मुख्य समाचार

रुपन्देही-११ खप्तड गोल्डकपको क्वाटरफाइनलमा
Rupandehi-11 in quaterfinal of Khaptad Gold Cup

पुस २६ – धनगढीमा जारी ‘नेपाल आइस सुदूरपश्चिम खप्तड गोल्डकप फुटवल प्रतियोगिताअन्तर्गत मंगलबार भएको खेलमा रुपन्देही–११ ले भुटानको डुकस्टार क्लबलाई दुईका विरुद्ध तीन गोलले पराजित गरेको छ ।

पहिलो हाफमा शुन्यका विरुद्ध दुई गोलले अग्रता लिएको रुपन्देही–११ ले दोस्रो हाफमा थप एक गोल गरेको थियो । रुपन्देही–११ का लागि अमर डङगोलले पहिलो हाफको २२ औँ र ३८ औं मिनेटमा गोल गरे भने मनिष थापाले दोस्रो हाफको ६९ औं मिनेटमा तेस्रो गोल गरे ।

भुटानको डुकस्टार क्लवको तर्फबाट ५८ औँ मिनेटमा क्विन्गा चब्गे र अतिरिक्त समयको दोस्रो मिनेटमा एसी दोर्जीले गोल गरे । भुटानले अन्तिम समयमा पाएको पेनाल्टीको सदुपयोग गर्न नसक्दा हार बेहोर्नुपर्यो । गौतम श्रेष्ठले डि बक्सभित्र फल गरेपछि डुकस्टारले पेनाल्टी पाएको थियो तर पेनाल्टीमा केजङ वाङजीको प्रहारलाई रुपन्देहीका गोल किपर सुजित गुरुङले गोल हुन दिएनन् ।

खेलका म्यान अफ द म्याच रुपन्देहीका अमर डङगोल घोषित भई पुरस्कृत भए । गत वर्ष भएको खप्तड गोल्ड कपमा पनि सहभागी भएको डुकस्टारले त्यस बेला वेष्ट काठमाडौँलाई पहिलो खेलमा एकका विरुद्ध चार गोलले पराजित गर्दा डिफेन्डिङ च्याम्पियन मनाङ मस्याङ्दीसँग शुन्यका विरुद्ध दुई गोलले पराजय बेहोर्नुपरेको थियो ।

गत वर्षभन्दा राम्रो टिम ल्याउँदा पनि खेलाडीहरूले सोचेअनुसार खेल्न नसकेको डुकस्टारका प्रशिक्षक कोता नाम्भेले बताउनुभयो । रुपन्देही–११ का प्रशिक्षक दयाराम सापकोटोले टिमले सोचेअनुसारको खेल्न नसकेको बताउँदै अर्को खेलमा अझ सुधार गरेर खेल्ने बताउनुभयो ।

आज (बुधबार) सेमिफाइनल प्रवेशका लागि सिएमजी संकटा र एपिएफबीच प्रतिष्पर्धा हुने प्रतियोगिताका संयोजक ओमविक्रम चन्दले जानकारी दिनुभयो ।

source; nepaljapan.com

प्रतिक्रिया दिनुहोस्
अन्य समाचारहरु
प्रिमियर लिग फुटबलमा आज पनि ८ खेलहरु हुदै
लण्डन – इङलिस प्रिमियर लिग फुटबलमा आज पनि ८ खेलहरु हुदैछन्। नेपाली समयअनुसार साझ ६ः१५ मा सुरु हुने आजको पहिलो खेलमा चेल्सी र ब्राइटन आमने सामने हुनेछन्। त्यस्तै राति ८ः४५ मा ६ वटा खेल हुनेछन। जसमा म्यानचेस्टर यनाइटेडले बर्नली, आर्सनलले क्रिस्टल प्यालेस, एभर्टनले वेस्ट ब्रोम, लेस्टर सिटीले वार्टफोर्ड, स्वान्सी सिटीले हडल्सफिल्ड तथा वेस्ट ह्याम युनाइटेडले बर्नमाउथको सामना गर्नेछन्। यता राति सवा ११ः१५ मा हुने आजको अन्तिम खेलमा शिर्ष स्थानको म्यानचेस्टर सिटीले न्युक्यासल युनाइडेडको समाना गर्नेछ। प्रिमियर लिगको २३ औं चरणका खेलहरु सकिँदा ६२ अंकसहित म्यानचेस्टर सिटी लिगकोे ...
आर्मीको शतप्रतिशत नतिजा
काठमाडौं – राखेप च्याम्पियनसिपअन्तर्गत दोस्रो राष्ट्रिय महिला हकी प्रतियोगिताको उपाधिका लागि शनिबार त्रिभुवन आर्मी क्लब र मध्यमाञ्चलले प्रतिस्पर्धा गर्ने भएका छन्। राउन्ड रोबिन लिगको अन्तिम दिन आर्मीले पश्चिमाञ्चललाई २–० ले हराउँदै फाइनलमा स्थान पक्का गर्दा नेरिता बस्नेतको गोलमा मध्यमाञ्चलले साबिक विजेता सुदूरपश्चिमाञ्चललाई १–० ले हराउँदै उपाधि भिडन्त पक्का गरेको हो। लिगमा आर्मी शीर्ष स्थानमा रहँदै फाइनलमा पुगेको हो। ५ टोली सहभागी प्रतियोगितामा शतप्रतिशत नतिजा निकाल्दै आर्मीले १२ अंक बटुल्यो। दोस्रो स्थानमा रहेको मध्याञ्चलले ७ अंक जोड्यो। पश्चिमाञ्चलले समान ७ अंक जोडे पनि गोलअन्तरमा पछि प¥यो। ...
एपिएफ र आर्मीको दोहोरो जित
काठमाडौं – विभागीय टोली नेपाल एपिएप क्लब र त्रिभुवन आर्मी क्लबले ‘रेडबुल ढोरपाटन युएम महिला डबल लिग भलिबल’ प्रतियोगिताको दोस्रो दिन दोहोरो जित निकालेका छन् । नयाँ बसपार्कस्थित आयोजक ढोरपाटन स्पोर्टस क्लबको खेलमैदानमा शुक्रबार भएको खेलमा एपिएफले न्यु डायमन्ड स्पोर्टस क्लब र अर्काे विभागीय टोली नेपाल पुलिस क्लबको चुनौती पन्छायो। न्यु डायमन्ड स्पोर्ट्स क्लबमाथि २५–१, २५–२ र २५–६ को सहज जित निकाल्दा नेपाल पुलिस क्लबलाई २५–१२, २५–१७ र २५–१३ ले पन्छायो। शुक्रबारै भएको खेलमा त्रिभुवन आर्मी क्लबले पारामाउन्ट र स्प्रिङ्डेललाई पराजित गर्दै दोहोरो जित दर्ता गर्न सफल ...
मदन भण्डारी इटहरी गोल्डकप आजबाट सुरु हुदै
सुनसरी – मोफसलकै सर्वाधिक पुरस्कार राशिको प्रथम मदन भण्डारी स्मृति अन्तराष्ट्रिय आमन्त्रण इटहरी गोल्डकप फुटबल प्रतियोगिता आज बाट सुरु हुदैछ। सुनसरीको इटहरीमा हुने प्रतियोगिताको उद्घाटन खेलमा आज दिउँसो २ बजे थ्री स्टार क्लव र एपिएफ क्लवबीच प्रतिस्पर्धा हुदैछ। प्रतियोगितामा नेपाल, भारत र भुटानका गरी ८ टोली जस्तै आयोजक राष्ट्रिय जागृति क्लव, मनाङ मस्याङ्दी, त्रिभुवन आर्मी, थ्री स्टार, एपिएफ, झापा ११, गरिफा स्पोर्टिङ क्लव कोलकत्ता र भुटानको डुक युनाइटेडको सहभागिता रहेको छ। प्रतियोगिताको उद्घाटन राष्ट्रपति विद्यादेवी भण्डारीले गर्ने आयोजकले जनाएको छ। माघ १३ गते सम्म सञ्चालन ...
रियाल मड्रिड विजयी
माघ ५ – स्पेनिस कोपा डेल रे फुटबलमा रियाल मड्रिड विजयी भएको छ। विहिबार राति सम्पन्न क्वाटरफाइनलको पहिलो लेगमा रियल मड्रिडले उसैको मैदानमा लेगानेजालाई १–० ले पराजित गर्यो। पछिल्लो समय खराब प्रदर्शन गर्दै आएको रियलले गएराति भएको खेलमा भने जित निकालेको हो। रियलका लागि एकमात्र निर्यायक गोल खेलको ८९ मिनेटमा मार्को एसेन्सियोले गरेका थिए। लेगानेजासँगको खेलमा रियल मड्रिड क्रिष्टियानो रोनाल्डो, ग्यारेथ बेल, मार्सेलो र करिम बेन्जीमा बिनानै मैदानमा उत्रेको थियो। यी दुई टोलीबीच क्वाटरफाईनलको दोस्रो लेग जनवरी २५ तारिखमा रियाल मड्रिडको मैदानमा हुनेछ। source; nagariknews.com
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम