— न्युकासल युनाइटेडले आइतबार इंग्लिस प्रिमियर लिगमा म्यानचेस्टर युनाइटेडलाई २–० ले पराजित गर्दै तेस्रो स्थानमा उक्लेको छ । यससँगै न्युकासलले लिगकपको फाइनलमा बेहोरेको हारको पनि बदला लिएको छ ।
सेन्ट जेम्स पार्कमा भएको खेलमा न्युकासलको प्रदर्शन उत्कृष्ट रह्यो र उसका लागि जोए विललक तथा कलम विल्सनले गोल गरे । चौथो स्थानमा झरेको युनाइटेड पछिल्ला तीन खेलमा जितहीन रहेको छ ।
यो खेलपछि न्युकासलको ५० अंक भएको छ भने युनाइेटड समान ५० अंकमै रहेको छ ।
