विन्डोक : वृत्या अरविन्द र आशिफ खानको उत्कृष्ट ब्याटिङप्रेरित यूएईले आईसीसी क्रिकेट विश्वकप छनोटको प्ले अफमा नामिबियालाई दुई सय ६८ रनको लक्ष्य दिएको छ।
युनाइटेड क्रिकेट क्लब मैदानमा टस हारेर ब्याटिङ थालेको यूएईले पाँच विकेट गुमाएर दुई सय ६७ रनको योगपफल तयार गर्यो। यूएईका लागि एक सय १८ बलको सामना गरेका अरविन्दले सात चौका र एक छक्कासहित ९३ रनको अविजित इनिङ खेले।
यस्तै, आसिफ खानले ८६ बलमा ६ चौका र पाँच छक्कासहित आउट हुनुअघि ९६ रन बनाए। कप्तान मोहम्मद वासिम २३ तथा आर्यान लाक्रा २४ रन जोडेर पभिलियन फर्केका थिए।
नामिबियाका लागि बर्नार्ड स्कोल्ज, कार्ल बिर्केन्स्टोक, पिकी या फ्रान्स र कप्तान गेर्हर्ड एरास्मसले एक–एक विकेट लिए।
सुरुआती तीनमध्ये दुई खेलमा जित निकालेको नामिबिया प्ले अफ तालिकाको शीर्ष स्थानमा छ। यूएईको पनि समान नतिजा र समान अंक छ। ६ टिम सहभागी प्ले अफबाट शीर्ष दुई टिमले जुन–जुलाईमा जिम्बाब्वेमा हुने विश्वकपको ग्लोबल छनोटमा स्थान बनाउने छन्।