। बुकाया साकाको उत्कृष्ट प्रदर्शनमा प्रिमियर लिगको शीर्ष स्थानमा रहेको आर्सनलले आइतबार क्रिस्टल प्यालेसलाई ४-१ ले पराजित गरेको छ ।
यस जितपछि लिग लिडर आर्सनलले दोस्रो स्थानको म्यानचेष्टर सिटीमाथि ८ अंकको अग्रता बनाएको छ ।
घरेलु मैदान एमिरेट्स स्टेडियममा भएको खेलमा आर्सनलका लागि साकाले दुई गोल गर्नुका साथै एक असिस्ट गरे ।
खेलको २८औं मिनेटमा साकाकै पासमा गाब्रीएल मार्टिनेलीले गोल गर्दै आर्सनललाई अग्रता दिलाएका थिए । साकाले ४३औं मिनेटमा बेन ह्वाइटको पासमा गोल गरी अग्रता दोब्बर पारे ।
५५औं मिनेटमा ग्राइन्ट जाकाले लियोन्ड्रो ट्रोसार्डको पासमा गोल गरे । ६३औं मिनेटमा प्यालेसका जेफ्री स्कल्पले गोल गर्दै गवद्य अन्तर कम पार्ने प्रयास गरेका थिए । तर ७४औं मिनेटमा साकाले व्यक्तिगत दोस्रो गोल गरेपछि बर्सनलले सहज जित निकाल्यो ।
जितपछि आर्सनलले २८ खेलबाट ६९ अंक जोडेको छ । एक खेल कम खेलेको सिटीको ६१ अक छ ।
