मुख्य समाचार

सुरक्षित क्याट्रिना
Katrina safe

पुस २६ - बलिउड अभिनेत्री क्याट्रिना कैफ अभिनित फिल्म पछिल्लो समयमा लगातार असफल भइरहँदा सन् २०१७ को अन्त्यमा रिलिज फिल्म ‘टाइगर जिन्दा हे’ले उनलाई सफलताको स्वाद चखायो । यो फिल्मले बक्स अफिसमा ३ सय करोडको उकालो व्यापार गरिरहँदा नायिका क्याट्रिना बलिउडमा आफूलाई सुरक्षित स्थानमा रहेका अनुभव गर्न थालेकी छन् ।

उनी अभिनित पछिल्ला फिल्म ‘फितुर’, ‘बार बार देखो’ र ‘जग्गा जासुस’ बक्स अफिसमा असफल भएपछि क्याट्रिना त्रसित बनेकी थिइन् । जुन कुरा उनले मिडियासामू स्वीकारेकी छन् । ‘बक्स अफिसमा फिल्म किन बिस्फोट हुन्छ भन्ने कुरा मैले कहिल्यै विश्लेषण गरिनँ । फिल्म ‘बार बार देखो’को सोच मलाई निकै मनपरेको थियो । कहिलेकाँही फिल्मले बक्स अफिसमा किन काम गर्दैनन् भन्ने कुरा तपाईं बुझ्नसक्नुहुन्न,’ उनले भनेकी छन्, ‘जग्गा जासुसमा पनि त्यस्तै भयो । यो एउटा यात्राको कथा थियो । निर्देशक अनुराग बासुसँग निकै सुन्दर दृष्टिकोण थियो । हामीले पनि राम्रो काम गरेका थियौं । तर फिल्म किन चल्न सकेन भन्ने उत्तर हामीसँग छैन ।’

पूर्व प्रेमी सलमानसँगको रोमान्स रहेको फिल्म ‘टाइगर जिन्दा हे’ हिट भएपछि क्याट्रिनाको अनुहारमा नयाँ चमक देखिएको छ । ‘फिल्म सफल भएपछि मैले निकै सुरक्षित महशुस गरिरहेकी छु । दुई फिल्म फ्लप हुँदा मेरो करियर पनि डुब्ने हो कि भन्ने लागेको थियो । तर अहिले त्यो करियर डुब्न पाएन । म खुसी छु,’ उनले भनेकी छन् ।

फिल्म असफल बनेपछि उनले आफूलाई असुरक्षित महशुस गरेकी रहिछन् । ‘पहिला म आपूmलाई असुरक्षित ठान्थें । असुरक्षित महशुस भइरहेको बेला पनि मैले मेहनत र आफंैलाई सुधार्ने कोशिस गरिरहें । अहिले म आफैसँग सन्तुष्ट छु । म यही गतिमा अघि बढ्न चाहन्छु,’ उनले भनेकी छन्, ‘हरेक मानिस भित्र केही न केही दोष हुन्छ । जुन दोषबाट ऊ सावधानी अपनाइरहेको हुन्छ । मेरो आत्मामा पनि त्यस्तै दोष छ । जसलाई सावधानीपूर्वक सुधार्नका लागि प्रयत्न गरिरहेकी छु ।’

क्याट्रिना यतिबेला विजयकृष्ण आचार्यको फिल्म ‘ठग्स अफ हिन्दुस्तान’को काममा व्यस्त छिन् । यो फिल्ममा उनीसहित आमिर खान, अमिताभ बच्चन र फातिमा साना शेखको अभिनय छ । फिल्म आगामी दिपावलीमा रिलिज हुने तयारीमा छ । योबाहेक उनी आनन्द एल रायको फिल्म ‘जिरो’मा पनि व्यस्त छिन् । आगामी डिसेम्बर २१ मा रिलिज हुने तयारीमा रहेको फिल्ममा शाहरुख खान र अनुष्का शर्माको पनि अभिनय रहेको छ ।

source; nagariknews.com

प्रतिक्रिया दिनुहोस्
अन्य समाचारहरु
‘प्याडम्यान’ को प्रदर्शन मिति सर्यो
जनवरी २५ मा ‘पद्मावत’ आउने भएपछि अक्षय कुमार अभिनित चलचित्र ‘प्याडम्यान’को प्रदर्शन मिति हेरफेर भएको छ । प्रतिक्षित’पद्मावत’सँग प्रदर्शन हुँदा आफूलाई व्यापारिक रुपमा पनि घाटा हुने कुरालाई मध्यनजर राख्दै ‘प्याडम्यान‘ अघि सरेको छ।’प्याडम्यान’ अब फेब्रुअरी ९ मा प्रदर्शन हुने भएको हो । फेब्रुअरी ९ अर्थात माघ २६ मानेपाली युवा स्टार अनमोल केसी अभिनित चलचित्र ‘कृ’ प्रदर्शन हुँदैछ। अनमोल भर्सेस् अक्षकुमारको भिडन्त हुने पक्का भएको छ। नेपाली दर्शकमाझ ‘कृ’ पनि एकदमै प्रतिक्षित बनिरहेको र अक्षयकुमार पनि दरिलो नाम भएका कारण पनि यी ...
‘मिस्टर झोले’ ले ६ दिनमा कति कमायो ?
गत शुक्रबारबाट प्रदर्शनमा आएको चलचित्र ‘मिस्टर झोले’ निर्माण युनिटले ६ दिनमा २ करोड ४८ लाख माथिको व्यापार गरेको जानकारी दिएको छ । चलचित्र निर्माण युनिटले बिहीबार राजधानीमा पत्रकारहरुसँग सफलताको खुसियाली समेत मनाएको छ। निर्माता टेकेन खड्काले चलचित्रको कमाइ बाहिर ल्याएका हुन्। चलचित्रको पूर्ण लागत १ करोड ५३ लाख भएको समेत बताएइको छ । रामबाबु गुरुङ निर्देशित ‘मिस्टर झोले’मा दयाहाङ राई, दीया पुन, वर्षा राउत, बुद्धी तामाङ, विजय बराल, प्रविन खतिवडा, अरुणा कार्की लगायतको अभिनय रहेको छ। रामबाबुकै कथा तथा लेखन रहेको चलचित्रमा शैलेन्द्र डी कार्कीको छायाँकन, निमेष ...
हलमा ‘लालपुर्जा’ र ‘पिंजडा ब्याक अगेन’
बिहीबारबाट मोफसलका हलहरुमा प्रदर्शन भएका दुई नेपाली चलचित्र ‘लालपुर्जा’ र ‘पिंजडा ब्याक अगेन’ले शुक्रवारबाट राजधानी भित्र प्रदर्शन सुरु गरेका छन् । ‘लालपुर्जा’ ले दुई दाजुभाइबीचको जग्गा अंशबन्डा झगडाको कथा बोल्छ भने ‘पिंजडा ब्याक अगेन’ ले पारिवारिक कथा बोल्छ । निगम श्रेष्ठ निर्देशित ‘लालपुर्जा’मा सौगात मल्ल, विपिन कार्की, मेनुका प्रधान, मिरुना मगर, हरिहर शर्मा, कामेश्वर चौरासिया, कमलमणी नेपाल, अनिल पाण्डे लगायतका कलाकारहरुको अभिनय छ । चर्चित लेखक कुमार नगरकोटी र नायिका सृष्टि श्रेष्ठ अतिथि भूमिकामा छन् । नेगेटिभ बुद्धको व्यानरमा निर्मित चलचित्रमा लोकेश बज्राचार्यको सम्पादन, बिक्रमसिंह थारु र ...
फिल्म ‘ह्याप्पी डेज’ को प्रदर्शन मिति तय
फिल्म ‘ह्याप्पी डेज’ अन्तत: चैत १६ गते बाट प्रदर्शनमा आउने भएको छ । फिल्म ‘ह्याप्पी डेज’ निर्माण युनिटले तेस्रोपटक रिलिज तय गरेको हो । ह्याप्पी डेजको प्रदर्शन मिति मङ्सिर १५ बाट माघ १२ लाई सरेको थियो । तर माघ ११ मा बलिउडका दुई ठूला फिल्म ‘पद्मावत’ र ‘प्याडम्यान’ प्रदर्शन हुने भएपछि फिल्म पुन: एकपटक पर सरेको छ। अन्तत: फिल्म चैत १६ गते बाट प्रदर्शनमा आउने निर्देशक मिलन चाम्सले जानकारी दिए। फिल्ममा दयाहाङ राई, प्रियंका कार्की, संजय गुप्ता, विक्की जोशी, जोनिया लिम्बु लगायतको अभिनय रहेको ...
‘प्रेम गीत २’ सिड्नीमा
नायक प्रदिप खड्का अभिनित लोकप्रिय नेपाली चलचित्र ‘प्रेम गीत २’ सिड्नीमा प्रदर्शन हुने भएको छ । इभेन्ट आयोजक कलिउड क्लबले सिड्नी शोको ब्यवस्था गरेको हो ।पहिलो शो फ्रेबरुअरी ३ तारिख शनिबारका दिन हर्षभिलको सिभिक थियटरमा हुने तथा बाँकी शोको मिति सार्वजनिक नभएको क्लबका निर्देशक श्यामसुन्दर गिरीले बताएका छन् । आशुसेन फिल्मसको ब्यानरमा निर्मित चलचित्रलाई रामशरण पाठकले निर्देशन गरेका हुन् । चलचित्रमा प्रदिप खड्का, अश्लेषा ठकुरी, कैलाश कट्वाल, कविता रेग्मी, सन्तोष सेन लगायत कलाकारको मुख्य भूमिका रहेको छ।चलचित्रमा समावेश गीत ‘प्रेम यो कहानी’ र ‘मोटरसाईकलमा’ सर्वाधिक चर्चित ...
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम