेत व्रतालुहरु आएका छन् l साँझ ४ बजे देखि सुरु भएको उक्त पूजा अध्यारो नहुन्जेल चलेको थियो भने अक्टोबर २७ तारिख बिहान पुन सोहि स्थानमा ६ ...
कमल गिरी बचाउन रु चार लाख सहयोग
गुल्मीको मुसिकोट नगरपालिका वडा नं १ पौदीअमराइ, बालुवाका कमल गिरीको उपचारका लागि विदेशमा रहेका नेपालीको तर्फबाट रु तीन लाख ८१ हजार हस्तान्तरण गरिएको छ । कमल गिरी बचाउ अभियानअन्तर्गत सहयोग रकम संकलन गरी विहिबार औपचारिक कार्यक्रममार्फत हस्तान्तरण गरिएको हो । पौदीअमराइमा भएको कार्यक्रममा सहयोग रकम हस्तान्तरण गर्दै मुसिकोट नगरपालिकाका प्रमुख सोमनाथ सापकोटाले विदेशी भूमिमा पसिनासँग साटेको रकम उठाउने कुरा सहज नभएको भन्दै मानवीय नाताले आफ्नो खर्च कटाइ सहयोग गर्ने सबैप्रति आभार व्यक्त गर्नुभएको थियो । सापकोटाले अभियानका संयोजक कृष्ण खत्री र सञ्चारमाध्यमबाट घटनालाई बाहिर पु¥याउने ‘ओझेलका खबर’ रेडियो ...
जोली अमात्य युएन वुमेन युएस राष्ट्रिय समितिको ३० औ बार्षिक उत्सवमा सम्मानित
संयुक्त राष्ट्रसंघकी युवा सम्मेलनकी युवा अध्यक्ष नेपाली चेली जोली अमात्य न्युयोर्कमा सम्मानित भएकी छिन् l युएन वुमेन युएस राष्ट्रिय समितिको ३० औ बार्षिक उत्सवमा विविध कार्यक्रमको आयोजना तथा विविध प्रकारले मनाउने क्रममा उनलाई अन्य दुई विदेशी महिला सहित सम्मान गरिएको हो l युएन महिलाहरुको लागि युएन राष्ट्रिय समितिले उनलाई “च्याम्पियन अफ चेन्ज ” द्वारा सम्मानित गरेको हो l ” परिवर्तन को बिजेता : विश्व भरका महिलालाई समर्थन गरौ “भन्ने मूल नारा रहेको उक्त कार्यक्रम न्युयोर्कको महानगर शाखाले आयोजना गरेको स्वागत समारोहमा अमात्य सम्मानित भएकी हुन् l उक्त समारोहमा ...
महाकवि देवकोटाको १०९ औं जयन्ती न्यूह्यामसायरमा सम्पन्न
अन्तर्राष्ट्रिय नेपाली साहित्य समाज न्यूह्यामसायर च्याप्टरले महाकवि लक्ष्मीप्रसाद देवकोटाको १०९ औं जन्म जयन्ती तथा संस्थाको चौथो बार्षिक साधारण सभा विविध कार्यक्रम आयोजना गरि मनाएको छ । कार्यक्रम पुरानो कार्यसमितिको बिदाइ र नयाँ कार्यसमितिको सपथ ग्रहण तथा अन्य विविध कार्यक्रम सहित सम्पन्न भएको छ । बरिष्ठ साहित्यकार केदारनाथ खनालकोको प्रमुख आतिथ्य तथा अन्तर्राष्ट्रिय नेपाली साहित्य समाजका माहासचिव गोवर्धन पूजाको विशेष आतिथ्यमा सम्पन्न कार्यक्रमको दुई चरणको कार्यक्रमको सभापतित्व क्रमश: च्याप्टरका निवर्तमान अध्यक्ष अग्नि प्रसाद पराजुली र नव निर्वाचित अध्यक्ष कृष्ण गिरीले गर्नु भएको थियो । च्याप्टरका प्रधान सम्पादक ईश्वरी ...
सगरमाथा आरोहीहरु स्कटल्याण्डमा सम्मानित
स्कटल्याण्ड। स्कटल्याण्डको आबर्डिनमा दुई सागरमाथा आरोहीहरुलाई नेपाल स्कटल्याण्ड मैत्री सम्बन्ध बिषयक कार्यक्रममा सम्मान गरिएको छ। स्कटल्याण्डमा क्रियाशील नेपाली संस्था अर्गनाईजेसन फोर नेप्लिज कल्चर एण्ड वेलफेयरले ८८४८ रेस्टुरेन्टको सहकार्यमा आयोजना गरेको कार्यक्रममा नेपाली सगरमाथा आरोही दावा शेर्पा र स्कटिस सगरमाथा आरोही मार्क क्याडमेनलाई बेलायतका लागि नेपाली राजदूत डा दुर्गाबहादुर सुबेदी र आबर्डिन शहरका लड प्रोबस्टको प्रतिनिधि काउन्सिलर क्ल्येर इम्रीले संयुक्त रुपमा सम्मान गर्नु भएको थियो । उक्त समारोहमा बोल्दै नेपाली सगरमाथा आरोही दावा शेर्पाले आफूले औपचारिक रुपमा तीन पटक र धेरै पटक आरोही सहयोगीको रुपमा सगरमाथा आरोहण गरेको ...
मलेसियामा तीन नेपाली घाइते
काठमाडौं– मलेसियाको पेनागस्थित जुरु टोल प्लाजा नजिकै भएको बस दुर्घटनामा तीन नेपाली महिला कामदार घाइते भएका छन्। मलेसियास्थित नेपाली दूतावासका अनुसार दुर्घटनामा ८ जना महिलाको मृत्यु भएको छ । जसमध्ये ७ जना इन्डोनेसियाली र एक मलेसियन छन् । घाइते नेपाली महिलाको नाम र ठेगाना नखुलेको दूतावासद्वारा मंगलबार जारी विज्ञप्तिमा उल्लेख छ । घटनाबारे बुझ्न पेनाग राज्यका लागि नेपाली अवैतनिक वाणिज्यदूत डतुक हुवान चेङ गुआन घटनास्थ पुगेको दूतावासले जनाएको छ । source;nepaljapan.com
कोरियामा एक नेपाली कामदारको मृत्यु
दक्षिण कोरियाको जेजुदोस्थित कम्पनीमा कार्यरत एक नेपाली कामदारको शव आइतबार झुण्डिएको अवस्थामा फेला परेको छ । इपिएसमार्फत काम गर्न पुगेका पोखराका २२ वर्षीय जीवन वाग्लेको मृत्यु भएको हो ।उनी कम्पनी नजिकै झुण्डिएको अवस्थामा भेटिएका थिए ।वाग्ले बिहान चार बजे सुत्ने कोठाबाट निस्केको सीसीटीभीमा देखिएको थियो । मृतक वाग्ले कोरिया आएको तीन वर्ष पूरा गरी बोनस भिसा लगाएका थिए । वाग्लेले कम्पनीलाई जानकारी नै नगराई नेपाल जाने हवाई टिकट लिएका बताइएको छ । पछिल्लो समय कोरियामा आत्महत्या गर्ने नेपालीको संख्या बढ्दो छ । source;nepaljapan.com
क्यान्सरपीडित लक्ष्मीलाई सहयोग
झापाको हल्दिबारी गाउँपालिका–४ की रक्त क्यान्सर पीडित लक्ष्मी मिश्र घिमिरेलाई सहयोग प्रदान गरिएको छ । घिमिरेबन्धु कल्याण परिषद् झापाका सचिव काशीनाथ घिमिरेको अगुवाइमा संकलित रु ४४ हजार ९५० लक्ष्मीको परिवारलाई प्रदान गरिएको हो । संकलित रकम मंगलबार एक कार्यक्रमका बीच हल्दिबारी गाउँपालिका प्रमुख रवीन्द्रप्रसाद लिङ्देनले बिरामीका पति मुक्ति घिमिरेलाई हस्तान्तरण गर्नुभयो । अर्थ अभाव भएपछि लक्ष्मीको उपचारमा समस्या भएपछि सहयोग संकलन शुरु गरिएको सचिव घिमिरेले बताउनुभयो । उपचारमा आर्थिक अभाव भएकाले सहयोग गर्न उहाँका श्रीमान् मुक्तिले सबैसँग अपिल गर्नुभएको छ । दाताले सहयोग गर्नका लागि घिमिरे बन्धु कल्याण ...
अष्ट्रेलियामा एक नेपाली विद्यार्थीको मृत्यु
अष्ट्रेलियामा एक नेपाली विद्यार्थीको मृत्यु भएको छ । सिड्नीको अबनमा बस्दै आएका नेपाली विद्यार्थी अञ्जन कुमार भट्टराईको मृत्यु भएको हो । आइतबार साँझ आफ्नै कोठामा अचेत अवस्थामा भेटिएका उनलाई उपचारका लागि नजिकैको अस्पताल लगिएको थियो ।चिकित्सकहरुले सोमबार बिहान मृत घोषित गरेका थिए । डेढ वर्षअघि उच्च शिक्षाका लागि अष्ट्रेलिया आएका उनको मृत्यु ब्रेन ह्यामरेजबाट भएको अनुमान गरिएपनि मृत्युको कारण भने खुल्न सकेको छैन । कोरोनरको कार्यलयबाट विस्तृत रिर्पोट आएपछि मात्र उनको मृत्युको कारण प्रस्ट हुने बताइएको छ ।काठमाडौंको पेप्सीकोला घर भई साथीहरुसँग अबनमा बस्दै आएका भट्टराई सेन्ट्रल ...
First Prev 1 2 3 4 5 6 7 8 ... Next Last
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम