मुख्य समाचार

सुनसान बने पर्यटकीय बस्ती
Tourism settlement became silence

ताप्लेजुङ : ताप्लेजुङका उच्च हिमाली क्षेत्रका पर्यटकीय बस्ती सुनसान बनेका छन् । पर्यटकीय सिजन सकिनुका साथै जाडो बढेपछि स्थानीयले गाउँ छाड्न थालेका कारण बस्ती सुनसान बनेका हुन् । पुस दोस्रो सातासम्म पर्यटकको बाक्लो चहलपहल रहेका लेलेप, घुन्सा खम्वाचेनका होटल सुनसान छन्् । अधिकांश स्थानीय बाहिर गएको र बाहिरका नयाँ मान्छे आउन छाडेपछि गाउँ सुनसान भएको लेलेपका छेतेन शेर्पाले बताए । चिसो छल्नका लागि यो बेला धेरैले गाउँ छाडिसकेको उनको भनाइ छ ।

‘चिसो सुरु भएको र पर्यटकीय सिजनसमेत सकिएकाले अधिकांशले गाउँ छाडिसकेका छन्’, उनले भने, ‘कोही छाड्ने तर्खरमा छन् ।’विगतमा गाउँ नै रित्याएर बाहिरिने स्थानीय यसपटक भने केही घरमै बसेको उनको भनाइ छ । यसपटक चिसो कम भएकाले केहीले गाउँ नछाडेका हुन् ।

घुन्साका होटल व्यवसायी अहिले भारतका दार्जिलिङ, सिक्किमसहित काठमाडौं, फुङलिङ बजारलगायत अन्यत्र गइसकेका छन् । उच्च हिमाली क्षेत्रमा चिसो अत्यधिक हुने भएकाले जाडो छल्नका लागि बाहिर जानुपर्ने बाध्यता हिमाली क्षेत्रका बासिन्दाको छ । जाडो छल्न ओलाङचुङगोलाको याङमाका बासिन्दा पनि बाहिर गएका छन् ।

जाडो छल्नका लागि धेरैजसो स्थानीय काठमाडौं जाने गरेको फक्ताङलुङ गाउँपालिकाका प्रवक्तासमेत रहेका ओलाङचुङगोलाका छेतेन शेर्पाले बताए । ‘धेरैजसोका आफन्त काठमाडौंमा रहेकाले उनीहरू उतै जाने गरेका हुन्’, उनले भने । कोही तीर्थयात्राका लागि सिक्किमको तातोपानीसमेत जाने लेलेपका तेन्जिङ वालुङले बताए । ‘सिक्किमको तातोपानीमा गएर नुहाउँदा रोग काट्ने विश्वास छ’, उनले भने ।

अत्यधिक चिसो हुने भएकाले यहाँका बासिन्दा बाह्रै महिना गाउँमा बसोबास गर्न सक्दैनन् । तर, विगतका वर्षहरूमा सेताम्मे हुने अधिकांश हिमाली क्षेत्रमा यसपटक हिउँ नपरेको छेतेनको भनाइ छ । ‘पुस दोस्रो सातादेखि हिउँ पर्न थाल्नुपर्ने हो’, उनले भने, ‘यसपटक तुसारो मात्र परेको पर्‍यै छ ।’

तुलनात्मक रूपमा यसपटक चिसो कम रहेको उनले सुनाए । पर्यटकीय र जडीबुटी पाइने क्षेत्र भएकाले यहाँका अधिकांश स्थानीय पर्यटन तथा अन्य व्यवसायमा आबद्ध छन् । हिउँदमा काम नहुने भएकाले परिवार सबै भेटघाट गरी विभिन्न ठाउँमा घुम्न जाने गरेको वालुङको भनाइ छ । उनका अनुसार बाहिर गएकाहरू ग्याल्बो ल्होसार मनाउने गरी मात्रै गाउँ फर्किन्छन् । ‘ल्होसार गाउँमै मनाउने परम्परा रहेकाले फागुन पहिलो सातादेखि फेरि गाउँमै चहलपहल बढ्छ’, उनले भने ।

source; annapurnanews.com

प्रतिक्रिया दिनुहोस्
अन्य समाचारहरु
ताप्लेजुङको फुङलिङ बजारमा आगलागी, दुई घर जले
ताप्लेजुङ – ताप्लेजुङ सदरमुकाम फुङलिङ बजारमा मंगलबार अपरान्ह भएको आगलागीमा २ घर जलेर नष्ट भएको छ। प्रहरीका अनुसार एकै परिवारका दुई दाजुभाई फुङलिङ नगरपालिका वडा नम्बर ४ हुलाक लाइन स्थित डिकहादुर खवास र दिलबहादुर खवासको घर जलेर नष्ट भएको हो। अहिले फुङलिङ नगरपालिको दकमल, नेपाली सेना, नेपाल प्रहरी,शसस्त्र प्रहरी र स्थानीय बासिन्दाले आगो निभाउने प्रयास गरिरहेका छन्। प्रहरी कार्यालय ताप्लेजुङका प्रमुख डिएसपी ज्ञानेन्द्रबहादुर बस्नेतले आगो नियन्त्रण उन्मुख रहेको बताए। अगलागीको कारण खुलेको छैन। कुनै मानवीय क्षति नभएपनि आगो पूर्ण नियन्त्रणमा आउन केहि समय लाग्ने प्रहरीले बताएको छ। source; ...
पासपोर्ट भएका नेपालीको संख्या ५१ लाख
माघ ९ – डिसेम्बर २०१० देखि २०१७ सम्ममा ५१ लाख ५७ हजार ८ सय २६ नेपालीले राहदानी (पासपोर्ट) लिएको राहदानी विभागले बताएको छ । विभागले २०१० देखि मेसिन रिडेबल पासपोर्ट (एमआरपी) लागू गरेको थियो । राहदानी लिनेमा ४० लाखले वैदेशिक रोजगारीका लागि उक्त राहदानी लिएका छन् । यकिन तथ्यांक नभएपनि श्रम स्विकृती लिएर विदेश जानेको संख्या ४० लाख रहेको वैदेशिक रोजगार विभागका महानिर्देशक राजकुमार श्रेष्ठले बताए । त्यसैगरी अध्ययनका लागि जाने विद्यार्थीको संख्या करिब ३ लाख छ । नो अब्जेक्सन लेटर (अध्ययन अनुमति) लिने विद्यार्थी संख्यालाई ...
क्यान्सरपीडित बञ्जाडेलाई ३ लाख सहयोग
माघ ९ – चितवनको भरतपुर क्यान्सर अस्पतालमा उपचाररत अर्घाखाँची, भूमिकास्थान नगरपालिका-४ सानाऔवलका अमर बञ्जाडेलाई युनाइटेड अरब इमिरेट्स (यूएई)मा कार्यरत नेपालीहरूले ३ लाख ३ हजार १८६ रूपैयाँ आर्थिक सहयोग प्रदान गरेका छन् । अर्घाखाँची सम्पर्क समिति यूएई र श्री शान्ति उच्च मावि भूतपूर्व विद्यार्थी संघको पहलमा रकम संकलन गरिएको थियो । आर्थिक अभावका कारण उपचारमा कठिनाइ भएपछि अमरले सहयोगका लागि आह्वान गरेका थिए । source; nepaljapan.com
सत्तरी वर्षमा लाइसेन्स
काठमाडौं : सूर्यविनायक नगरपालिकाका–७ गुण्डुका पूर्णबहादुर बस्नेतले ७० वर्षको उमेरमा स्कुटर चालक अनुमतिपत्रको परीक्षा उत्तीर्ण गरेका छन् । आइतबारै लिखित परीक्षा उत्तीर्ण गरेका बस्नेतले मंगलबार प्रयोगात्मक परीक्षा पनि उत्तीर्ण गरे । प्रतिनिधिसभा सदस्य महेश बस्नेतका पिता पूर्णबहादुरले ३९ वर्षदेखि साइकल चलाउँदै आएका थिए । दुई वर्षअघि नातिनीको स्कुटर चलाउन थालेका उनले अब स्कुटरमा श्रीमतीलाई राखेर धार्मिक मठमन्दिरमा जान सजिलो भएको बताए । कुनै घटना भइहाले पूर्वमन्त्री एवं सांसदका बाबुले लाइसेन्सबिनै स्कुटी चलाएको खबर आउने भनेर छोराले सुझाएपछि लाइसेन्स परीक्षामा सहभागी भएको उनको भनाइ थियो । source; annapurnanews.com
रौतहटमा ८ वर्षीय बालकको बिभत्स हत्या : तीन पक्राउ
रौतहट : राजपुर नगरपालिकाको बैरीया बलुवाटोलमा एक बालकको बिभत्स हत्या भएको छ। मंगलबार बिहान बालवाटोलका ८ वर्षीय मफजुल देवानको घाटी काटेर हत्या भएको स्थानीयले बताएका छन्। स्थानीयले बिहान ११ बजेतिर गाउँ नजिकैको बगैंचामा बालकको शव भेटेर प्रहरीलाई खबर गरेका थिए। प्रहरीले बालक हत्यामा संलग्न भएको आरोपमा तीन जनालाई पक्राउ गरेको छ। बालक हत्या घटनाको अनुसन्धान भइरहेको जिल्ला प्रहरी कार्यालय रौतहटका डीएसपी राजकुमार दानीले जानकारी दिए। source; annapurnanews.com
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम