मुख्य समाचार

डिभिजन टू : ​नेपाल भर्सेस क्यानडा : प्रिभ्यू
Division two: Nepal vs Canada: Preview

काठमाडौं – आईसीसी विश्व क्रिकेट लिग डिभिजन टू अन्तर्गत नेपालले बुधबार लिगको शीर्ष स्थानमा रहेको क्यानडासँग खेल्दैछ ।

नामिबियाको विन्डहकस्थित वन्डरर्स क्रिकेट मैदानमा हुने खेल नेपाली समयअनुसार दिउँसो सवा एक बजेबाट सुरु हुनेछ । जारी प्रतियोगितामा नेपाल र क्यानडाले समान तीन जित र एक हारको नतिजा आत्मसाथ गरेका छन् । समान ६ अंक भए पनि क्यानडा रनरेटको आधारमा अगाडि छ ।

नेपालले प्रतियोगितामा घरेलु टोली नामिबिया, युएई र केन्यालाई हराएको थियो भने ओमानसँग पराजित भएको थियो । नामिवियालाई १ विकेटले हराएको नेपाल दोस्रो खेलमा ओमानसँग ६ विकेटले हारेको थियो । त्यसयताका दुई खेलमा नेपालले युएईलाई ४ र केन्यालाई ३ विकेटले हराएको छ ।

यता क्यानडाले पहिलो खेलमा ओमानलाई ८ विकेटले हराउँदा दोस्रो खेलमा युएईलाई २३ रनले र तेस्रो खेलमा केन्यालाई ५९ रनले पराजित गरेको थियो । तर नामिबियाविरुद्ध भने क्यानडा १७ रनले पराजित हुन पुग्यो ।

बुधबारको खेलमा क्यानडालाई पराजित गरे नेपाल समूह विजेताका रुपमा फाइनलमा पुग्छ भने डिभिजन वानमा पनि उक्लनेछ । साथै मार्चमा जिम्बाबेमा हुने एकदिवसीय विश्वकप छनोटमा पनि सहभागी हुन पाउनेछ । क्यानडासँग पराजित भएको अवस्थामा नेपालले अन्य खेलको नतिजामा भर पर्नुपर्ने हुन्छ ।

यदि नेपाल पराजित भएमा युएई र नामिबियाबीचको खेलको नतिजामा भर पर्नुपर्ने हुन्छ । घरेलु टोली नामिबियाले बाँकी दुई खेलमा केन्या र युएईलाई हराएमा नामिविया शीर्ष दुईमा पुग्नेछ । यता, युएईले नामिवियालाई हराएमा हेड टू हेडका साथै रन रेटको आँकडा लागू हुनेछ । तर नामिविया केन्यासँग मात्र पराजित भएमा पनि नेपालको शीर्ष दुईमा पुग्ने सम्भावना बलियो हुनेछ ।

नेपाल र क्यानडा पछिल्लो चार वर्षमा दुई पटक आमनेसामने भएका छन । जसमा एक खेल नेपालले जितेको छ भने एक खेल क्यानडाको पक्षमा गएको छ । तर यी दुई टिम २०१५ पछि पहिलो पटक खेल्दैछन् ।

२०१४ मा न्युजिल्याण्डमा भएको विश्वकप छनोटमा नेपाल क्यानडासँग १२ रनले पराजित भएको थियो । तर २०१५ मा नामिवियामा नै भएको डिभिजन टूमा नेपालले क्यानडालाई ७ विकेटले पराजित गरेको थियो ।

source; ujyaaloonlinenews.com

प्रतिक्रिया दिनुहोस्
अन्य समाचारहरु
एलए टिम च्याम्पियन
काठमाडौं – आयोजक लिटिल एन्जल्स स्कुल (एलए)ले शुक्रबार १० स्वर्ण, ७ रजत र १४ कांस्य पदक जित्दै दोश्रो एलए अन्तरविद्यालय कराते प्रतियोगितामा टिम च्याम्पियन बनेको छ। नारायन्जनले ६ स्वर्ण, २ रजत र ७ कांस्य पदक सहित दोस्रो स्थान हासिल गर्दा बेसिक लर्निङ स्कुल ३ स्वर्ण, २ रजत र ४ कांस्यसहित तेश्रो भयो। छात्रतर्फ बाल अंकुरका सुमित पाख्रिन तथा छात्रामा एलएकी मार्टिना राई उत्कृष्ट खेलाडी घोषित भए। छात्रतर्फ एलएका विज्ञात मगरले ४० केजी, आशिष श्रेष्ठले ४५ केजी, विपेनराज सिंह दोर्जेले ० केजीमाथि, स्विकार राईले ७० केजी तथा ६५ ...
प्रधानमन्त्रीको जन्मदिनमा क्रिकेटर सम्मानित
काठमाडौं– प्रधानमन्त्री केपी शर्मा ओलीका लागि शुक्रबारको दिन विशेष रहयो । खेलप्रेमी नेतृत्वका रुपमा आफूलाई स्थापित गरेका ओलीको शुक्रबार ६७औं जन्मदिन थियो ।खासगरी फुटबलमा विशेष चासो राख्ने प्रधानमन्त्री ओली पछिल्लो समय क्रिकेटसँग पनि नजिकिन थालेका छन् । चार दिनअघि विश्वकप छनोटलाई छानिएको नेपाली क्रिकेट टोलीलाईसम्मान गर्ने घोषणा गरेका ओलीले शुक्रबार टोलीका सबै सदस्यलाई जनही ३ लाख रुपैयाँसहित सम्मान गरेर जन्मदिन मनाए। गत साता नामिबियामा सम्पन्न विश्व क्रिकेट लिग डिभिजन–२ मा उपविजेता बन्दै विश्वकप छनोट प्रतियोगितामा स्थान बनाएको नेपाली क्रिकेट टोलीका सदस्यलाई सोमबार स्वागत गर्ने क्रममै प्रधानमन्त्री ...
आइतबारदेखि प्रधान सेनापति भलिबल
काठमाडौं – त्रिभुवन आर्मी क्लबको आयोजनामा आइतबारबाट प्रधान सेनापति राष्ट्रिय पुरुष भलिबल प्रतियोगिता हुने भएको छ। फागुन १२ गतेसम्म लगनखेलस्थित सैनिक शारीरिक तालिम तथा खेलकुद केन्द्रमा हुने प्रतियोगितामा तीन विभागीय टोली र पाँच विकास क्षेत्रका ५ गरी कुल ८ टोली सहभागी हुने आयोजकले जनाएको छ । लिग कम नकआउटका आधारमा हुने प्रतियोगितामा सहभागी ८ टोलीलाई दुई समूहमा विभाजन गरिएको छ । जहाँ प्रत्येक समूहका शीर्ष दुई टोली क्वार्टरफाइनल प्रवेश गर्नेछन् । समूह ‘ए’ मा त्रिभुवन आर्मी क्लब, मध्यपश्चिमाञ्चल, सुदूरपश्चिमाञ्चल र एपिएफ तथा समूह ‘बी’ मा नेपाल पुलिस, मध्यमाञ्चल, ...
नेपालको चुनौती समाप्त
काठमाडौं – मायांका राणा बिहीबार भारतकी प्रिंकल सिंहसँग पराजित भएपछि नेपाल आइटिएफ जुनियर यु–१८ टेनिस प्रतियोगिताको सर्किट–२ प्रतियोगितामा नेपालको चुनौती समाप्त भएको छ। सातदोबाटोस्थित लन टेनिस कोर्टमा महिला एकलतर्फ प्रिंकलले मायांका राणालाई ६–१, ६–७(४), ७–५ को सेटमा पराजित गरेकी थिइन् । जितसँगै प्रिंकलले अन्तिम चारमा स्थान पक्का गरेकी छिन् । बिहीबारै चीनको यिमिङ दाङले भारतकी तृषा विनोदलाई ६–३, ३–६, ६–२ को सेटमा हराउँदै अन्तिम चारमा स्थान बनाइन् । हङकङकी चुई केई लिउङले भारतकी रुदया शाहलाई ६–४, ६–० तथा जापानकी मियो कोजाकीले भारतकी सान्या सिंहलाई ६–१, ६–१ ...
हरिहरपुरगढीलाई उपाधि
मकवानपुर – सिन्धुलीको हरिहरपुरगढी गाउँपालिका खेलकुद विकास समितिले मकवानपुरको पूर्वी क्षेत्रमा आयोजित प्रथम बागमती गाउँपालिका गोल्डकप फुटबल प्रतियोगिताको उपाधि जितेको भएको छ । बिहीबार भएको फाइनल खेलमा राईगाउँ युवा क्लबलाई १–० ले पराजित गर्दै हरिहरपुरले उपाधि जितेको हो । प्रतियोगिताको विजेता हरिहरपुले नगद १ लाखसहित शिल्ड, मेडल तथा प्रमाणपत्र प्राप्त गरेको छ भने उपविजेता राईगाउँले ५० हजारसहित शिल्ड, मेडल तथा प्रमाणपत्र प्राप्त गरेको छ ।बाग्मती गाउँपालिकाको फापरबारीमा भएको प्रतियोगिताको ६०औं मिनेटमा हरिहरपुरका विवेक चौधरीले निर्णायक गोल गरेका थिए । प्रतियोगितामा राईगाउँ युवा क्लबका सुनील तामाङ सर्वोत्कृष्ट खेलाडी ...
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम