मुख्य समाचार

नबिल बैंकद्वारा न्यानो लुगा वितरण
Warm clothes distribution by Nabil Bank

महेन्द्रनगर : नबिल बैंक महेन्द्रनगर शाखाले कञ्चनपुरको भीमदत्त नगरपालिका ९ खल्लामा न्यानो लुगा वितरण गरेको छ । शनिबार एक कार्यक्रमको आयोजना गरी नबिल बैंक महेन्द्रनगर शाखाले शितलहर प्रभावित क्षेत्रमा न्यानो लुगा वितरण गरेको हो ।

यहाँ रहेका अति विपन्न ५० परिवारलाई न्यानो लुगा वितरण गरिएको बैंकले जनाएको छ । नबिल फाउन्डेसनद्धारा आयोजित संस्थागत सामाजिक उत्तरदायित्व कार्यक्रम अन्तर्गत शित लहर प्रभावित क्षेत्रमा न्यानो लुगा वितरण गरिएका बैंकका कर्मचारी देवेन्द्र केसीले जानकारी दिए । नेपाल रेडक्रस सोसाइटी कञ्चनपुरसंगको सहकार्यमा न्यानो लुगा वितरण गरिएको बैंकले जनाएको छ । खल्लास्थित भीमदत्त स्मृति आधारभूत विद्यालयमा अति विपन्न परिवारलाई न्यानो लुगा वितरण गरिएको हो ।

नबिल फाउन्डेसनले कम्बल, म्याट, न्यानो टोपी तथा चाउचाउ र विस्कुट लगायतका सामाग्रीहरु वितरण गरेको हो । भीमदत्त नगरपालिका ९ का वडा अध्यक्ष राम नाथको अध्यक्षतामा भएको कार्यक्रममा नबिल बैंक महेन्द्रनगरका शाखा प्रबन्धक संजीब पाण्डे , नेपाल रेडक्रस कञ्चनपुरका उप–सभापति नरबहादुर राना , उपमन्त्री मञ्जु दाहाल,रुप बहादुर कठायत लगायत नबिल बैंक महेन्द्रनगर शाखाका कर्मचारीहरु, विपत व्यवस्थापनका प्रतिनिधिहरु, विद्यालय व्यवस्थापनका अध्यक्ष र लक्षित समुदायको सहभागिता रहेको थियो ।

न्यानो लुगा वितरण कार्यक्रममा सहभागीहरुले नबिल फाउन्डेसनले तराईको कठङग्रिदो जाडोको बेला न्यानो लुगा वितरण गरेर सामाजिक उत्तरदायित्व निर्वाह गरेको बताए । नबिल फाउन्डेसनले सामाजिक उत्तरदायित्व अन्र्तगत विभिन्न समयमा सामाजिक कार्यमा सहयोग उपलब्ध गराउदै आइरहेको छ ।

source; annapurnanews.com

प्रतिक्रिया दिनुहोस्
अन्य समाचारहरु
ताप्लेजुङको फुङलिङ बजारमा आगलागी, दुई घर जले
ताप्लेजुङ – ताप्लेजुङ सदरमुकाम फुङलिङ बजारमा मंगलबार अपरान्ह भएको आगलागीमा २ घर जलेर नष्ट भएको छ। प्रहरीका अनुसार एकै परिवारका दुई दाजुभाई फुङलिङ नगरपालिका वडा नम्बर ४ हुलाक लाइन स्थित डिकहादुर खवास र दिलबहादुर खवासको घर जलेर नष्ट भएको हो। अहिले फुङलिङ नगरपालिको दकमल, नेपाली सेना, नेपाल प्रहरी,शसस्त्र प्रहरी र स्थानीय बासिन्दाले आगो निभाउने प्रयास गरिरहेका छन्। प्रहरी कार्यालय ताप्लेजुङका प्रमुख डिएसपी ज्ञानेन्द्रबहादुर बस्नेतले आगो नियन्त्रण उन्मुख रहेको बताए। अगलागीको कारण खुलेको छैन। कुनै मानवीय क्षति नभएपनि आगो पूर्ण नियन्त्रणमा आउन केहि समय लाग्ने प्रहरीले बताएको छ। source; ...
पासपोर्ट भएका नेपालीको संख्या ५१ लाख
माघ ९ – डिसेम्बर २०१० देखि २०१७ सम्ममा ५१ लाख ५७ हजार ८ सय २६ नेपालीले राहदानी (पासपोर्ट) लिएको राहदानी विभागले बताएको छ । विभागले २०१० देखि मेसिन रिडेबल पासपोर्ट (एमआरपी) लागू गरेको थियो । राहदानी लिनेमा ४० लाखले वैदेशिक रोजगारीका लागि उक्त राहदानी लिएका छन् । यकिन तथ्यांक नभएपनि श्रम स्विकृती लिएर विदेश जानेको संख्या ४० लाख रहेको वैदेशिक रोजगार विभागका महानिर्देशक राजकुमार श्रेष्ठले बताए । त्यसैगरी अध्ययनका लागि जाने विद्यार्थीको संख्या करिब ३ लाख छ । नो अब्जेक्सन लेटर (अध्ययन अनुमति) लिने विद्यार्थी संख्यालाई ...
क्यान्सरपीडित बञ्जाडेलाई ३ लाख सहयोग
माघ ९ – चितवनको भरतपुर क्यान्सर अस्पतालमा उपचाररत अर्घाखाँची, भूमिकास्थान नगरपालिका-४ सानाऔवलका अमर बञ्जाडेलाई युनाइटेड अरब इमिरेट्स (यूएई)मा कार्यरत नेपालीहरूले ३ लाख ३ हजार १८६ रूपैयाँ आर्थिक सहयोग प्रदान गरेका छन् । अर्घाखाँची सम्पर्क समिति यूएई र श्री शान्ति उच्च मावि भूतपूर्व विद्यार्थी संघको पहलमा रकम संकलन गरिएको थियो । आर्थिक अभावका कारण उपचारमा कठिनाइ भएपछि अमरले सहयोगका लागि आह्वान गरेका थिए । source; nepaljapan.com
सत्तरी वर्षमा लाइसेन्स
काठमाडौं : सूर्यविनायक नगरपालिकाका–७ गुण्डुका पूर्णबहादुर बस्नेतले ७० वर्षको उमेरमा स्कुटर चालक अनुमतिपत्रको परीक्षा उत्तीर्ण गरेका छन् । आइतबारै लिखित परीक्षा उत्तीर्ण गरेका बस्नेतले मंगलबार प्रयोगात्मक परीक्षा पनि उत्तीर्ण गरे । प्रतिनिधिसभा सदस्य महेश बस्नेतका पिता पूर्णबहादुरले ३९ वर्षदेखि साइकल चलाउँदै आएका थिए । दुई वर्षअघि नातिनीको स्कुटर चलाउन थालेका उनले अब स्कुटरमा श्रीमतीलाई राखेर धार्मिक मठमन्दिरमा जान सजिलो भएको बताए । कुनै घटना भइहाले पूर्वमन्त्री एवं सांसदका बाबुले लाइसेन्सबिनै स्कुटी चलाएको खबर आउने भनेर छोराले सुझाएपछि लाइसेन्स परीक्षामा सहभागी भएको उनको भनाइ थियो । source; annapurnanews.com
रौतहटमा ८ वर्षीय बालकको बिभत्स हत्या : तीन पक्राउ
रौतहट : राजपुर नगरपालिकाको बैरीया बलुवाटोलमा एक बालकको बिभत्स हत्या भएको छ। मंगलबार बिहान बालवाटोलका ८ वर्षीय मफजुल देवानको घाटी काटेर हत्या भएको स्थानीयले बताएका छन्। स्थानीयले बिहान ११ बजेतिर गाउँ नजिकैको बगैंचामा बालकको शव भेटेर प्रहरीलाई खबर गरेका थिए। प्रहरीले बालक हत्यामा संलग्न भएको आरोपमा तीन जनालाई पक्राउ गरेको छ। बालक हत्या घटनाको अनुसन्धान भइरहेको जिल्ला प्रहरी कार्यालय रौतहटका डीएसपी राजकुमार दानीले जानकारी दिए। source; annapurnanews.com
आजको विनिमय दर
नेपाली पात्रो
प्रश्नउत्तर र पुरस्कार
जापानको सिमा बाट सबै भन्दा नजिकै रहेको देश् कुन् हो?

रूस
चीन
कोरिया
भियतनाम