मुख्य समाचार

दुध बिक्रीबाट एक वर्षमा ३८ करोड आम्दानी
38 crore a year income from the sale of milk

मकवानपुर – मकवानपुर जिल्लामा दुध उत्पादन बिक्रीबाट एक वर्षमा करिब ३८ करोड रुपियाँ आम्दानी भएको छ। आर्थिक वर्ष २०७३/७४ मा मकवानपुरका ५५ वटा दुग्ध उत्पादक सहकारीबाट संकलित दैनिक औसत २० हजार लिटर दुध बिक्री गरी उक्त रकम आम्दानी भएको हो।

जिल्लामा उत्पादित दुध काठमाडौं, पोखरा, हेटौंडा लगाएका करिब २० वटा उद्योगले किन्ने गरेको मकवानपुर जिल्ला दुग्ध उत्पादक सहकारी संघका व्यवस्थापक कुमारमणी दाहालले बताए। किसानबाट दुध संकलन गरी बिक्री गरेबापत जिल्ला दुग्ध उत्पादक सहकारी संघ मकवानपुरले एक वर्षको अवधिमा २४ लाख ४२ हजार रुपियाँ नाफा कमाई गरेको उनले जनाए। अघिल्लो वर्षको तुलनामा चालु आर्थिक वर्षमा दैनिक औसत ५ देखि ८ हजार लिटर बढी दुध संकलन भईरहेकाले दूध उत्पादन बढेको उनले अनुमान गरे।

जिल्ला दुग्ध उत्पादक सहकारी संघले चालू आर्थिक वर्षमा करिब ४६ करोडको रुपियाँको दुध कारोबार गर्ने लक्ष्य राखेकोमा पहिलो चौमासिकमै १८ करोड ४९ लाख रुपियाँको दुध कारोबार भइसकेको संघले जनाएको छ। सहकारीको बिहीबार हेटौंडामा आयोजित २५ औं वार्षिक साधारणसभामा लेखा सुपरीवेक्षण समितिका संयोजक तोयानाथ दाहालले प्रस्तुत गरेको प्रतिवेदन अनुसार जिल्लामा ५५ हजार लिटर दुध भण्डारण गर्न सक्ने क्षमता रहेको छ। जिल्लाका २७ वटा दुग्ध सहकारीले दुग्ध चिस्यान केन्द्र सञ्चालन गरिरहेका छन्। दाहालका अनुसार जिल्लामा ३८ वटा दुग्ध उत्पादक सहकारी संस्थाले मिल्क अनलाइजर मेसिन सञ्चालन गरिरहेका छन्।

केन्द्रीय दुग्ध उत्पादक सहकारी संघका अध्यक्ष नारायणप्रसाद देवकोटाले भौगोलिक र हावापानीका दृष्टिले उपयुक्त दुध उत्पादनका लागि सरकारले बिशेष कार्यक्रम ल्याई प्रभावकारी रुपमा सञ्चालन गर्नुपर्ने बताए। बर्षेनी लाखौको दुध र दुग्ध पदार्थ भारत र अन्य देशबाट आयात भइरहेको भन्दै उनले देशमै निर्वाहमुखी पशुपालनलाई बिकास गर्दै व्यवसायिक पशुपालनमा जोड दिनुपर्ने बताए।

३ नम्बर प्रदेश सांसद तथा नेपाल नगरपालिका संघका अध्यक्ष डोरमणि पौडेलले युवाहरुले लाज त्यागेर पशुपालन गरी देशलाई दुधमा आत्मनिर्भर बनाउनुपर्ने बताए। बिदेशमा जस्तो पनि दुःख र पीडा सहेर काम गर्नु भन्दा नेपालमै गौरव लायक पशुपालन र कृषि पेशा गर्न उनले युवाहरुलाई आग्रह पनि गरे।

सभामा संस्थाका अध्यक्ष बासुदेव अधिकारीले किसानलाई निर्वाहमुखी पशुपालनबाट व्यवसायिक पशुपालनमा लाग्न उत्प्रेरित गरी दुधको उत्पादन बढाउन सरकारले पनि बिशेष योजना ल्याउनुपर्ने बताए। कम लागतमा दूध उत्पादन कार्यक्रमलाई व्यापकताका साथ अघि बढाइदै घाँस खेती, हेसाइलेज निर्माण तालिमका कार्यक्रम संघबाट अगाडि बढाइने पनि अधिकारीले प्रतिवद्दता व्यक्त गरे। दूध किसान र दुग्ध सहकारीको हितमा आगामी वर्ष गर्ने कामको बारेमा जानकारी दिँदै अधिकारीले यातायात सुविधा पुगेको गाउँपालिकाहरुमा दुग्ध उत्पादक सहकारी संस्थाहरु गठन गरिने र उनीहरुलाई दूध संकलन सुरु गर्न तालिम, आर्थिक सहयोग, तथा भौतिक पूर्वाधारमा समेत सहयोग गरिने बताए।

पशुपालनमा भएको नोक्सानीलाई न्यूनीकरण गर्न कृषि विकास बैंकको सहजीकरणमा सहकारी संस्थामा सञ्चालित पशुधन संरक्षण कार्यक्रम अझ प्रभावकारी रुपमा सञ्चालन गरिने जिल्ला दुग्ध उत्पादक सहकारी संघले योजना बनाएको छ। आगामी वर्ष सहकारीमा लैङ्कि समानता र महिला सशक्तीकरण तालिम, नेतृत्व विकास तालिम, गोठ सुधार तालिम, पशुपालन तथा उन्नत आहार व्यवस्थापनसम्बन्धी तालिम पनि सञ्चालन गर्ने संघका अध्यक्ष अधिकारीको भनाइ छ।

कार्यक्रममा जिल्ला सहकारी संघका अध्यक्ष बद्री लम्साल, डिभिजन सहकारी कार्यालय मकवानपुरका प्रमुख तिलकराम पोखरेल, जिल्ला बचत तथा ऋण सहकारी संस्थाका अध्यक्ष राधा सिन्तान, मकवानपुर गढी गाउँपालिकाका अध्यक्ष विदुर हुमागाई, कृषि विकास बैंक हेटौंडाका निमित्त प्रमुख अच्युत ढुङ्गाना, हेटौंडा दुग्ध वितरण आयोजनाको प्रमुख गणेशकुमार यादव लगायतले व्यवसायिक पशुपालन गरी दूध व्यवसायमा राम्रो आयआर्जनको सम्भावना रहेकाले सवै पक्ष सचेत हुनुपर्ने बताए।

source; nagariknews.com

प्रतिक्रिया दिनुहोस्
अन्य समाचारहरु
भारतले फेरि रोक्यो नेपाली अदुवा
इलाम : एक वर्षयता अन्य नाका बन्द गरी काँकरभिट्टाबाट मात्र अदुवा भित्र्याउन दिँदै आएको भारतले फेरि रोक लगाएको छ। भारत सरकारले नेपाली अदुवा सफा नगरी आएको भन्दै भित्र्याउन रोक लगाएपछि पाँच दिनदेखि निर्यात ठप्प भएको नेपाल अदुवा उत्पादक तथा व्यवसायी संघका केन्द्रीय अध्यक्ष नरेन्द्र खड्काले जानकारी दिए। भारतले नेपालको अदुवा खरिदका लागि मेची एक्सपोर्टलाई मात्र अनुमति दिएको छ। अन्य कम्पनीलाई अदुवा खरिदको अधिकार नदिएकाले मेची एक्सपोर्टले विभिन्न बहानामा अदुवा खरिद रोक्ने गरेको अध्यक्ष खड्काको भनाइ छ। उनका अनुसार देशभरको अदुवा अहिले काँकरभिट्टा नाकाबाट मात्र भारत जाने ...
कफी खेतीमा आकर्षण
कुस्मा : पर्वत फलेवास नगरपालिका ९, भँगाराका किसानले चार वर्षदेखि व्यावसायिक रूपमा कफी खेती गर्दै आएका छन्। खेतबारीमा अन्नबाली लगाउने जनशक्ति अभाव र लगाएको अन्नबाली पनि बाँदरले खाइदिने समस्याले अधिकांश किसानले व्यावसायिक कफी खेती सुरु गरेका हुन्। गाउँका एक सय १६ जना कृषकले खेतबारीमा अन्नबाली लगाउन छाडेर कफी रोपेका छन्। कफी खेतीका लागि प्रशस्त जमिन र उपयुक्त वातावरण भएकाले यसतर्फ किसानको मोह बढेको स्थानीय चन्द्रबहादुर थापाले बताए। उनले भने, ‘मकै, गहुँ, धानजस्ता बालीनाली लगायो, बाँदरले खाएर हैरान पार्छ, गाउँमा जनशक्ति पनि पाइँदैन, कफी लगाए वर्षको एक ...
स्याउबाट १७ करोड भित्रियो
जुम्ला : जुम्लामा स्याउबाट यस वर्ष १७ करोड आम्दानी भएको छ। विभिन्न स्याउ संकलन केन्द्र तथा व्यापारीले यस वर्ष जुम्लाबाट १७ करोडको स्याउ बिक्री गरेका हुन्। पछिल्लो समय स्याउ उत्पादनमा कृषकको लगानी बढ्दै गएका कारण स्याउ उत्पादनबाट जुम्लाले बर्सेनि आम्दानी बढाउँदै गएको छ। जिल्ला कृषि विकास कार्यालयका अनुसार गत वर्षको तुलनामा यस वर्ष ठ्याक्कै एक करोडले स्याउ उत्पादनमा वृद्धि भएको हो। यो वर्ष जुम्लामा ३७ सय मेट्रिक टन स्याउ बिक्री भयो। यसमध्ये २२ सय टन स्याउ जिल्लाबाहिर पठाइएको थियो। ए र बी गे्रडको स्याउ जिल्लाबाहिर पठाइन्छ ...
रिडी मेलामा पाँच करोडको कारोबार
तम्घास : तीन जिल्ला (गुल्मी, पाल्पा, स्याङ्जा)को संगमस्थल रिडीमा हजारौं दर्शनार्थीले माघे संक्रान्ति मेला अवलोकन गरेका छन्। धार्मिक एवं पर्यटकीय हिसाबले यस क्षेत्रकै प्रमुख गन्तव्यको रूपमा रहेको रिडीमा प्रत्येक वर्ष माघी मेला लाग्ने गर्छ। नेपालकै चारधाममध्येको एक रिडीमा विशेष गरी धार्मिक पर्यटक बढी आउने गर्छन्। माघे संक्रान्तिमा धेरैजसो पर्यटक कालीगण्डकी नदीमा स्नानका लागि आउने गरेको स्थानीयले बताए। यस वर्ष पनि तीनवटै जिल्लाका स्थानीय तहले पाँच दिनसम्म संयुक्त रूपमा मेलाको आयोजना गरेका हुन्। मेलामा पाँच सयजति विभिन्न व्यावसायिक स्टल राखिएका थिए। रिडीको प्रचारप्रसार र कृषि क्षेत्रको बजारीकरण ...
१६ अर्ब २५ करोड लगानी अवसर
काठमाडौं : धितोपत्र बजारमा लगानी गर्न चाहनेलाई नयाँ अवसर जुट्ने भएको छ। चालू आर्थिक वर्षमा विभिन्न कम्पनीले १६ अर्ब २५ करोड रुपैयाँभन्दा बढी मूल्यका साधारण सेयर (आईपीओ) र फर्दर पब्लिक अफरिङ (एफपीओ) जारी गर्ने भएपछि लगानीकर्ताले लगानी अवसर पाउने भएका हुन्। सेयर निष्कासनका लागि नियामक नेपाल धितोपत्र बोर्डमा २८ कम्पनीले आवेदन दिएका छन्। आवेदन दिएका कम्पनीमध्ये १२ वटा कम्पनीले सेयर निष्कासनका लागि अनुमति पाइसकेका छन्। बाँकी १६ कम्पनी सेयर निष्कासनका लागि बोर्डको निर्णयलाई पर्खेर बसेका छन्। यस वर्ष जलविद्युत् कम्पनी, माइक्रोफाइनान्स तथा इन्सुरेन्स, विकास बैंक तथा ...
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम