। इन्डियन प्रिमियर लिग (आईपीएल) को साविक उपविजेता राजस्थान रोयल्सले १६औ संस्करणको आफ्नो पहिलो खेलमा सनराइजर्स हैदरवादलाई ७२ रनले पराजित गर्दै सानदार सुरुवात गरेको छ ।
जोस बटलर, यजस्पी जैसवाल र कप्तान सन्जु सामसनको अर्धशतक अनी बलर युजभेन्द्र चहलको ४ विकेट प्रदर्शनमा राजस्थानले सानदार जित हासिल गरेको हो ।
हैदरवादको मैदान राजिब गान्धी अन्तराष्ट्रिय क्रिकेट स्टेडियम टस हारेर पहिले ब्याटिङ गरेको राजस्थानले तीन खेलाडीको अर्धशतकमा ५ विकेट गुमाएर २०३ रन बनाएको थियो । २०४ रनको लक्ष्य पछ्याएको सनराइजर्सले २० ओभरमा ८ विकेट गुमाएर १३१ रन मात्र बनायो ।
हैदराबादका लागि आठौं नम्बरमा ब्याटिङ गरेका अब्दुल समादले अविजित रहँदै सर्वाधिक ३२ रन बनाए । मंयक अग्रवालले २७ रन जोडे । उमरान मल्लिकले अविजित १९ रन बनाए ।
बलिङमा राजस्थानका लागि युजभेन्द्र चहलले ४ ओभरमा १७ रन खर्चेर ४ तथा ट्रेन्ट बोल्डले २ विकेट लिए । त्यसअघि राजस्थानले तीन खेलाडीको अर्धशतकमा शानदार सुरुवात गर्दै यस सिजन २०० रन बनाउने पहिलो टिम बनेको थियो ।
राजस्थानका कप्तान सन्जु सामसनले ३२ बलमा ३ चौका र ४ छक्काको मदतमा सर्वाधिक ५५ रन बनाए । बटलरले आक्रमक ब्याटिङ गर्दै २२ बलमै ५४ रन बनाए ।
उनले ७ चौका र ३ छक्का प्रहार गरे । जैसवालले ३७ बलमा ९ चौका प्रहार गर्दै ५४ रन बनाए । शिमरन हेटमायरले १६ बलमा अविजित २२ रन बनाए ।
सनराइजर्सका फाजलहक फारुकी र टी नटराजनले समान २ विकेट लिए ।
