— विराट कोहली ब्याटबाट चम्केपछि रोयल च्यालेन्जर्स बेंगलोरले इन्डियन प्रिमियर लिग २०२३ मा आइतबार मुम्बई इन्डियन्समाथि सजिलो आठ विकेटको जित निकालेको छ । कोहलीले ४९ बलमा ८२ रन बनाए र बेंगलोरले सजिलै १ सय ७२ रनको लक्ष्य पूरा गरेको थियो ।
भारतका पूर्वकप्तानले नटाउट रहेर छ चौका र पाँच छक्का प्रहार गरे । उनले पहिलो विकेटका लागि कप्तान फाफ डे फ्लेसिससँग १ सय ४८ रनको साझेदारी गरे । ‘प्लेयर अफ द म्याच’ भएको फ्लेसिसले ४३ बलमा ७३ रन बनाए ।
दक्षिण अफ्रिकी खेलाडीले पाँच चौका तथा छ छक्का प्रहार गरे । त्यस अगाडि मुम्बईले सात विकेटमा १ सय ७१ रन बनाएको थियो । त्यसमा तिलक वर्माले ४६ बलमा सर्वाधिक ८४ रन बनाए ।