मुख्य समाचार

नुवाकोटमा ‘तरकारीको जोन कार्यालय’ स्थापना
'Zone office of vegetables' established in Nuwakot

नुवाकोट – जिल्ला कृषि विकास कार्यालय नुवाकोटमा प्रधानमन्त्री कृषि आधुनिकीकरण परियोजना अन्तर्गत तरकारीको जोन कार्यालय स्थापना गरिएको छ । कृषि विकास कार्यालय नुवाकोटका प्रमुख वरिष्ठ कृषि विकास अधिकृत कमलराज गैरेलाई नै तरकारी जोनको प्रमुख तोकिएको छ । एक दशकसम्म सञ्चालन हुने तरकारी कार्यक्रम जिल्लाका १२ स्थानीय तहमध्ये चार स्थानीय तहभित्र पर्ने १५ वटा वडामा चल्ने बताइएको छ ।

तरकारीको जोन कार्यक्रम सञ्चालन गर्न ककनी गाउँपालिकामा रहेको सातवटै वडा, शिवपुरी गाउँपालिकाको वडा नं. ६ समुन्द्रादेवी, वडा नंं. ७ सुनखानी र वडा नं. ८ थानापती, पञ्चकन्या गाउँपालिकाको वडा नं. ३ पञ्चकन्या, वडा नं. ४ थप्रेक, वडा नंं. ५ भदुटार, दुप्चेश्वर गाउँपालिका वडा नंं. ३ रातउवेशी र वडा नंं. ५ बालकुमारी छनोट भएको तरकारी जोन कार्यक्रमका प्रमुख एवं कृषि विकास कार्यालय नुवाकोटका प्रमुख वरिष्ठ कृषि विकास अधिकृत गैरेले जानकारी दिए ।

‘छनोटको क्षेत्रभित्र रहेका किसान, कृषक समूह, कृषि फर्म, कृषि सहकारी संस्था, कृषि सम्बन्धि जल उपभोक्ता समितिले अहिले गर्दै आएको तरकारी खेती तथा अब व्यावसायिक तरकारी खेती गर्न चाहेमा जोन कार्यालयमा सूचीकृत गरी परियोजनाले प्रवाह गर्ने सेवा उपभोग गर्न पाउने मापदण्ड बनाइएको छ,’ गैरैले भने, ‘तरकारी खेती गर्दै आएका तथा गर्न चाहनेलाई तोकिएको मापदण्ड अनुसार खेती गरी परियोजनाले उपलब्ध गराउने सेवाका लागि सूचिकृत हुनका लागि आवेदन संकलन गर्न लागेका छौं ।’

जोन कार्यालयमा सूचीकृत भएका सदस्यबाट तरकारी जोन परियोजना सञ्चालनका लागि नौ सदस्य रहेको व्यवस्थापन समिति गठन गरिने वरिष्ठ कृषि अधिकृत गैरेले बताए । त्यसपछि माग भएअनुसारको सेवा उपलब्ध गराउने गरी सञ्चालन हुन लागेको कार्यक्रम किसानले आफ्नै कार्यक्रमको रुपमा महसुस गर्न पाउने र आफू अनुकुल सञ्चालन हुने बिस्वास लिइएको छ । परियोजनामार्फत सूचितकृत भएका सदस्यलाई तरकारी खेतीमार्फत उत्पादन वृद्धि र उचित मूल्यसहितको बजारीकरण मुख्य प्राथमिकतामा राखिएको छ । किसानबाट उत्पादन वृद्धिका साथै बजारीकरणमा मुख्य ध्यान दिएर कार्यक्रम सञ्चालन गर्न लागेको वरिष्ठ कृषि अधिकृत गैरेले बताए ।

जोन कार्यक्रमका लागि दर्ता भएका सदस्यहरुले अदुवा, बेसार, अलैंचीजस्ता मसला बालीबाहेक तरकारी खेतीको व्यावसायीकरण र आधुनिकीकरणका लागि परियोजनामार्फत सेवा र सुविधा उपभोग गर्न पाउने मापदण्ड रहेको छ ।

परियोजनामार्फत किसान तथा समूहले बीउ, मल, बेर्ना, तालिम, अनुदान तथा सहुलियत दरमा कृषि औजार तथा उपकरण, तरकारी बजारीकरणका लागि सवारी साधन, चिस्यान केन्द्र लगायत व्यवस्था रहेको नुवाकोटका लागि तरकारी जोन कार्यक्रमका प्रमुख वरिष्ठ कृषि अधिकृत गैरेले जानकारी दिए । ‘किसानले अहिले उत्पादन गर्दै आएको तरकारी उत्पादन दरभन्दा १० प्रतिशतसम्म वृद्धि गरेमा नगद रुपैयाँ अनुदान दिनेसम्मको कार्यक्रम जोनमार्फत सञ्चालन गर्न लागेका छौं,’ गैरेले भने, ‘तरकारी जोन कार्यक्रमले किसानको माग अनुसारको सेवा प्रवाह गर्ने भएकाले के–के सेवा उपलब्ध र प्रवाह गर्नेभन्दा पनि किसानको सक्रियता, लगनशिलता, जागरुकता र उपलब्धिका आधारमा आवश्यक पर्ने सेवा उपलब्ध गराउने भएकाले कार्यक्रमको सफलता र असफलता किसानसँग जोडिएको छ ।’

स्वदेशी सोच, स्वदेशी लगानी र आन्तरिक एवं संस्थागत जनशक्तिबाट गएको वर्षदेखि कार्यान्वयनमा ‘प्रधानमन्त्री कृषि आधुनिकीकरण परियोजना’मार्फत सुपरजोन, जोन, ब्लक र पकेट क्षेत्र गरी चार विधाका कार्यक्रम सञ्चालनमा रहेको छ । नुवाकोटमा गत वर्षदेखि आलुको जोन सञ्चालनमा रहेको छ भने यस वर्षदेखि तरकारीको जोन आएको हो ।

source; nagariknews.com

प्रतिक्रिया दिनुहोस्
अन्य समाचारहरु
काँकरभिट्टाबाट ११ हजारभन्दा बढी पर्यटक भित्रिए
झापा –झापाको पूर्वी नाका काँकरभिट्टाबाट सन् २०१७ मा ११ हजार ४ सय ९७ जना पर्यटक नेपाल भित्रिएको अध्यागमन कार्यालयले जनाएको छ । २०१७ जनवरीदेखि डिसेम्बरसम्म अष्ट्रेलियाबाट २ सय २२, अष्ट्रियाबाट १२, बंगलादेशबाट २ हजार २५, बेल्जियमबाट ३६, क्यानडाबाट १ सय ७०, चीनबाट २ सय ५९, डेनमार्कबाट १३, फ्रान्सबाट २ सय १२, जर्मनबाट २ सय ७, इजरायलबाट ३१, इटलीबाट ४२, जापानबाट १ सय १२ जना नेपाल भित्रिएको अध्यागमन कार्यालयले जानकारी दिएको हो । त्यस्तै मलेसियाबाट ९०, नेदरल्याण्डबाट ५८, न्यूजील्याण्डबाट ४७, नर्वेबाट १०, सिंगापूरबाट ३२, श्रीलंकाबाट २, स्विजरल्याण्डबाट ६७, ...
सल्यानमा गतवर्ष भन्दा १० प्रतिशतले सुन्तला उत्पादनमा वृद्धि
सल्यान – सल्यानमा यस वर्ष ३३ करोड ४ लाख ८० हजार बराबरको सुन्तला उत्पादन भएको छ। सुन्तला शुद्धीकरण अभियान, बगैँचा व्यवस्थापन, सुन्तलाको बोट तथा क्षेत्रफल वृद्धि, मौसमको अनुकूललगायत कारणले यस वर्ष गत वर्षभन्दा १० प्रतिशतले सुन्तला उत्पादनमा वृद्धि भएको हो। जिल्ला कृषि विकास कार्यालयका बरिष्ठ कृषि विकास अधिकृत अमरराज शर्माका अनुसार यस वर्ष १ हजार २० हेक्टर क्षेत्रफलमा लगाइएको सुन्तलाको बोटबाट ७ हजार ३४४ मेट्रिक टन सुन्तला उत्पादन भएको हो। गत वर्षभन्दा ८ हेक्टर बढीमा सुन्तला उत्पादन भएको छ। गत वर्ष जिल्लामा २९ करोड ...
नवीकरणबाट एक करोड राजश्व
भद्रपुर – घरेलु तथा साना उद्योग कार्यालय भद्रपुर झापाले चालू आर्थिक वर्षको चार महिनामा उद्योग दर्ता एवं नवीकरणबाट कूल रु एक करोड २० लाख राजश्व संकलन गरेको छ। उत्पादन, सेवा, कृषि तथा वन्य जन्तु र पर्यटन किसिमका उद्योगबाट रु २५ लाख ३३ हजार था वाणिज्य प्रशासनतर्फ रु ९४ लाख ६६ हजार राजस्व संकलन भएको उद्योग अधिकृत चन्द्रप्रसाद मिश्रले जानकारी दिए। प्रथम चौमासिकको चार महिनाको अवधिमा ३२५ नयाँ उद्योग दर्ता भई नयाँ र पुरानो गरी अब झापामा आठ हजार ८१ उद्योग दर्ता भएका छन्। तीनवटा ...
हात्ती सफारी संकटमा
नवलपरासी : विश्वभरका पशु अधिकारवादी र टुर अपरेटरले हात्ती सफारी बन्द गर्नुपर्ने आवाज उठाउन थालेपछि नेपालको जंगल पर्यटन संकटमा पर्ने देखिएको छ। नेपाली पर्यटन क्षेत्रमा हात्ती सफारी महत्वपूर्ण ‘प्रोडक्ट' मानिन्छ। नेपालमा ३५ वर्षअघि टाइगर टप्सले व्यावसायिक रूपमा हात्ती सफारी सुरु गरेको थियो। टाइगर टप्सले सुरु गरेको हात्ती पोलो विश्वभर चर्चित छ। नेपालमा हात्ती सफारी बन्द गराउँदा जंगल पर्यटन ध्वस्त हुने टेम्पल टाइगर रिसोर्टका सञ्चालन बसन्त मि श्र बताउँछन्। हात्ती चढेर जंगलर सफारी गर्न बर्सेनि लाखौं स्वदेशी तथा विदेशी पर्यटक चितवन राष्ट्रिय निकुञ्ज पुग्छन्। चितवनको पर्यटन व्यवसायी ...
नेपालगञ्ज भन्सारद्वारा ६ महिनामा लक्ष्य भन्दा ३६ करोड बढी राजश्व संकलन
नेपालगञ्ज – नेपालगञ्ज भन्सार कार्यालयले चालु आर्थिक वर्षको ६ महिनामा लक्ष्य भन्दा ३६ करोड रुपैयाँ बढी राजश्व संकलन गरेको छ । चालु आर्थिक वर्ष २०७४/०७५ को साउनदेखि पुस महिनासम्म लक्ष्य भन्दा बढी राजश्व संकलन भएको नेपालगञ्ज भन्सार कार्यालयका प्रमुख जनार्दन आचार्यले जानकारी दिनुभयो । नेपालगञ्ज भन्सार कार्यालयको लक्ष्य चालु आर्थिक वर्षको ६ महिनामा तीन अर्ब ८५ करोड ३१ लाख ६६ हजार रुपैयाँ राजश्व संकलन गर्ने रहेकोमा चार अर्ब २१ करोड ४७ लाख ७४ हजार रुपैयाँ संकलन गरेको हो । नेपालगञ्ज भन्सार कार्यालयका सूचना अधिकारी समेत रहनुभएका भन्सार अधिकृत ...
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम