मुख्य समाचार

बैंकहरुलाई २९ दिने राहत
29 days relief for Bank

काठमाडौं – सरकारी ढुकुटीमा रकम थन्किएर लगानीयोग्य पुँजी (तरलता) को अभाव झेलिरहेका बैंकहरुलाई राष्ट्र बैंकले सहुलियत दिने नीति ल्याएको छ । पछिल्लो समय कर्जाको माग अत्यधिक बढेको तर, निक्षेप वृद्धि नहुँदा बैंकहरुबीच ब्याजदर बढाएर निक्षेप तान्ने होडबाजी चलिरहेको बेला केन्द्रीय बैंकले ल्याएको नयाँ नीतिले उनीहरुलाई केही राहत पुग्ने देखिएको छ।

चालु आर्थिक वर्ष २०७४–०७५ को मौद्रिक नीतिको अर्धवार्षिक समीक्षा गर्दै आइतबार राष्ट्र बैंकले बैंकहरुलाई कर्जा–पुँजी–निक्षेप अनुपात (सिसिडी रेसियो) गणनामा पनि केही सहुलियत दिने नीति ल्याएको हो । यसअघि सिसिडी अनुपातको गणना विधि दैनिक रुपमा गर्दै आएको राष्ट्र बैंकले अब यसलाई मासिक रुपमा गर्ने व्यवस्था मिलाएको छ।

दैनिक रुपमा गणना गर्दा ८० प्रतिशत नघाउनेलाई सात प्रतिशत जरिवाना लगाइन्थ्यो । अब महिनामा मात्र सिसिडी गणना हुनेछ । त्यसपछि मात्र जरिवाना गरिने भएको छ।

‘कर्जा÷स्रोत परिचालन अनुपात (सिसिडी रेसियो) को अनुगमन दैनिक रुपमा गर्ने तर हर्जाना लगाउने प्रयोजनका लागि त्यस्तो अनुपातको मासिक औसतलाई आधार बनाइनेछ,’ मौद्रिक नीतिको अर्धवार्षिक समीक्षामा उल्लेख गरिएको छ।

दैनिक रुपमा गणना हुँदा दिनहुँ सिसिडी रेसियो मिलाउनुपर्ने झन्झट हुने गरेकोमा राष्ट्र बैंकको नयाँ व्यवस्थाले बैंकहरुलाई केही सहुलियत मिलेको नेपाल बैंकर्स एसोसिएसनका अध्यक्ष ज्ञानेन्द्र ढुंगानाले बताए।

‘नयाँ व्यवस्थाले लगानीयोग्य पुँजीको अभाव झेलिरहेका बैंकलाई केही राहत दिने काम गरेको छ,’ नेपाल बंगालादेश बैंकका प्रमुख कार्यकारी अधिकृत समेत रहेका ढुंगानाले भने, ‘हामीले यसअघि तरलता अभावलाई राहत दिनका लागि दिएको सुझाव केही हदसम्म कार्यान्वयन भएको छ ।’ यसले लगानीयोग्य पुँजीको अभावलाई केही हदसम्म कम गर्ने उनको भनाइ छ।

यसअघि सिसिडी अनुपात साप्ताहिक रुपमा गणना हुने गरेको थियो । साप्ताहिक रुपमा गणना हुँदा बैंकहरुले मनपरी गरेको भन्दै राष्ट्र बैंकले त्यसलाई दैनिकमा झारेको थियो । तर, यसपालिको मौद्रिक नीतिको अर्धवार्षिक समीक्षामा दैनिकलाई उल्टाएर मासिक रुपमा गणना गर्ने निर्णय राष्ट्र बैंकले गरेको छ।
यसअघि राष्ट्र बैंकले पत्रकार तथा सरोकारवाला बोलाएर मौद्रिक नीतिको समीक्षा गर्ने गरेकोमा आफ्नो वेबसाइटमार्फत सार्वजनिक गरेको छ।

यसैगरी, राष्ट्र बैंकले उत्पादनमूलक क्षेत्रमा लगानी गर्न पुनर्कर्जा कोषको रकम पाँच अर्ब रुपैयाँ थप्ने निर्णय गरेको छ । उसले पुनर्कर्जा कोषको रकम २० अर्बबाट २५ अर्ब पु¥याएको छ । राष्ट्र बैंकले उत्पादनमूलक क्षेत्रमा लगानी नगरेका बैंकलाई पनि केही राहत दिएको छ।

२०७५ असार मसान्तसम्म कृषिमा १०, ऊर्जामा पाँच, पर्यटनमा पाँच र अन्यमा पाँच गरी २५ प्रतिशत लगानी गर्नुपर्ने बाध्यात्मक व्यवस्था गरेकोमा त्यसलाई केही सहज पारेको छ।

‘वाणिज्य बैंकहरुले कृषिमा १० प्रतिशत, ऊर्जामा पाँच प्रतिशत, पर्यटनमा पाँच प्रतिशत र बाँकी अन्य प्राथमिकता प्राप्त क्षेत्रमा गरी आफ्नो कुल कर्जाको न्यूनतम २५ प्रतिशत कर्जा २०७५ असारसम्ममा अनिवार्य रुपमा प्रवाह गर्नुपर्ने व्यवस्था रहेकोमा तोकिएको सीमामा कर्जा प्रवाह गर्न नसक्ने वाणिज्य बैंकहरुले उक्त सीमाभन्दा बढी कर्जा तोकिएका क्षेत्रमा प्रवाह गरेका अन्य बैंकहरुबाट सम्बन्धित प्राथमिकता प्राप्त शीर्षकमा ऋण बुक गर्न पाउने व्यवस्था मिलाइनेछ,’ राष्ट्र बैंकले आइतबार सार्वजनिक गरेको अर्धवार्षिक मौद्रिक नीतिमा उल्लेख छ।

राष्ट्र बैंकले तरलतालाई सहज बनाउन आफूले बैंकिङ कारोबार गरिरहेको सार्बजनिक संस्थाको खातालाई वाणिज्य बैंकमा सार्ने नीतिमा काम भइरहेको जनाएको छ । यसले पनि लगानीयोग्य पुँजीको अभाव खेपिरहेका बैंकहरुलाई केही राहत पुग्ने ढुंगानाको भनाइ छ।

‘बैंक तथा वित्तीय संस्था बाहेकका अन्य सार्वजनिक संस्थानले यस बैंकसँग बैंकिङ कारोबार गरिरहेको परिप्रेक्ष्यमा त्यस्ता संस्थानले वाणिज्य बैंकमा खाता खोली कारोबार गरेमा बैंकिङ क्षेत्रको तरलताको स्थिति समेत सहज हुने देखिएकोले सार्वजनिक संस्थानहरुसँग राय माग गर्ने कार्य भइरहेको छ । यस सम्बन्धमा सम्बन्धित संस्थानको राय प्राप्त भएपछि आवश्यक नीतिगत व्यवस्था गरिनेछ,’ अर्धवार्षिक मौद्रिक नीतिमा उल्लेख छ।

राष्ट्र बैंकले गाउँमा शाखा खोल्ने नीतिलाई पनि प्राथमिकतामा दिएको छ । सात सय ५३ स्थानीय तहमै शाखा पु¥याउने सरकारी नीति छ । यसमध्ये एक सय नौवटामा बैंकहरु जान चाहिरहेका छैनन् । उनीहरुलाई त्यहाँ पु¥याउन राष्ट्र बैंकले दबाबमूलक नीति ल्याएको छ । एक सयमध्ये दुईमा शाखा खोले मात्र उनीहरुलाई काठमाडौं र ललितपुर महानगरमा शाखा खोल्न दिने नीति राष्ट्र बैंकले लिएको छ । साथै, राष्ट्र बैंकले सरकारी कारोबारका लागि प्रोत्साहन गर्न तोकिएका स्थानीय तहमा खोलिने शाखालाई प्रतिशाखा एक करोड रुपैयाँ एक वर्षको लागि निब्र्याजी सापटी प्रदान गर्ने व्यवस्थालाई निरन्तरता दिइएको छ।

कुनै एक बैंक वा वित्तीय संस्थाले आफ्नो कुल कर्जाको बढीमा १५ प्रतिशतसम्म मात्र ओभरड्राफ्ट प्रकृतिको कर्जा प्रदान गर्न पाउने व्यवस्था गरिने पनि राष्ट्र बैंकको भनाइ छ । उक्त सीमा नाघेका बैंक तथा वित्तीय संस्थाले २०७५ पुस मसान्तभित्र तोकिएको सीमाभित्र ल्याइसक्नुपर्ने व्यवस्था गरेको छ।

source; nagariknews.com

प्रतिक्रिया दिनुहोस्
अन्य समाचारहरु
एलपीजी ग्यासभन्दा बिजुली धेरै सस्तो
काठमाडौं– ग्यासबाट भन्दा बिजुलीबाट खाना पकाउँदा करिब दोब्वर सस्तो हुने नेपाल विद्युत् प्राधिकरणले गरेको एक अध्ययन देखाएको छ ।पर्याप्त बिजुली उत्पादन गर्न सकिएको खण्डमा ग्यास आयातमा कमी आउने र भान्छाको लागत पनि घट्ने उक्त अध्ययनले देखाएको हो। नेपाल विद्युत् प्राधिकरणका कार्यकारी निर्देशक कुलमान घिसिङले ग्यासभन्दा बिजुलीको प्रयोग गर्दा सस्तो पर्ने बताए । ‘१० लिटर पानी तताउन ग्यास प्रयोग गर्दा १७ रुपैयाँ लाग्ने गर्छ,’ उनले भने, ‘त्यत्ति पानी बिजुलीबाट तताउँदा १० रुपैयाँ मात्र लाग्नेछ।’ प्रधिकरणले गरेको एक अध्ययनले त्यस्तो देखाएको घिसिङको भनाइ छ ।बिहीबार बारबरा फाउन्डेसनले आयोजना गरेको ...
कुमारी बैंक र नेपाल मेडिसिटी अस्पतालबीच सम्झौता
काठमाडौं– कुमारी बैंक लिमिटेडले नेपाल मेडिसिटी अस्पतालसँग आफ्ना ग्राहकलाई स्वदेशमै गुणस्तरीय उपचारमा सहुलियत दिने उद्देश्यले दुईपक्षीय सम्झौता गरेको छ । सम्झौतामा कुमारी बैंकका प्रमुख कार्यकारी अधिकृत सुरेन्द्र भण्डारी र नेपाल मेडिसिटी अस्पतालका प्रमुख कार्यकारी अधिकृत सुधाकर जयरामले हस्ताक्षर गरेको बैंकको विज्ञप्तिमा उल्लेख छ। उक्त सम्झौतापछि बैंकका ग्राहक तथा कर्मचारीले अस्पतालमा उपचार गराउँदा १० प्रतिशत छुट पाउने छन् । निजी क्षेत्रको सबैभन्दा सुविधासम्पन्न दाबी गरिएको उक्त अस्पताल गैरआवासीय नेपाली संघ (एनआरएनए) का संस्थापक उपेन्द्र महतोको लगानीमा स्थापना गरिएको हो । कुमारी बैंकले सबै क्षेत्र र वर्गसम्म बैंकिङ सेवाको ...
विराटनगरमा ग्रिन मोटर्सको लन्च
काठमाडौं– नेपालका लागि काइनेटिक गु्रपको एकमात्र आयातकर्ता र डिस्ट्रिब्युटर ग्रिन मोटर्सले विराटनगरमा लन्च कार्यक्रम गरेको छ। कार्यक्रमको अवसरमा कम्पनीले विराटनगर महानगरपालिकालाई एउटा गारबेज टिपर उपहारस्वरुप प्रदान गरेको जनाएको छ । कम्पनीले अहिले काइनेटिक सफर इ–अटो, काइनेटिक सफर शक्ति इ–लोडर, काइनेटिक सफर लिथियम र गारबेज टिपर जस्ता प्रडक्टहरु नेपालमा ल्याएको छ। source;nagariknews.com
डिसहोमको एक्सन स्पाेर्टस च्यानलमा रिङ रेस्लिङ लाइभ
काठमाडौं– डिसहोम एक्सन च्यानलले यस पटक पनि पोखरामा हुने आर डब्लु संग्राम नामक रिङ रेस्लिङ प्रतियोगिताको प्रत्यक्ष प्रसारण स्पाेर्टस भएको छ। यही फागुन १८ गते हुने उक्त प्रतियोगिता नेपाल रिङ रेस्लिङ संघ तथा डिस मिडिया नेटवर्क लिमिटेडको सहकार्य र डबल एस प्रालिको व्यवस्थापनमा पश्चिमाञ्चल क्षेत्रीय खेलकुद विकास समितिको संयोजकत्वमा हुन लागेको हो। प्रतियोगितामा नेपालका उत्कृष्ट रेस्लरसँगै विदेशी रेस्लरको समेत सहभागिता रहने बताइएको छ । पोखरा रंगशालामा आयोजना हुने उक्त प्रतियोगीतामा चार देशका रेस्लरहरुको सहभागिता रहने छ । प्रतियोगितामा नेपालबाट नुवाकोटे टाइगर, ठाकु, डभिड, साइन, ब्लेड, भिलेन, ...
‘ऊर्जा क्षेत्रमा लगानी हैन सोचको समस्या’
काठमाडौं – नेपालको ऊर्जा क्षेत्रको विकासका लागि लगानी नभई सोचको मात्रै समस्या रहेको त्यस क्षेत्रका जानकार तथा सरोकार भएका व्यक्तिले जोड दिएका छन्। बारबरा फाउण्डेशनले बुधबार गरेको अन्तरसंवाद कार्यक्रममा सहभागी वक्ताले नीतिगत जटिलता हटाएर लगानीमैत्री वातावरण मात्रै बनाउने हो भने स्वदेशी लगानीमा नै ठूलो परिमाणमा जलविद्युत्को विकास गर्न सकिने बताए। नेपालमा रहेका बैंक तथा वित्तीय संस्था नै ठूला परियोजना निर्माण गर्न सक्ने अवस्थामा पुगेको तथा गतिलो प्रतिफलको सुनिश्चितता गर्ने हो भने नागरिकले पनि ठूलो मात्रामा लगानी गर्न सक्ने स्थिति रहेको बताउँदै उनीहरुले सरकारले प्राथमिकताक्रम निर्धारण ...
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम