मुख्य समाचार

एक वर्षमा ९ लाख बढे डेबिट कार्ड प्रयोगकर्ता
More 9 lakh debit card users increased in one year

काठमाडौं : एक वर्षको अवधिमा डेबिट कार्ड प्रयोगकर्ताको संख्या नौ लाखले बढेको छ। नेपालमा हाल डेबिट कार्ड प्रयोगकर्ता ५५ लाख ८३ हजार नौ सय छन्। गत वर्षको असोजसम्म प्लास्टिक डेबिट कार्ड प्रयोगकर्ताको संख्या ४६ लाख ७१ हजार दुई सय २७ थियो। राष्ट्र बैंकको तथ्यांकअनुसार पछिल्लो समय डेबिट कार्डको प्रयोग ह्वात्तै बढेको छ। यसको अर्थ कार्डप्रति उपभोक्ताको आकर्षण बढ्दो छ। बैंक कार्ड वा चेक कार्ड भनेर पनि चिनिने डेबिट कार्ड एक प्रकारको प्लास्टिक कार्ड हो।

प्रविधिसँगै विकास भएको प्लास्टिक मनीले अहिलेको पुस्तालाई स्मार्ट मात्रै बनाएको छैन सुरक्षित कारोबार गर्न पनि सिकाएको छ। यसले घण्टौसम्म बैंकमा लाइन बस्नु पर्ने झन्झट कम गरिदिएको छ। यसको प्रयोगले बैंकिङ उपभोक्ताको जीवनशैलीमा ठूलो परिवर्तन ल्याएको राष्ट्र बैंकका सहप्रवक्ता राजेन्द्र पण्डितले बताए। प्लास्टिक कार्डको प्रयोगले आम मानिसको जीवनशैलीमा क्रान्तिकारी छलाङ मारेको उनको भनाइ छ। यसको बढ्दो प्रयोगले नगद कारोबार गर्नुपर्ने झन्झटबाट मुक्त गरिदिएको छ। चेक साट्न बैंकमा घन्टौं लाइन बस्नुपर्ने बाध्यता अब छैन।

पाँच वर्षअघि ३५ लाख ९७ हजार डेबिट कार्डमध्ये अधिकांश वाणिज्य बैंकले जारी गरेका थिए। त्यति बेला ३२ लाख ३३ हजार प्रयोगकर्ता रहेका वाणिज्यका कार्ड होल्डर अहिले ५३ लाखमाथि छन्। वाणिज्य बैंकजस्तै अन्य वित्तीय संस्थाबाट डेबिट कार्ड लिनेको संख्या धेरै कम छ। बजारमा जसरी अन्य वित्तीय संस्थाको तुलनामा वाणिज्य बैंकको प्रभाव छ त्यसरी नै डेबिट कार्ड लिनेको संख्या वाणिज्य बैंककै धेरै छ।

हाल प्रयोगमा आएका कार्डमध्ये सबैभन्दा बढी वाणिज्य बैंकहरूले जारी गरेका छन्। ‘क' वर्गका वाणिज्य बैंकहरूले ५६ लाखमध्ये ५३ लाख ३४ हजार जारी गरेका छन्। त्यस्तै विकास बैंकहरूले दुई लाख २१ हजार र फाइनान्स कम्पनीले करिब २८ हजार कार्ड जारी गरेका छन्।

गत वर्षको असोजसम्म ‘क' वर्गका वाणिज्य बैंकहरूले ४३ लाख चार हजार सात सय ७० कार्ड जारी गरेका थिए। ‘ख' वर्गका विकास बैंकले तीन लाख ४१ हजार तीन सय ७८ र फाइनान्स कम्पनीले करिब २५ हजार कार्ड जारी गरेको राष्ट्र बैंकको तथ्यांक छ।

यसको प्रयोग एटीएम (अटोमेटेड टेलर मेसिन) बाट नगद निकाल्न र वस्तु वा सेवा खरिद गर्न रकम भुक्तानी गर्न गरिन्छ। यो ‘इलेक्ट्रोनिक चेक' हो। कागजी ‘चेक' जस्तै यसको प्रयोग पनि बैंक खातामा रकम मौज्दात रहेसम्म मात्र गर्न सकिन्छ। डेबिट कार्डको उपयोग इन्टरनेटमार्फत किनमेल गर्दा पनि प्रयोग गर्न सकिन्छ। यसको प्रयोगले चेक काट्ने, हस्ताक्षर नमिल्ने, बैंक तथा वित्तीय संस्थामा हुने लामो लाइनलगायत समस्याबाट मुक्त गराउँछ। यो कार्ड हाल चलनचल्तीमा आएको ‘एटीएम' कार्ड हो।

नेपालमा २०५२ सालमा पहिलो पटक हिमालयन बैंकले डेबिट कार्ड सुरु गरेको थियो। त्यसपछि नबिल बैंकले २०५३ सालमा कार्ड प्रयोगमा ल्याएको हो।

विश्वमा बैंकिङ क्षेत्रमा प्रभावकारी र सफल कारोबार गर्ने माध्यमका रूपमा रहेको क्रेडिट कार्ड नेपालमा सोचेअनुसार प्रयोगमा आउन सकेको छैन। कार्डका प्रयोगकर्ता बढ्न नसकिरहेको अवस्थामा डेबिट कार्डका प्रयोगकर्ताको संख्या भने उल्लेख्य बढेको राष्ट्र बैंकको तथ्यांकले देखाएको छ। क्रेडिट कार्डको महत्व बुझ्न नसक्दा यसको प्रयोग कम भएको हो। नेपाली ऋणसँग डराउने संस्कार भएका कारण कार्डले सोचे जति सफलता हासिल गर्न नसकेको हो।

नेपालमा ऋण लिने संस्कार नै कम भएकाले क्रेडिट कार्ड असफल भएको बैंकरहरूको भनाइ छ। ‘ऋण नलिने संस्कारका कारण क्रेडिट कार्ड नचलेको बैंकर अनिलकेशरी शाहले बताए। ‘नेपालमा हेर्ने हो भने डेबिट कार्ड प्रयोग पछिल्लो समयमा घेरै भएको छ। तर क्रेडिट कार्डको प्रयोग नगन्य रूपमा भएको देखिन्छ', उनले भने, ‘नेपालीमा ऋण लिएर काम गर्ने बानीको विकास नै भएको छैन।'

source; annapurnanews.com

प्रतिक्रिया दिनुहोस्
अन्य समाचारहरु
मुग्लिन-नारायणगढ सडक विस्तार ३३ महिनामा पनि सकिएन
काठमाडौं : उपत्यका प्रवेशको लाइफलाइन मुग्लिन-नारायणगढ सडक विस्तारको काम निर्धारित समयमा पूरा नभएपछि चौथो पटक समय थप्नुपर्ने भएको छ। यो सडक विस्तारको काम हाल ७१ प्रतिशत मात्रै पूरा भएकाले अझै एक पटक सयम थप्नुपर्ने भएको हो। आगामी फेब्रुअरीमा चौथो पटक समय थपेर बाँकी काम गराउने तयारी सडक विभागले गरिरहेको छ। साढे दुई वर्षभित्रै विस्तारको काम पूरा गर्न ३३ महिना अगाडि सम्झौता भएको थियो। सडक निर्माणको ठेक्का लागेका दुई महिनामै (२०७२ वैशाखमा) गएको भूकम्प, सोही वर्षमा भएको नाकाबन्दी, निर्माण सामग्रीको अभाव, अन्तरनिकाय समन्वय अभाव, प्रतिकूल मौसमलगायत कारण ...
नेपालकै ठूलो अक्सिजन प्लान्ट सञ्चालनमा
नेपालगन्ज : नेपालगन्जमा देशकै ठूलो र अत्याधुनिक अक्सिजन ग्यास प्लान्ट सोमबारदेखि संचालनमा आएको छ । प्लान्टबाट दैनिक ४७ लिटर क्षमताका एक हजार सिलिण्डर अक्सिजन, १२ सय लिटर नाईट्रोजन र जिरो एयर ग्यास उत्पादन भइरहेको बताइएको छ । एच. ओ. अक्सिजन ईन्डस्ट्रिज प्रा.लिले संचालनमा ल्याएको करिब १० करोड रुपैयाँ लागतमा स्थापना गरिएको हो । प्लान्ट संचालनमा आएसँगै नारायणघाटदेखि पश्चिम क्षेत्रमा सहज र सुलभ ढंगले अक्सिजन तथा नाईट्रोजन ग्यास उपलब्ध हुने संचालकको भनाइ छ । जनसंख्याको बढ्दो चाप, बिरामीहरुको वृद्धि, उद्योग विस्तार, अस्पताल आदीको अध्ययन गरेर सुलभ तरिकाले ...
शेयर बजारसँगै कारोबार रकम पनि ओरालो
माघ ९ – शेयर बजार परिसूचक नेप्से मंगलबार झण्डै ८ अंकले घटेको छ । अन्य बाहेकका सवै परिसूचक घटेपछि नेप्से मंगलबार ७ दशमलव ७६ विन्दुले घटेर १३ सय ९४ विन्दुको छेउमा आइपुगेको हो । मंगलबार सवैभन्दा धेरै बीमा समुह ८४ भन्दा धेरै अंकले घटेको छ । त्यसैगरि होटल समुह ५२, जलविद्युत झण्डै ३३, बैकिङ्ग ४, विकास बैक साढे ५ अंकले घटेको हो । अन्य समुह भने शुन्य दशमलव १२ अंकले बढेको छ । सोमबारभन्दा ७ करोड कम अर्थात २९ करोड भन्दा केही बढीको कारोबार भएको दिन मंगलबार ...
छ महिनामा ५९ अर्ब राजश्व संकलन
बीरगञ्ज – बिरगञ्ज भन्सार कार्यालयले चालु आर्थिक वर्ष २०७४–७५ को पछिल्लो ६ महिनामा तेस्रो मुलुकबाट आयात भई नेपाल भित्रिएका सामानबाट रु ५९ अर्ब ३७ करोड ९७ लाख १२ हजार राजश्व संकलन गरेको छ। इन्धन र सवारी साधनबाट मात्र रु २९ अर्ब ७४ करोड ३१ लाख ४० हजार राजश्व संकलन गरेको बीरगञ्ज भन्सार कार्यालयका सूचना अधिकारी सन्तोष यादवले जानकारी दिए। चालु आर्थिक वर्षको पुस मसान्तसम्म बीरगञ्ज भन्सार कार्यालयले कुल राजश्वको आधाभन्दा बढी इन्धन र नयाँ सवारी साधनबाट उठाएको छ । कार्यालयले ६ महिनामा मात्रै भारतबाट नेपाल ...
करोडौं खर्चेका सडक गुणस्तरहीन
इलाम – इलाममा २८ करोड रुपैयाँको लगानीमा निर्माणाधीन २ महŒवपूर्ण सडकको काम ‘गुणस्तरीहीन’ भइरहेको पाइएको छ । स्थानीय तहका जनप्रतिनिधिले ठूलो रकम खर्चेका सडकको काममा व्यापक लापरबाही गरिएको भन्दै विरोध जनाएका छन्। १९.०२३ किलोमिटरको फिक्कल–गुप्ती–नयाँबजार तथा इलाम नगरपालिका–दुधाङ–सोयाङ–नयाँबजारका बेग्लाबेग्लै दुई सडकको काममा लापर्बाही भइरहेको जनप्रतिनिधिको अनुुगमन टोलीले जनाएको हो । दुवै सडकमा स्टिमेटअनुसार काम नभएको, स्टिमेटमा भएअनुसार मापदण्ड पूरा नगरी सामग्री प्रयोग गरिरहेको, तोकिएको स्थानभन्दा जताततै खनेको र काम गरिनसक्दै सडक भत्किन थालेको उनीहरूले बताएका छन्। सूर्याेदय नगरपालिकाको फिक्कलदेखि माइजोगमाई गाउँपालिकाको नयाँबजार जोड्ने निर्माणाधीन फिक्कल–गुप्ती–नयाँबजार सडकमा ...
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम