मुख्य समाचार

प्रदूषणको विरोधमा राजमार्गमै र्‍याफ्टिङ
Rafting in highway against pollution

धादिङ : पृथ्वी राजमार्गस्थित धादिङको मलेखुबजारमा हातमा विभिन्न नारा लेखिएका प्लेकार्ड बोकेर एक हुल स्थानीय शुक्रबार खैंजडी बजाउँदैर्‍याफ्टिङ बोटसहित राजमार्गमा उत्रिए।खैंजडी भजन समूहका टोली नेता फलाक्दै थिए, ‘त्रिशूली गंगा, भएन चंगा, सधैं धमिलो ! नारायण, हरि हरि !’ सधैं त्रिशूली नदीमा बगिरहने राफ्टिङ डुंगाहरू एकाएक पृथ्वी राजमार्गमा देखिएपछि गाडीका यात्री अचम्म मानेर हेरिरहेका थिए।

बाह्रै महिना धमिलो हुने गरी प्रदूषण र बालुवा प्रशोधन केन्द्र (फिरफिरे) को चपेटामा परिरहेको त्रिशूली नदी संरक्षण गर्न माग गर्दै मलेखुका स्थानीय रर्‍याफ्टिङ व्यवसायीले राजमार्गमै डुंगा चलाएका हुन्। पर्यटन व्यवसायी, होटल व्यवसायी, प्राकृतिक सम्पदा संरक्षण समितिका अभियन्तालगायतले त्रिशूलीको अतिक्रमण र प्रदूषण बन्द गराउन स्थानीय प्रशासनसँग माग गरे।

पर्यटन व्यवसायी विष्णु सिलवालले भने, ‘हिउँदयाम भनेको पर्यटकीय सिजन हो, यो समयमा सफा र कञ्चन पानी भएको खण्डमा दिनहुँ सयौंर्‍याफ्टिङ बोट चल्छन् तर नदी यति धमिलो हुन्छ कि असार–साउनको भेलमा पनि त्यति धमिलो हुँदैन। सफा राखौं, धमिलो नबनाऊँ भनेर धेरै ठाउँ धायौं तर सुनुवाइ नभएपछि विरोधस्वरुप राजमार्गमै डुंगा चलाएका हाँै।’

धार्मिक, पर्यटकीय र ऐतिहासिक महत्व बोकेको त्रिशूली नदी संरक्षणका लागि कसैले चासो नदेखाएपछि खैंजडी भजनको साथमा सडकमैर्‍याफ्टिङ गराएर व्यंग्यात्मक विरोध गरिएको प्राकृतिक सम्पदा संरक्षण समितिका अध्यक्ष श्रवण त्रिपाठीले बताए। ‘मर्दा पर्दा, धर्म गर्दा यही नदीको पानी चाहिन्छ, गोसाइँकुण्डबाट बगेर आएको पवित्र नदीलाई जोगाउनु सबैको कर्तव्य हो’, त्रिपाठीले भने, ‘तर यसको संरक्षणका लागि कसैले नसुनेपछि आन्दोलनमै उत्रिनुपरेको हो।’ स्थानीयले मलेखुको भद्रकाली बजारदेखि पेट्रोलपम्पसम्मर्‍याली गर्दै सडकमा डुंगा बोकेर विरोध जनाए।

आसपासका बालुवा प्रशोधन केन्द्रहरूको अवैधानिक कार्यले त्रिशूली सधैं धमिलो हुने गरेको स्थानीय बताउँछन्। मापदण्डविपरीतका बालुवा प्रशोधन केन्द्रले स्थानीय प्रशासन र गाउँपालिकालाई पनि नटेरेको भन्दै स्थानीय पटक–पटक आन्दोलिन भइरहेका छन्। कुनै बेला सफा र कञ्चन पानीका कारण दक्षिण एसियामै उत्कृष्टर्‍याफ्टिङ गर्ने नदीको उपमा पाएको त्रिशूली नदी अहिले बाह्रै महिना धमिलो बग्छ। नुवाकोट र धादिङ जिल्लाका त्रिशुली नदी किनारमा अव्यवस्थित ढंगबाट खोलिएका बालुवा प्रशोधन केन्द्र (फिरफिरे) र ढुंगा तथा बालुवाखानीका कारण नदी प्रदूषित बन्ने क्रम बढेको छ।

मलेखुका स्थानीय एवं त्रिशूली बचाउ अभियानका सदस्य शिवप्रसाद पाण्डेले भने, ‘हामीले सबै उद्योगधन्दा बन्द गर भनेर आन्दोलन गरेका होइनौं, देशभर विकास–निर्माणको काम चलिरहेको छ, ढुंगा–गिट्टी र बालुवा पनि चाहिन्छ तर त्यसलाई वैधानिक तरिकाले मापदण्डमा रहेर चलाउनुप¥यो, नदी प्रदूषित पार्नु भएन।’ स्थानीयका मागलाई जनप्रतिनिधिले पनि बेवास्ता गरिरहेको गुनासो उनले गरे।

जथाभावी खुलेका फिरफिरेबाट निस्किएको हिलो र लेदो पानी सिधै नदीमा मिसिने गरेको छ। यी फिरफिरेको कनेक्सन ठुल्ठूला नेताहरूसँग भएकाले उनीहरूको ध्यान तान्नका लागि व्यंग्यात्मक आन्दोलन गरेको स्थानीय निर्मल थपलियाले बताए। ‘हामी पनि उद्योगधन्दा बन्द गर्नुपर्छ भन्नेमा छैनौं, हाम्रो माग भनेकै त्रिशूली नदीमाथिको अत्याचार बन्द गरौँ भन्ने हो’, उनले भने, ‘बालुवा धोएको पानी प्रशोधन गरेर मात्रै नदीमा मिसाउने, बजारआसपास र होटलबाट फोहोरमैला नदीमा नपठाउने हो भने पनि नदी स्वच्छ र सफा हुन्छ। यसतर्फ कसैले चासो नदेखाएकाले हामी आन्दोलित भएका हैाँ।’

source; annapurnanews.com

प्रतिक्रिया दिनुहोस्
अन्य समाचारहरु
ताप्लेजुङको फुङलिङ बजारमा आगलागी, दुई घर जले
ताप्लेजुङ – ताप्लेजुङ सदरमुकाम फुङलिङ बजारमा मंगलबार अपरान्ह भएको आगलागीमा २ घर जलेर नष्ट भएको छ। प्रहरीका अनुसार एकै परिवारका दुई दाजुभाई फुङलिङ नगरपालिका वडा नम्बर ४ हुलाक लाइन स्थित डिकहादुर खवास र दिलबहादुर खवासको घर जलेर नष्ट भएको हो। अहिले फुङलिङ नगरपालिको दकमल, नेपाली सेना, नेपाल प्रहरी,शसस्त्र प्रहरी र स्थानीय बासिन्दाले आगो निभाउने प्रयास गरिरहेका छन्। प्रहरी कार्यालय ताप्लेजुङका प्रमुख डिएसपी ज्ञानेन्द्रबहादुर बस्नेतले आगो नियन्त्रण उन्मुख रहेको बताए। अगलागीको कारण खुलेको छैन। कुनै मानवीय क्षति नभएपनि आगो पूर्ण नियन्त्रणमा आउन केहि समय लाग्ने प्रहरीले बताएको छ। source; ...
पासपोर्ट भएका नेपालीको संख्या ५१ लाख
माघ ९ – डिसेम्बर २०१० देखि २०१७ सम्ममा ५१ लाख ५७ हजार ८ सय २६ नेपालीले राहदानी (पासपोर्ट) लिएको राहदानी विभागले बताएको छ । विभागले २०१० देखि मेसिन रिडेबल पासपोर्ट (एमआरपी) लागू गरेको थियो । राहदानी लिनेमा ४० लाखले वैदेशिक रोजगारीका लागि उक्त राहदानी लिएका छन् । यकिन तथ्यांक नभएपनि श्रम स्विकृती लिएर विदेश जानेको संख्या ४० लाख रहेको वैदेशिक रोजगार विभागका महानिर्देशक राजकुमार श्रेष्ठले बताए । त्यसैगरी अध्ययनका लागि जाने विद्यार्थीको संख्या करिब ३ लाख छ । नो अब्जेक्सन लेटर (अध्ययन अनुमति) लिने विद्यार्थी संख्यालाई ...
क्यान्सरपीडित बञ्जाडेलाई ३ लाख सहयोग
माघ ९ – चितवनको भरतपुर क्यान्सर अस्पतालमा उपचाररत अर्घाखाँची, भूमिकास्थान नगरपालिका-४ सानाऔवलका अमर बञ्जाडेलाई युनाइटेड अरब इमिरेट्स (यूएई)मा कार्यरत नेपालीहरूले ३ लाख ३ हजार १८६ रूपैयाँ आर्थिक सहयोग प्रदान गरेका छन् । अर्घाखाँची सम्पर्क समिति यूएई र श्री शान्ति उच्च मावि भूतपूर्व विद्यार्थी संघको पहलमा रकम संकलन गरिएको थियो । आर्थिक अभावका कारण उपचारमा कठिनाइ भएपछि अमरले सहयोगका लागि आह्वान गरेका थिए । source; nepaljapan.com
सत्तरी वर्षमा लाइसेन्स
काठमाडौं : सूर्यविनायक नगरपालिकाका–७ गुण्डुका पूर्णबहादुर बस्नेतले ७० वर्षको उमेरमा स्कुटर चालक अनुमतिपत्रको परीक्षा उत्तीर्ण गरेका छन् । आइतबारै लिखित परीक्षा उत्तीर्ण गरेका बस्नेतले मंगलबार प्रयोगात्मक परीक्षा पनि उत्तीर्ण गरे । प्रतिनिधिसभा सदस्य महेश बस्नेतका पिता पूर्णबहादुरले ३९ वर्षदेखि साइकल चलाउँदै आएका थिए । दुई वर्षअघि नातिनीको स्कुटर चलाउन थालेका उनले अब स्कुटरमा श्रीमतीलाई राखेर धार्मिक मठमन्दिरमा जान सजिलो भएको बताए । कुनै घटना भइहाले पूर्वमन्त्री एवं सांसदका बाबुले लाइसेन्सबिनै स्कुटी चलाएको खबर आउने भनेर छोराले सुझाएपछि लाइसेन्स परीक्षामा सहभागी भएको उनको भनाइ थियो । source; annapurnanews.com
रौतहटमा ८ वर्षीय बालकको बिभत्स हत्या : तीन पक्राउ
रौतहट : राजपुर नगरपालिकाको बैरीया बलुवाटोलमा एक बालकको बिभत्स हत्या भएको छ। मंगलबार बिहान बालवाटोलका ८ वर्षीय मफजुल देवानको घाटी काटेर हत्या भएको स्थानीयले बताएका छन्। स्थानीयले बिहान ११ बजेतिर गाउँ नजिकैको बगैंचामा बालकको शव भेटेर प्रहरीलाई खबर गरेका थिए। प्रहरीले बालक हत्यामा संलग्न भएको आरोपमा तीन जनालाई पक्राउ गरेको छ। बालक हत्या घटनाको अनुसन्धान भइरहेको जिल्ला प्रहरी कार्यालय रौतहटका डीएसपी राजकुमार दानीले जानकारी दिए। source; annapurnanews.com
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम