काठमाडौँ — सहिद स्मारक लिग ए डिभिजन ०७९–०८० मा जावलाखेलले शुक्रबार थ्री स्टारलाई स्तब्ध पारेको छ । सातदोबाटो मैदानमा भएको खेलमा जावलाखेल १–० ले विजयी रहेको हो ।
त्यस जितमा एन्कोटो मासोबीले १६ औं मिनेटमा गरेको गोल निर्णायक रह्यो । यो जितपछि जावलाखेलको पाँच खेलबाट १० अंक भएको छ भने थ्री स्टार ७ अंकमै सीमित रह्यो ।
शुक्रबार नै च्यासल मैदानमा भएको खेलमा दस खेलाडीमा सीमित डिफेन्डिङ च्याम्पियन मछिन्द्र र चर्च ब्वाइजले गोलरहित बराबरी खेले । खेलको ४२ औं मिनेटमा पुजन उपरकोटी रातो कार्ड खाएर मैदान छाड्न बाध्य रहे ।
यस नतिजापछि चर्च ब्वाइजको ११ अंक भएको छ भने मछिन्द्र ५ अंकमै सीमित रह्यो ।
