काठमाडौँ — स्वास्थ्य तथा जनसंख्या मन्त्रालयले कोभिड-१९ विरुद्धको बुस्टर खोप लगाउन आग्रह गरेको छ । कोभिडविरुद्धको पूर्ण मात्रा खोप लगाएको ३ महिना पूरा भएका र पहिले बुस्टर खोप लगाउन छुटेका व्यक्तिहरुलाई पहिलो मात्रा बुस्टर खोप सरकारले दिने भएकाे हाे ।
साथै यसअघि बुस्टर मात्रा खोप लगाएको ६ महिना पूरा भएका व्यक्तिहरुलाई बुस्टर खोप दिने भएको छ।
५५ वर्ष उमेरमाथिका सबै, स्वास्थ्यकर्मी, गर्भवती, १२ वर्षमाथिका दीर्घ रोगी, रोग प्रतिरोधात्मक क्षमता कम भएका व्यक्तिले बुस्टर खोप लगाउन सक्ने छन् । कोभिड-१९ संक्रमण झएकाहरुले संक्रमणमुत्त भएको एक महिनापछि बुस्टर डोज लिन मिल्छ ।
मन्त्रालयले खोप लगाउननजिकैको स्वास्थ्य संस्थामा सम्पर्क गरी खोप लगाउन सक्नेछन् । बुस्टर मात्रा खोप लगाउन जाँदा पूर्ण मात्राको खोप लगाएको खोप कार्ड लिएर जानुपर्ने हुन्छ ।