— कोलकाता नाइटराइडर्सले इन्डियन प्रिमियर लिग २०२३ मा बिहीबार पहिलो जित निकालेको छ । यस खेलमा २९ बलमा ६८ रन बनाउँदै सार्दुल ठाकुर नायक रहे ।
‘प्लेयर अफ द म्याच’ सार्दुलले २९ बलमा बनाएको ६८ रनको मद्दतले कोलकाताले रोयल च्यालेन्जर्स बेंगलोरलाई ८१ रनले पराजित गर्यो ।
इडेन गार्डेनमा पहिले ब्याटिङ गरेको कोलकाताले खराब सुरुआत गर्दै एक समय ८९ रनमा पाँच विकेट गुमाएको थियो । सार्दुलले उत्कृष्ट ब्याटिङ गरेपछि कोलकाता सात विकेटमा २ सय ४ रन बनाउन सफल रह्यो ।
सार्दुगलले ९ चौका र ३ छक्का प्रहार गरे । त्यसको जवाफमा बैंगलोर १७.४ ओभरमा १ सय २३ रन मात्र बनाएर अलआउट भयो । भरुण चक्रवर्तीले १५ रनमा चार तथा सुयश शर्माले ३० रनमा तीन विकेट लिए ।
