मुख्य समाचार

२१ युवती अझै भेटिएनन्
Still 21 women not found

इलाम: एक वर्ष अघि वेपत्ता भएर माइती नेपाल पशुपतीनगरमा उजुरीमा परेका ३६ मध्ये २१ युवती अझै सम्म भेटिएका छैनन् । हराएका मध्ये धेरैलाई दलालले सिमाना कटाएको हुन सक्ने अनुमान गर्दै माइती नेपाल पशुपतीनगरका प्रमुख होम ढकाल वेपत्ता सूचीमा रहेकाको खोजी भइरहेको बताए ।

माइती नेपाल पशुपतीनगरले हराएका मध्ये १५ जनालाई फेला पारेर परिवारको जिम्मा लगाएको पनि ढकालले बताए । एक वर्षको अवधीमा एक हजार पाँच सय ९८ जनालाई परामर्श दिएर परिवारको जिम्मा लगाइएको छ ।

ढकालले मानव तस्करी नघटेको बताए । देशभरबाट सोझा युवती र महिलालाई इलामको नाका प्रयोग गरेर भारत पु¥याउने क्रम बढेको छ । घर सल्लाह नभएका, कागजात नमिलेका कारण एक सय ४४ महिलालाई नाकामा रोकेर घर फर्काएको समेत ढकालले बताए ।

पछिल्लो समय तस्करले निशुल्क भिषा सहितको आश्वासन दिएर चोर बाटो प्रयोग गरिरहेको पाइएको छ । माइती नेपालको विवरण अनुसार ५१ जिल्लाका मानिस पशुपतिनगर हुदै भारत जाने गरेको पाइएको छ । दलालले मुख्य नाका छाडेर अन्तु, समालबुङको चोरबाटो प्रयोग गर्न थालेपछि नियन्त्रण र चेकजाँचमा समेत चुनौती थपिएको जनाइएको छ ।

source; annapurnanews.com

प्रतिक्रिया दिनुहोस्
अन्य समाचारहरु
जंगली हात्तीको आक्रमणबाट दुईको मृत्यु
झापा – झापाको बिर्तामोड नगरपालिका – ७ मा शनिबार (आज) जंगली हात्तीको आक्रमणमा परी २ जनाको मृत्यु भएको छ। मृत्यु हुनेमा बिर्तामोड नगरपालिका – ३ मियाबारी निवासी ७० वर्षीय च्याङ्ग्रा राजवंशी र बिर्तामोड नगरपालिका – ७ निवासी ७० वर्षीय लसुने मियाँ रहेको इलाका प्रहरी कार्यालय बिर्तामोडले जनाएको छ। घर नजिकैको दुन्दर निचाझोडा सामुदायिक वनमा दाउरा खोज्न गएका उनीहरुलाई आज दिउँसो १२ बजे जंगली हात्तीले लछारपछार पार्दै खुट्टाले कुल्चिएर मारेको इलाका प्रहरी कार्यालय बिर्तामोडका प्रहरी नायब उपरीक्षक कृष्ण कोइरालाले बताए। source;nagariknews.com
जीप र ट्र्याक्टर ठोक्किँदा एकको मुत्यु, आठ घाइते
पाँचथर –मेची राजमार्गअन्तर्गत पाँचथरको फाल्गुनन्द–३ मा रहेको तीनपांग्रे भन्ने ठाउँमा जीप र ट्र्याक्टर एकापसमा ठोक्किँदा एक जनाको मृत्यु भएको छ। आज बिहान झापाको विर्तामोडबाट फिदिम आउँदै गरेको मे १ज २७९३ नम्बरको जीप र फिदिमबाट राँके जाँदै गरेको मे १ त ३५५३ नम्बरको ट्र्याक्टर ठोक्किँंदा फाल्गुनन्द–२ कि ५८ वर्षीय लिलामाया चेम्जोङको मृत्यु भएको प्रहरीले जनाएको छ। सो दुर्घटनामा आठजना घाइते भएका छन्। उनीहरुको इलाम अस्पतालमा उपचार भइरहेको प्रहरीले जनाएको छ। जीप र ट्र्याक्टर एकापसमा ठोक्किएर सडकदेखि १० मिटर तल खसेका थिए। source;nagariknews.com
छुट्टाछुट्टै दुर्घटनामा एकको मृत्यु, दुई घाइते
धादिङ – पृथ्वी राजमार्ग अन्तर्गत धादिङमा शनिबार बिहान भएको छुट्टाछुट्टै दुर्घटनामा एकको मृत्यु भएको छ भने दुई जना घाइते भएका छन्। जिल्लाको गजुरी गाउँपालिका वडा नं १ कालिका मन्दिर नजिकै ट्रकले मोटरसाइकललाई ठक्कर दिदाँ एक जनाको घटनास्थलमा नै मृत्यु भएको छ । मुग्लिनबाट काठमाडौँतर्फ जाँदै गरेको ना ६ ख ९०७६ नम्बरको ट्रकले विपरित दिशातर्फबाट आउँदै गरेको बा ८५ प ६२७२ नम्बरको मोटरसाइकललाई ठक्कर दिएको थियो । दुर्घटनामा मोटरसाइकल चालक चितवनको इच्छाकामना गाउँपालिका घर भएका ३७ वर्षीय कर्णबहादुर गुरुङको मृत्यु भएको इलाका प्रहरी कार्यालय गजुरीले जानकारी ...
ट्र्याक्टरबाट लडेर चालकको मृत्यु
उर्लाबारी – रंगेली नगरपालिका– १ स्थित बबियाविर्तामा ट्र्याक्टरबाट लडेर गए राति चालकको मृत्यु भएको छ। भित्री सडकखण्डमा को१त ७३९७ नंको ट्र्याक्टरका चालक मोरङ धनपालथान गाउँपालिका – ५ बस्ने ४५ वर्षीय अमरलाल ऋषिदेवको मृत्यु भएको इलाका प्रहरी कार्यालय रंगेलीले जनाएको छ । मादक पदार्थ सेवन गरी ट्र्याक्टर चलाउँदै गरेको अवस्थामा ट्र्याक्टरबाट लडेर गम्भीर घाइते भएका उनलाई उपचारका लागि कोशी अञ्चल अस्पताल विराटनगर लैजाने क्रममा बाटामा नै मृत्यु भएको प्रहरीले जनाएको छ। यसैबीच कानेपोखरी गाउँपालिका–७ स्थित चिसाङ खोलाको पुल नजिकबाट प्रहरीले शुक्रबार साँझ लागुऔषध गाँजासहित दुई जनालाई ...
किताब नदेखी वार्षिक परीक्षाको तयारीमा
रुकुम - पूर्वको सिस्ने गाउँपालिका– ३ पोखरास्थित जनता माविमा कक्षा १० का प्रकाश खड्काको एसइइ परीक्षा आउन एक महिना बाँकी भए पनि अहिलेसम्म अनिवार्य नेपाली र स्वास्थ्य तथा जनसंख्या विषयको किताब पाएका छैनन्। आठबीसकोट नगरपालिका– २ स्यालाखदीस्थित ज्ञानोदय मावि कक्षा १० का भूपेन्द्र विष्टले पनि शैक्षिक सत्रको अन्त्यमा हुने वार्षिक परीक्षा आउन एक महिनाभन्दा कम समय हुँदासम्म ऐच्छिक भूगोल र शिक्षालगायत किताब पाएका छैनन्। यहाँका प्रायः सबै सामुदायिक विद्यालयका विद्यार्थीको त्यही समस्या छ । वर्षिक परीक्षा दिने समय नजिकै आए पनि आफूहरुले अहिलेसम्म नयाँ किताब देख्नसम्म नपाएको ...
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम