काठमाडौँ — सहिद स्मारक लिग ए डिभिजन ०७९ को छैटौं चरणको पहिलो दिनको खेलमा एपीएफ र संकटा विजयी भएका छन् । च्यासलमा भएको खेलमा एपीएफले पुलिसलाई २–० गोल अन्तरले हराएको हो ।
पुलिस डर्बीमा एपीएफका लागि एडम डोम्बिया र सबिन गुरुङले गरे । दुबै गोल दोस्रो हाफमा भएका थिए । डोम्बियाले ५८ औं मिनेटमा पहिलो गोल गरेयता सबिनले इन्ज्युरी समयको आठौं मिनेटमा दोस्रो गोल थपे ।
यो जितपछि एपीएफ १० अंकसहित पाँचौं स्थानमा उक्लिएको छ । खराब खेलिरहेको पुलिसको भने यो पाँचौं हार हो । साथै एकै अंकमा सीमित रहेर अन्तिम स्थानमा रहेको छ ।
सातदोबाटोमा भएको खेलमा संकटाले खुमलटारलाई १–० गोलअन्तरले हराएको हो । खेलको २७ औं मिनेटमा जुनियर अनगुनेले निर्णायक गोल गरे । यस जितपछि संकटाको ९ अंक भएको छ र पाँचौं स्थानमा उक्लेको छ । खुमलटार भने छ अंकमै सीमित छ ।
