मुख्य समाचार

विश्व

जेल सजायको विरोध
फागुन ३ – इजिप्टमा वर्तमान सरकारद्वारा प्रतिबन्धित घोषणा गरिएको एक राजनीतिक दल मुिस्लम ब्रदरहुडलाई सहयोग गरेको अभियोगमा यहाँका २० जना विद्यार्थीलाई जेल सजाय सुनाएको घटनाको विरोध भएको छ । इजिप्टका मानवअधिकारवादीहरुले त्यसको विरोध गरेका हुन् । इजिप्टको एक अदालतले केही साता अघि मात्र उनीहरुलाई पाँच वर्षको जेल सजाय सुनाएको थियो । इस्लाम केन्द्रीत एक विश्वविद्यालयका ती विद्यार्थीलाई सुनाइएको यो फैसला राजनीतिक आस्थाका आधारमा गरिएको भन्दै त्यसको विरोध गरिएको हो। इजिप्टको सरकारी समाचार संस्था मेनाले जनाएअनुसार उक्त विश्वविद्यालय इजिप्टका अपदस्थ पूर्व इस्लामी राष्ट्रपति मोहमद मोर्सीसँग सम्बन्धित ...
विद्यालयमा गोली चल्दा १७ को मृत्यु
फागुन ३ – अमेरिकाको फ्लोरिडास्थित पार्कल्याण्डको विद्यालयमा एक युवकले अन्धाधुन्ध रूपमा गोली चलाँउदा १७ जनाको मृत्यु भएको छ। निकोलस क्रुज नामक १९ वर्षका ती युवक उक्त विद्यालयका पूर्व विद्यार्थी रहेको अन्र्तराष्ट्रिय सञ्चार माध्यमहरूले खुलाएका छन् । गोली प्रहार भएको करिब एक घण्टा पश्चात् प्रहरीले ती युवकलाई नियन्त्रणमा लिएको थियो ।अमेरिकी राष्ट्रपति डोनाल्ड ट्रम्पले ट्वीटरमा घाइतेहरूको स्वास्थ्य लाभको कामना गर्दै मृत्तकहरूप्रति समवेदना व्यक्त गर्दै ट्वीट गरेका छन् । source; nagariknews.com
स्वाईन फ्लूबाट २१ को मृत्यु
फागुन २ –स्वाईन फ्लूको नामले चिनिने ‘एचवानएनवान इन्फ्ल्युन्जा’का कारण अल्जेरियामा २१ व्यक्तिको मृत्यु भएको छ । सो रोगबाट उनीहरुको मृत्यु भएको घटनाको स्थानीय सरकारी अधिकारीहरुले राज्यद्धारा संचालित टेलिभिजनमा मङ्गलबार पुष्टि गरेका हुन् । स्वास्थ्य मन्त्रालयको रोकथाम निर्देशक जामेल फौरारले दिएको जानकारीनुसार स्वाईन फ्ल्युको संक्रमणबाट मृत्यु हुनेमा चारदेखि ६५ बर्ष सम्मका नागरिकहरु रहेका छन । गत डिसेम्बरमा स्वास्थ्य मन्त्री मोख्तर हास्बेल्लाउइले कसैलाई पनि स्वाईन फ्ल्युको संक्रमण भएको स्विकार गर्नु भएको थिएन । तर जनवरीमा अल्जेरिया पास्चर इन्स्टिच्युटले स्वाईन फ्ल्युका कारण ३५ जना प्रभावित भएका घोषणा गरेको थियो । source; ...
अष्ट्रेलियामा आगलागीमा परी १३ जना घाइते
फागुन २ –अष्ट्रेलियमको न्यू साउथ वेल्स राज्यको राजधानी सिड्नीमा भवन निर्माणाधिन क्षेत्रमा मङ्गलबार भएको आगलागीमा परी कम्तिमा १३ जना घाइते भएको यहाँका अधिकारीले जनाएका छन् । आगलागी अग्ला भवन रहेको शहरी इलाकामा भएको र यसलाई निभाउन दमकलसहित २० अग्नी नियन्त्रक कर्मचारी खटाइएको सिड्नी नगर प्रशासनले जनाएको छ । आगलागीमा परेका अधिकांश व्यक्तिलाई आगलागीपछि निस्केको धुवाँका कारण श्वासप्रश्वासमा समस्या भएको र केहीको आगोको रापले पोलेको घाउहरू रहेको चिकित्सकले बताएका छन् । सर्कुलर क्वे वन्दरगाह क्षेत्रमा लागेको आगो निभाउने प्रयास जारी रहेको तर यो समाचार तयार पार्दासम्म आगो पूर्ण ...
उत्तर कोरियासँग वार्ता गर्न अमेरिका तयार
फागुन २ – अमेरिकी उपराष्ट्रपति माइक पेन्सले उत्तर कोरियासँग निःशर्त वार्ता गर्न वासिङ्टन तयार रहेको बताएका छन् । ‘यदि उत्तर कोरिया वार्ता गर्न चाहन्छ भने ट्रम्प प्रशासनले पनि वार्ता गर्नेछ,’ वासिङ्टन पोष्टले अमेरिकी उपराष्ट्रपति माइक पेन्सलाई उद्धृत गर्दै सोमबार समाचार प्रकाशन गरेको छ । अमेरिका वासिङ्टनसँग निःशर्त वार्ता गर्न तयार रहे पनि उत्तर कोरियाले आफ्नो आणविक कार्यक्रम नत्यागेसम्म रुस विरूद्धका कडा प्रतिबन्ध भने कायम नै रहने अमेरिकी उपराष्ट्रपति पेन्सकोे भनाइ रहेको छ । यसअघि ट्रम्प प्रशासनले उत्तर कोरियाली नेता किम जोङ–उन निशस्त्रीकरणका लागि तयार नभएसम्म प्योङयाङसँग वार्ता नगर्ने ...
भारतमा भूकम्पको धक्का
फागुन १ – भारतको अण्डमान तथा निकोबार टापू क्षेत्रमा मङ्गलबार विहान शक्तिशाली भूकम्प गएको छ। भारतीय मौसमविज्ञान महाशाखाका अनुसार अण्डमान टापूलाई केन्द्रविन्दु बनाएर विहान ८ः०९ बजेको समयमा ५.६ रेक्टर स्केलको भूकम्प गएको समाचार संस्था एएनआईले जनाएको छ। भूकम्पका कारण मानवीय क्षति वा अन्य भौतिक क्षति भएको खबर प्राप्त भएको छैन। अण्डमानलाई केन्द्रविन्दु बनाएर यस पहिले गत जनवरी १४ मा पनि ४.८ रेक्टर स्केलको भूकम्प गएको थियो। source; nagariknews.com
दोस्रो विश्वयुद्धको बम भेटिएपछि लन्डन विमानस्थल बन्द
फागुन १ – लन्डनको थेम्स नदीमा दोस्रो विश्वयुद्धको दुईवटा बम भेटिएपछि सोमबार लन्डन सिटी विमानस्थलमा आउने र विमानस्थलबाट बाहिरिने सबै उडान रद्ध भएका छन् ।नपड्किएको आधा टन वजनका ती बम थेम्स नदीले बगाएर थुप्रिएको माटोमुनि गाडिएको अवस्थामा भेटिएपछि विमानस्थल बन्द गरिएको अधिकारीहरुले बताएका छन् । पूर्वी लन्डनको जर्ज भी डकमा रहेको ती बम मंगलबार बिहानसम्ममा हटाइसक्ने प्रहरीले अपेक्षा गरेका छन् । आइतबार विमानस्थलमा काम भइरहेको बेला ती बम भेटिएपछि करिब दुई सय मिटर आसपासको क्षेत्रलाई निषेधित क्षेत्र बनाइएको थियो । निषेधित क्षेत्रभित्रका सम्पत्तिलाई सुरक्षित स्थलतर्फ सारिएको र ...
रुसमा ७१ यात्रु बोकेको विमान दुर्घटनाग्रस्त
माघ २९ – – मस्कोबाट रसियाको पश्चिमी क्षेत्रका लागि छुटेको १४८ यात्रुभार क्षमताको एक विमान आइतबार विमानस्थलबाट छुटेको केही समयमा दुर्घटनाग्रस्त भएको छ। विमानमा रहेका छ जना चालक दलका सदस्यसहित सबै ७१ जना यात्रु जीवित रहेनसक्ने आशा गौण रहेको रसियाली अधिकारीलाई उद्धृत गर्दै इन्टरफ्याक्स न्यूज एजेन्सीले आइतबार जनाएको छ। विमान रसियाको राजधानी मस्कोस्थित डोमोडेडोभो विमानस्थलबाट रसियाकै पश्चिमी ओरेन्वर्ग क्षेत्रको ओस्र्कका लागि छुटेको थियो । विमान दुर्घटनास्थलमा रसियाली अधिकारी पुगिनसकेको तर विमान आर्गुनोभोको ग्रामिण इलाकामा दुर्घटना भएको हुनसक्ने प्रारम्भिक अनुमान रहेको छ। विमान चालक दलका सदस्य ...
चिट चोर्न नपाएपछि १० लाख विद्यार्थीले परीक्षा दिएनन्
माघ २९ – भारतको उत्तरी राज्य उत्तर प्रदेशका १० लाख विद्यार्थीले बोर्ड परीक्षा नदिएपछि मुख्यमन्त्री योगी आदित्यनाथले परीक्षा प्रणालीलाई सजिलो बनाउने भएका छन् । परीक्षादेखि विद्यार्थी नडराउन् भनेर योगीले परीक्षा प्रणालीलाई सजिलो बनाउने भएका हुन् । परीक्षामा सामेल हुने विद्यार्थीको संख्यामा भएको कटौतीको कारण परीक्षादेखि विद्यार्थीको डर र सरकारले चिट चोर्ने प्रणालीलाई अन्त्य गर्ने उद्देश्यसहित ल्याएको कडा सुपरिवेक्षण प्रणाली रहेको उनले बताए । उत्तर प्रदेश सरकारले यस वर्ष चिट रहित परीक्षा सञ्चालन गर्ने उद्देश्यसहित कडा कदम चालेपछि परीक्षामा विद्यार्थीको सहभागिता सुरुको दिनदेखि नै घट्दै गएको छ । ...
सिरियामा ३६ जना मारिए
माघ २६ - विद्रोहीको नियन्त्रणमा रहेको सिरियाको दमास्कस नजिकै पर्ने गोटामा भएको हवाई आक्रमणमा परी ३६ जनाको मृत्यु भएको छ ।सिरियाको सरकारी पक्षका सुरक्षाकर्मीले बिहीबार गरेको आक्रमणमा परी मृत्यु हुनेको संख्या ३६ पुगेको अनुगमनकर्ताहरूले बताएका छन् । युद्धक विमानले सिरियाली विद्रोही समूहलाई लक्षित गरी राजधानीदेखि पूर्वतर्फ गत चार दिनदेखि लगातार आक्रमण गरिरहेका छन् ।‘सिरियन अब्जरभेटरी फर ह्युमन राईटस’ले कम्तिमा छ ठाउँमा हवाई आक्रमण भएको जानकारी दिएको छ । बिहीबार मारिएकामध्ये दश बालबालिका र सात महिला रहेका छन् । गत सोमबार देखि अहिले सम्म १८५ जना आम नागरिक ...
उत्तर कोरियाली सांगीतिक टोली दक्षिण कोरियामा
माघ २५ – दक्षिण कोरियामा शीतकालीन हिउँदे ओलम्पिक सम्पन्न हुन लागेको छ ।ओलम्पिकको पूर्वसन्ध्यामा उत्तर कोरियाली सांगीतिक टोली विभिन्न सांगीतिक प्रस्तुतीका साथमा दक्षिण कोरियाको राजधानी सोल आइसकेको छ । उत्तर कोरियाली सांगीतिक टोली म्यानयोंगबङ –९२ १ सय ४० सदस्यीय टोलीका साथ दक्षिण कोरिया आइपुगेको हो । बिहीबार उक्त टोलीले दक्षिण कोरियाको एक कला केन्द्रमा पहिलो प्रस्तुती दिने पूर्व निर्धारित कार्यक्रम रहेको छ । आइतबार उक्त टोलीले राजधानी सोलको नेशनल थिएटरमा दोस्रो प्रस्तुती दिने दक्षिण कोरियाली सञ्चार माध्यमहरूमा उल्लेख छ ।दुई कोरियाबीचको कुटनीतिक सम्बन्धमा ...
माल्दिभ्सको राजनीतिक संकटबारे विदेशी चासो
माघ २५ – मालदिभ्समा बढ्दो राजनीतिक संकटको बारेमा विदेशी चासो बढेको छ। मालदिभ्सको सरकारले प्रधानन्यायाधीशलाई पक्राउ गरी हिरासतमा राखेको छ भने संसदमा विपक्षी दलका नेताहरू पनि थुनामा रहेका छन्। संयुक्त राष्ट्रसंघले मालदिभ्समा जारी गरिएको संकटकालको घोषणालाई फिर्ता गर्न भनेको छ। त्यसैगरी अरु विदेशी राष्ट्रहरूले राजनीतिक प्रतिशोधका रूपमा अघि नबढ्न राष्ट्रपति अब्दुल्लाह यामिनलाई आग्रह गरेका छन्। उता विपक्षीहरूले भने यहाँको राजनीतिमा हस्तक्षेप गरी प्रजातान्त्रिक रूपबाट राजनीतिक व्यवस्थापनका लागि भारतसँग आग्रह गरेका छन्। राष्ट्रसंघका महासचिव एन्टिनियो गुथ्रेसले मालदिभ्सको सरकारले संकटकाल लगाएर अघि बढ्नु भनेको समस्याको समाधान होइन ...
​अमेरिकाले गर्‍यो विश्वकै शक्तिशाली रकेट प्रक्षेपण
माघ २४ – अमेरिकाले विश्वकै सभैभन्दा शक्तिशाली रकेट प्रक्षेपण गरेको छ । अमेरिकाको फ्लोरिडामा रहेको केनेडी स्पेस सेन्टरमा रहेको स्पेस सेन्टरबाट बुधबार विश्वकै शक्तिशाली रकेट ‘फाल्कन हेभी’ प्रक्षेपण गरिएको छ । यसलाई अमेरिकी व्यवसायी इलोन मस्कको स्पेस एक्स कम्पनीले लन्च गरेको हो । अहिलेको अवस्थामा रहेका रकेटले भन्दा फाल्कन हेभीले दुई गुणा बढी भार वहन गर्न सक्ने बीबीसीले जनाएको छ । स्पेक्स एक्सका सिइओका अनुसार पहिलो उडानमा ५० प्रतिशत मात्रै सफलता प्राप्त भए पनि अहिले भने सफलतापूर्वक प्रक्षेपण भएको छ । यो रकेटले लण्डनमा चल्ने पाँच वटा ...
ताइवानमा ६.४ रेक्टरको भूकम्प,२ को मृत्यु
ताइवान – ताइवानमा ६.४ रेक्टर स्केलको भूकम्प जाँदा २ जनाको मृत्यु भएको छ । भूकम्पमा परी करिब ३०० मानिसहरू घाइते भएको अन्र्तराष्ट्रिय सञ्चार माध्यमहरूमा उल्लेख छ । भूकम्पका कारण ताइवानको हुआलिन शहर क्षेत्र प्रभावित भएको छ । विगत दुई वर्ष अगाडीको यही दिन अर्थाात् फेब्रुअरी ६ तारिखका दिन ताइवानमा ६.४ रेक्टर स्केलको भूकम्प गएको थियो । source; nagariknews.com
बिरालोलाई धेरै खान नदिनुस्, मुसा बढे !
माघ २३ –बेलायतको विदेश मन्त्रालय र त्यस मातहतका कर्मचारीलाई कार्यालयमा रहेका बिरालोलाई खानेकुरा नदिन निर्देशन दिइएको छ । कार्यालयमा रहेका बिरालोलाई त्यहाँका कर्मचारीले खानेकुरा दिनेगरेकाले उनीहरुको मुसा मार्ने कलामा कमी आएको भन्दै मन्त्रालयले अबदेखि खानेकुरा नदिन आग्रह गरेको स्थानीय सञ्चारमाध्यमलाई उद्धृत गर्दै समाचार संस्था सिनह्वाले जनाएको छ । गएको हप्ता पठाइएको निर्देशनमा बेलायतको विदेश तथा कमनवेल्थ कार्यालयका कर्मचारीलाई बिरालोलाई खानेकुरा नदिन भनिएको छ ।कार्यालय रहेको भवनमा मुसा नियन्त्रणका लागि भनेर पालिएका बिरालोलाई त्यहाँ कार्यरत कर्मचारीले बचेखुचेका खानेकुरा दिने गरेकाले उनीहरुल अल्छी बनेको र मुसा बढेको बताइएको छ ...
मालदिभ्समा राजनीतिक सङ्कट बढ्दो
माघ २३ –मालदिभ्सको राजधानी मालेमा प्रतिपक्षी दलका नेता तथा कार्यकर्ता र त्यहाँको राष्ट्रपतिका कामप्रति असन्तुष्ट सर्वसाधारणले नेतृत्व परिवर्तनका लागि गर्दै आएको आन्दोलनलाई सोमबार पनि निरन्तरता दिएका छन् । राष्ट्रपति अब्दुल्लाह यमिन अब्दुल गयूमको राजिनामा माग गर्दै जारी प्रदर्शनबाट हुनसक्ने सम्भावित दुर्घटना जोगाउन भन्दै शहरका मुख्यमुख्य भूभाग, संसद तथा सर्वोच्च अदालतमा ठूलो सङ्ख्यामा प्रहरी तथा सेनालाई तैनाथ गरिएको यहाँको प्रतिपक्षी दल, सञ्चारमाध्यमलगायत प्रत्यक्षदर्शीले बताएका छन् । प्रदर्शनकारी तथा प्रतिपक्षी दलले राष्ट्रप्रमुखको सर्वोच्च पदमा रहेका राष्ट्रपति यमिनले पुनरावेदन अदालतको आदेशलाई नमानेको भन्दै सत्तामा वसिरहन अयोग्य भन्दै प्रदर्शनलाई क्रमशः कडा ...
1 2 3 4 5 6 ... Next Last
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम