मुख्य समाचार

एपिएफको जितमा अन्जन नायक
Anjan hero in the victory of APF

धनगढी – नेपाली राष्ट्रिय टोलीका युवा स्ट्राइकर अन्जन विष्टको दुई गोलप्रेरित नेपाल एपिएफ क्लब बुधबार नेपाल आइस सुदूर पश्चिम खप्तड गोल्डकप फुटबल प्रतियोगिताको अन्तिम चारमा प्रवेश गरेको छ । विभागीय टोली सशस्त्र प्रहरी बलको एपिएफले कैलालीको धनगढी रंगशालामा बुधबार भएको क्वार्टरफाइनलमा सहिद स्मारक ‘ए’ डिभिजन लिगको प्रतिद्वन्द्वी सिएमजी क्लब संकटामाथि २–० को विजयी नतिजा निकालेको थियो ।

एपिएफलाई सेमिफाइनलको बाटोमा डो¥याउन म्यान अफ दी म्याच अन्जनले २३औं मिनेटमा गोलको खाता खोलेपछि समय सकिन पाँच मिनेट बाँकी रहँदा अर्को गोल गरेका थिए । एपिएफको सेमिफाइनल यात्रामा नायक बनेका अन्जनले म्यान अफ दी म्याचको पुरस्कारस्वरुप नगद १० हजार रुपैयाँ हासिल गरे ।

आइतबार हुने सेमिफाइनलमा एपिएफले आयोजक सुदूर पश्चिम ११ स्पोर्टस क्लबसँग प्रतिस्पर्धा गर्नेछ । आयोजकले सहिद स्मारक ‘ए’ डिभिजन लिगको टोली च्यासल युथ क्लबमाथि पेनाल्टी सुटआउटमा जित हासिल गर्दै सेमिफाइनलमा स्थान पक्का गरेको थियो । श्याम नेपालीको पासलाई युवराज खड्काले भेट्टाउन नसकेपछि अन्जनले हेडमार्फत गोल गरेर एपिएफको खाता खोलेका थिए ।

खेल अवधिभर दुवै टोलीले गरी गोलका झन्डै दर्जन अवसर खेर फालेको दिन अन्जनले अन्तिम समयमा दोस्रो व्यक्तिगत गोल गरेर एपिएफको जित सहज बनाए । उनले दोस्रो गोल एकल प्रयासमा गरेका थिए ।

एपिएफका प्रशिक्षक रत्नकाजी महर्जनले पहिलो खेलको तुलनामा बुधबार राम्रो प्रदर्शन भएको बताउँदै उपाधि जित्ने दाबी गरे । ‘मैदानको बारेमा हामीलाई पहिलो खेलबाट राम्रो जानकारी भयो । त्यसैले पहिलो खेलभन्दा आज टिमले राम्रो खेल्यो,’ महर्जनले खेलपछि पत्रकारहरूसँग भने, ‘केटाहरूले सुरुदेखि राम्रो खेलेर विपक्षीलाई दबाबमा राखे । हामीले विपक्षीलाई कुनै पनि बेला प्रभावकारी रूपमा खेलमा फर्किने मौका दिएनौं । अब सेमिफाइनलमा आयोजकलाई घरेलु मैदानमा हराएर फाइनल पुग्नका लागि हाम्रो ध्यान केन्द्रित हुनेछ । यसपालि धनगढीबाट उपाधि लिएर फर्किने हाम्रो लक्ष्य हो ।’

पहिलो खेलमा एपिएफले पोखराको सहारा फुटबल क्लबमाथि पेनाल्टी सुटआउटमा विजय हासिल गरेको थियो । निर्धारित समय गोलरहित बराबरी भएपछि खेल पेनाल्टी सुटआउटमा धकेलिएको थियो ।

संकटाका प्रशिक्षक सल्यान खड्गीले आफ्ना खेलाडीहरू थकित देखिँदा धेरै मौका चुकेको प्रतिक्रिया दिए । ‘केटाहरू थाकेजस्ता भए । आज राम्रो खेल्नै सकेनन् । गोलका अवसर सिर्जना गरे पनि उपयोग भएनन्,’ उनले भने, ‘एपिएफ नेपाली फुटबलको सदाबहार राम्रो टोली हो । उनीहरूले पहिलो खेलको दाँजोमा राम्रो खेल्दै सुरुमै गोल गरे । हामीचाहिँ पहिलो खेलको जत्ति पनि खेल्न सकेनौं । पहिलो हाफमा उनीहरूले धेरै राम्रो खेले । हामीले दोस्रो हाफमा पुनरागमन प्रयास गर्दा धेरै दबाब सिर्जना गरे पनि गोल गर्न सकेनौं ।’

साबिक उपविजेता संकटाले पहिलो खेलमा पेनाल्टी सुटआउटमा धरान फुटबल क्लबमाथि विजय हासिल गर्दै अन्तिम आठको यात्रा गरेको थियो । गत वर्ष फाइनलमा लक्ष्मी हुन्डाई मनाङ मस्र्याङ्दी क्लबसँग १–० ले स्तब्ध हुँदै उपाधिबाट विमुख भएको संकटाको यात्रा यसपालि भने क्वार्टरफाइनलमै टुंगियो ।

प्रतियोगिताको तेस्रो क्वार्टरफाइनलमा बिहीबार ‘ए’ डिभिजनका दुई टोली नेपाली सेनाको त्रिभुवन आर्मी क्लब र रुस्लान थ्री स्टार क्लबबीच खेल हुनेछ ।

source; nagariknews.com

प्रतिक्रिया दिनुहोस्
अन्य समाचारहरु
प्रिमियर लिग फुटबलमा आज पनि ८ खेलहरु हुदै
लण्डन – इङलिस प्रिमियर लिग फुटबलमा आज पनि ८ खेलहरु हुदैछन्। नेपाली समयअनुसार साझ ६ः१५ मा सुरु हुने आजको पहिलो खेलमा चेल्सी र ब्राइटन आमने सामने हुनेछन्। त्यस्तै राति ८ः४५ मा ६ वटा खेल हुनेछन। जसमा म्यानचेस्टर यनाइटेडले बर्नली, आर्सनलले क्रिस्टल प्यालेस, एभर्टनले वेस्ट ब्रोम, लेस्टर सिटीले वार्टफोर्ड, स्वान्सी सिटीले हडल्सफिल्ड तथा वेस्ट ह्याम युनाइटेडले बर्नमाउथको सामना गर्नेछन्। यता राति सवा ११ः१५ मा हुने आजको अन्तिम खेलमा शिर्ष स्थानको म्यानचेस्टर सिटीले न्युक्यासल युनाइडेडको समाना गर्नेछ। प्रिमियर लिगको २३ औं चरणका खेलहरु सकिँदा ६२ अंकसहित म्यानचेस्टर सिटी लिगकोे ...
आर्मीको शतप्रतिशत नतिजा
काठमाडौं – राखेप च्याम्पियनसिपअन्तर्गत दोस्रो राष्ट्रिय महिला हकी प्रतियोगिताको उपाधिका लागि शनिबार त्रिभुवन आर्मी क्लब र मध्यमाञ्चलले प्रतिस्पर्धा गर्ने भएका छन्। राउन्ड रोबिन लिगको अन्तिम दिन आर्मीले पश्चिमाञ्चललाई २–० ले हराउँदै फाइनलमा स्थान पक्का गर्दा नेरिता बस्नेतको गोलमा मध्यमाञ्चलले साबिक विजेता सुदूरपश्चिमाञ्चललाई १–० ले हराउँदै उपाधि भिडन्त पक्का गरेको हो। लिगमा आर्मी शीर्ष स्थानमा रहँदै फाइनलमा पुगेको हो। ५ टोली सहभागी प्रतियोगितामा शतप्रतिशत नतिजा निकाल्दै आर्मीले १२ अंक बटुल्यो। दोस्रो स्थानमा रहेको मध्याञ्चलले ७ अंक जोड्यो। पश्चिमाञ्चलले समान ७ अंक जोडे पनि गोलअन्तरमा पछि प¥यो। ...
एपिएफ र आर्मीको दोहोरो जित
काठमाडौं – विभागीय टोली नेपाल एपिएप क्लब र त्रिभुवन आर्मी क्लबले ‘रेडबुल ढोरपाटन युएम महिला डबल लिग भलिबल’ प्रतियोगिताको दोस्रो दिन दोहोरो जित निकालेका छन् । नयाँ बसपार्कस्थित आयोजक ढोरपाटन स्पोर्टस क्लबको खेलमैदानमा शुक्रबार भएको खेलमा एपिएफले न्यु डायमन्ड स्पोर्टस क्लब र अर्काे विभागीय टोली नेपाल पुलिस क्लबको चुनौती पन्छायो। न्यु डायमन्ड स्पोर्ट्स क्लबमाथि २५–१, २५–२ र २५–६ को सहज जित निकाल्दा नेपाल पुलिस क्लबलाई २५–१२, २५–१७ र २५–१३ ले पन्छायो। शुक्रबारै भएको खेलमा त्रिभुवन आर्मी क्लबले पारामाउन्ट र स्प्रिङ्डेललाई पराजित गर्दै दोहोरो जित दर्ता गर्न सफल ...
मदन भण्डारी इटहरी गोल्डकप आजबाट सुरु हुदै
सुनसरी – मोफसलकै सर्वाधिक पुरस्कार राशिको प्रथम मदन भण्डारी स्मृति अन्तराष्ट्रिय आमन्त्रण इटहरी गोल्डकप फुटबल प्रतियोगिता आज बाट सुरु हुदैछ। सुनसरीको इटहरीमा हुने प्रतियोगिताको उद्घाटन खेलमा आज दिउँसो २ बजे थ्री स्टार क्लव र एपिएफ क्लवबीच प्रतिस्पर्धा हुदैछ। प्रतियोगितामा नेपाल, भारत र भुटानका गरी ८ टोली जस्तै आयोजक राष्ट्रिय जागृति क्लव, मनाङ मस्याङ्दी, त्रिभुवन आर्मी, थ्री स्टार, एपिएफ, झापा ११, गरिफा स्पोर्टिङ क्लव कोलकत्ता र भुटानको डुक युनाइटेडको सहभागिता रहेको छ। प्रतियोगिताको उद्घाटन राष्ट्रपति विद्यादेवी भण्डारीले गर्ने आयोजकले जनाएको छ। माघ १३ गते सम्म सञ्चालन ...
रियाल मड्रिड विजयी
माघ ५ – स्पेनिस कोपा डेल रे फुटबलमा रियाल मड्रिड विजयी भएको छ। विहिबार राति सम्पन्न क्वाटरफाइनलको पहिलो लेगमा रियल मड्रिडले उसैको मैदानमा लेगानेजालाई १–० ले पराजित गर्यो। पछिल्लो समय खराब प्रदर्शन गर्दै आएको रियलले गएराति भएको खेलमा भने जित निकालेको हो। रियलका लागि एकमात्र निर्यायक गोल खेलको ८९ मिनेटमा मार्को एसेन्सियोले गरेका थिए। लेगानेजासँगको खेलमा रियल मड्रिड क्रिष्टियानो रोनाल्डो, ग्यारेथ बेल, मार्सेलो र करिम बेन्जीमा बिनानै मैदानमा उत्रेको थियो। यी दुई टोलीबीच क्वाटरफाईनलको दोस्रो लेग जनवरी २५ तारिखमा रियाल मड्रिडको मैदानमा हुनेछ। source; nagariknews.com
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम