— फ्रायन्क लाम्पार्ड ‘केयर टेकर’ व्यवस्थापकका रूपमा बिहीबार फेरि इंग्लिस प्रिमियर लिग क्लब चेल्सीमा फर्केका छन् । दुई वर्षअघि चेल्सीले बर्खास्त गरेयता उनी फेरि व्यवस्थापक भूमिकामा देखिएका हुन् । यस सिजनको अन्त्यसम्म उनी यस भूमिकामा रहनेछन् ।
ग्राहम पोटरलाई बर्खास्त गरेको चेल्सीले आश्चर्यजनक रूपमा लाम्पार्डलाई फेरि क्लबमा फिर्ता बोलाएको हो । चेल्सीका लागि सबैभन्दा बढी गोल गरेका लाम्पार्डले सन् २०१९ को जुलाईदेखि सन् २०२१ को जनवरीसम्म लन्डन क्लब सम्हालेका थिए ।
उनलाई बर्खास्त गरेयता थोमस टुचेल व्यवस्थापक बनेका थिए । टुचेललाई पनि बर्खास्त गरेपछि पोटरले अवसर पाएका थिए । अहिले तिनै पोटरको बर्खास्तीपछि लाम्पार्ड छोटो समयका लागि व्यवस्थापकमा देखिएका हुन् ।
