मुख्य समाचार

दूध बिक्रीबाट एक वर्षमा ३८ करोड आम्दानी
38 crore income from the sale of milk in one year

मकवानपुर – मकवानपुर जिल्लामा दूध बिक्रीबाट एक वर्षमा करिब ३८ करोड रुपैयाँ आम्दानी भएको छ । आर्थिक वर्ष २०७३÷७४ मा मकवानपुरका ५५ वटा दुग्ध उत्पादक सहकारीबाट संकलित दैनिक औसत २० हजार लिटर दूध बिक्री गरी उक्त रकम आम्दानी भएको हो ।

जिल्लामा उत्पादित दूध काठमाडौं, पोखरा, हेटौंडा लगायतका करिब २० वटा उद्योगले किन्ने गरेको मकवानपुर जिल्ला दुग्ध उत्पादक सहकारी संघका व्यवस्थापक कुमारमणि दाहालले बताए । किसानबाट दूध संकलन गरी बिक्री गरेबापत जिल्ला दुग्ध उत्पादक सहकारी संघ मकवानपुरले एक वर्षको अवधिमा २४ लाख ४२ हजार रुपैयाँ नाफा आर्जन गरेको उनले जनाए । अघिल्लो वर्षको तुलनामा चालु आवमा दैनिक औसत पाँचदेखि आठ हजार लिटर बढी दूध संकलन भइरहेकाले दूध उत्पादन बढेको उनले अनुमान गरे ।

जिल्ला दुग्ध उत्पादक सहकारी संघले चालू आवमा करिब ४६ करोड रुपैयाँको दूध बिक्री गर्ने लक्ष्य राखेकामा पहिलो चौमासिकमै १८ करोड ४९ लाख रुपैयाँको दूध बिक्री भइसकेको संघले जनाएको छ । सहकारीको बिहीबार हेटौंडामा आयोजित २५औं वार्षिक साधारणसभामा लेखा सुपरीवेक्षण समितिका संयोजक तोयानाथ दाहालले प्रस्तुत गरेको प्रतिवेदन अनुसार जिल्लामा ५५ हजार लिटर दूध भण्डारण गर्न सक्ने क्षमता रहेको छ । जिल्लाका २७ वटा दुग्ध सहकारीले दुग्ध चिस्यान केन्द्र सञ्चालन गरिरहेका छन् । दाहालका अनुसार जिल्लामा ३८ वटा दुग्ध उत्पादक सहकारी संस्थाले मिल्क अनलाइजर मेसिन सञ्चालन गरिरहेका छन् ।

केन्द्रीय दुग्ध उत्पादक सहकारी संघका अध्यक्ष नारायणप्रसाद देवकोटाले भौगोलिक र हावापानीका दृष्टीले उपयुक्त दूध उत्पादनका लागि सरकारले बिशेष कार्यक्रम ल्याई प्रभावकारी रुपमा सञ्चालन गर्नुपर्ने बताए । बर्सेनि लाखौको दूध र दुग्ध पदार्थ भारत र अन्य देशबाट आयात भइरहेको भन्दै उनले देशमै निर्वाहमुखी पशुपालनलाई विकास गर्दै व्यावसायिक पशुपालनमा जोड दिनुपर्ने बताए ।

प्रदेश नम्बर ३ का सांसद तथा नेपाल नगरपालिका संघका अध्यक्ष डोरमणि पौडेलले युवाहरुले लाज त्यागेर पशुपालन गरी देशलाई दूधमा आत्मनिर्भर बनाउनुपर्ने बताए । विदेशमा जस्तो पनि दुःख र पीडा सहेर काम गर्नुभन्दा नेपालमै गौरव गर्न लायक पशुपालन र कृषि पेसा गर्न उनले युवाहरुलाई आग्रह पनि गरे ।

सभामा संस्थाका अध्यक्ष बासुदेव अधिकारीले किसानलाई निर्वाहमुखी पशुपालनबाट व्यावसायिक पशुपालनमा लाग्न उत्प्रेरित गरी दूध उत्पादन बढाउन सरकारले पनि विशेष योजना ल्याउनुपर्ने बताए । कम लागतमा दूध उत्पादन कार्यक्रमलाई व्यापकताका साथ अघि बढाइँदै घाँस खेती, हेसाइलेज निर्माण तालिमका कार्यक्रम संघबाट अगाडि बढाइने पनि अधिकारीले प्रतिबद्धता व्यक्त गरे । दूध किसान र दुग्ध सहकारीको हितमा आगामी वर्ष गर्ने कामबारे जानकारी दिँदै अधिकारीले यातायात सुविधा पुगेका

गाउँपालिकामा दुग्ध उत्पादक सहकारी संस्था गठन गरिने र उनीहरुलाई दूध संकलन सुरु गर्न तालिम, आर्थिक सहयोग, तथा भौतिक पूर्वाधारमा समेत सहयोग गरिने बताए ।

पशुपालनमा भएको नोक्सानीलाई न्यूनीकरण गर्न कृषि विकास बैंकको सहजीकरणमा सहकारी संस्थामा सञ्चालित पशुधन संरक्षण कार्यक्रम अझ प्रभावकारी रुपमा सञ्चालन गरिने जिल्ला दुग्ध उत्पादक सहकारी संघले योजना बनाएको छ । आगामी वर्ष सहकारीमा लैंगिक समानता र महिला सशक्तीकरण तालिम, नेतृत्व विकास तालिम, गोठ सुधार तालिम, पशुपालन तथा उन्नत आहार व्यवस्थापन सम्बन्धी तालिम पनि सञ्चालन गर्ने संघका अध्यक्ष अधिकारीको भनाइ छ ।

संस्थाका अध्यक्ष अधिकारीको अध्यक्षतामा भएको कार्यक्रममा प्रदेश नम्बर ३ का सांसद पौडेलको प्रमुख आतिथ्यता रहेको थियो । कार्यक्रममा जिल्ला सहकारी संघका अध्यक्ष बद्री लम्साल, डिभिजन सहकारी कार्यालय मकवानपुरका प्रमुख तिलकराम पोखरेल, जिल्ला बचत तथा ऋण सहकारी संस्थाका अध्यक्ष राधा सिन्तान, मकवानपुर गढी गाउँपालिकाका अध्यक्ष विदुर हुमागाईं, कृषि विकास बैंक हेटौंडाका निमित्त प्रमुख अच्युत ढुंगाना, हेटौंडा दुग्ध वितरण आयोजनाका प्रमुख गणेशकुमार यादव लगायतले व्यावसायिक पशुपालन गरी दूध व्यवसायमा राम्रो आयआर्जनको सम्भावना रहेकाले सबै पक्ष सचेत हुनुपर्ने बताए ।

source; nagariknews.com

प्रतिक्रिया दिनुहोस्
अन्य समाचारहरु
काँकरभिट्टाबाट ११ हजारभन्दा बढी पर्यटक भित्रिए
झापा –झापाको पूर्वी नाका काँकरभिट्टाबाट सन् २०१७ मा ११ हजार ४ सय ९७ जना पर्यटक नेपाल भित्रिएको अध्यागमन कार्यालयले जनाएको छ । २०१७ जनवरीदेखि डिसेम्बरसम्म अष्ट्रेलियाबाट २ सय २२, अष्ट्रियाबाट १२, बंगलादेशबाट २ हजार २५, बेल्जियमबाट ३६, क्यानडाबाट १ सय ७०, चीनबाट २ सय ५९, डेनमार्कबाट १३, फ्रान्सबाट २ सय १२, जर्मनबाट २ सय ७, इजरायलबाट ३१, इटलीबाट ४२, जापानबाट १ सय १२ जना नेपाल भित्रिएको अध्यागमन कार्यालयले जानकारी दिएको हो । त्यस्तै मलेसियाबाट ९०, नेदरल्याण्डबाट ५८, न्यूजील्याण्डबाट ४७, नर्वेबाट १०, सिंगापूरबाट ३२, श्रीलंकाबाट २, स्विजरल्याण्डबाट ६७, ...
सल्यानमा गतवर्ष भन्दा १० प्रतिशतले सुन्तला उत्पादनमा वृद्धि
सल्यान – सल्यानमा यस वर्ष ३३ करोड ४ लाख ८० हजार बराबरको सुन्तला उत्पादन भएको छ। सुन्तला शुद्धीकरण अभियान, बगैँचा व्यवस्थापन, सुन्तलाको बोट तथा क्षेत्रफल वृद्धि, मौसमको अनुकूललगायत कारणले यस वर्ष गत वर्षभन्दा १० प्रतिशतले सुन्तला उत्पादनमा वृद्धि भएको हो। जिल्ला कृषि विकास कार्यालयका बरिष्ठ कृषि विकास अधिकृत अमरराज शर्माका अनुसार यस वर्ष १ हजार २० हेक्टर क्षेत्रफलमा लगाइएको सुन्तलाको बोटबाट ७ हजार ३४४ मेट्रिक टन सुन्तला उत्पादन भएको हो। गत वर्षभन्दा ८ हेक्टर बढीमा सुन्तला उत्पादन भएको छ। गत वर्ष जिल्लामा २९ करोड ...
नवीकरणबाट एक करोड राजश्व
भद्रपुर – घरेलु तथा साना उद्योग कार्यालय भद्रपुर झापाले चालू आर्थिक वर्षको चार महिनामा उद्योग दर्ता एवं नवीकरणबाट कूल रु एक करोड २० लाख राजश्व संकलन गरेको छ। उत्पादन, सेवा, कृषि तथा वन्य जन्तु र पर्यटन किसिमका उद्योगबाट रु २५ लाख ३३ हजार था वाणिज्य प्रशासनतर्फ रु ९४ लाख ६६ हजार राजस्व संकलन भएको उद्योग अधिकृत चन्द्रप्रसाद मिश्रले जानकारी दिए। प्रथम चौमासिकको चार महिनाको अवधिमा ३२५ नयाँ उद्योग दर्ता भई नयाँ र पुरानो गरी अब झापामा आठ हजार ८१ उद्योग दर्ता भएका छन्। तीनवटा ...
हात्ती सफारी संकटमा
नवलपरासी : विश्वभरका पशु अधिकारवादी र टुर अपरेटरले हात्ती सफारी बन्द गर्नुपर्ने आवाज उठाउन थालेपछि नेपालको जंगल पर्यटन संकटमा पर्ने देखिएको छ। नेपाली पर्यटन क्षेत्रमा हात्ती सफारी महत्वपूर्ण ‘प्रोडक्ट' मानिन्छ। नेपालमा ३५ वर्षअघि टाइगर टप्सले व्यावसायिक रूपमा हात्ती सफारी सुरु गरेको थियो। टाइगर टप्सले सुरु गरेको हात्ती पोलो विश्वभर चर्चित छ। नेपालमा हात्ती सफारी बन्द गराउँदा जंगल पर्यटन ध्वस्त हुने टेम्पल टाइगर रिसोर्टका सञ्चालन बसन्त मि श्र बताउँछन्। हात्ती चढेर जंगलर सफारी गर्न बर्सेनि लाखौं स्वदेशी तथा विदेशी पर्यटक चितवन राष्ट्रिय निकुञ्ज पुग्छन्। चितवनको पर्यटन व्यवसायी ...
नेपालगञ्ज भन्सारद्वारा ६ महिनामा लक्ष्य भन्दा ३६ करोड बढी राजश्व संकलन
नेपालगञ्ज – नेपालगञ्ज भन्सार कार्यालयले चालु आर्थिक वर्षको ६ महिनामा लक्ष्य भन्दा ३६ करोड रुपैयाँ बढी राजश्व संकलन गरेको छ । चालु आर्थिक वर्ष २०७४/०७५ को साउनदेखि पुस महिनासम्म लक्ष्य भन्दा बढी राजश्व संकलन भएको नेपालगञ्ज भन्सार कार्यालयका प्रमुख जनार्दन आचार्यले जानकारी दिनुभयो । नेपालगञ्ज भन्सार कार्यालयको लक्ष्य चालु आर्थिक वर्षको ६ महिनामा तीन अर्ब ८५ करोड ३१ लाख ६६ हजार रुपैयाँ राजश्व संकलन गर्ने रहेकोमा चार अर्ब २१ करोड ४७ लाख ७४ हजार रुपैयाँ संकलन गरेको हो । नेपालगञ्ज भन्सार कार्यालयका सूचना अधिकारी समेत रहनुभएका भन्सार अधिकृत ...
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम