— युरोपेली च्याम्पियन्स लिग छनोट पछ्याइरहेको न्युकासल युनाइटेडले बुधबार इंग्लिस प्रिमियर लिगमा वेस्ट ह्यामलाई ५–१ ले पराजित गरेको छ ।
हारले रेलिगेसनबाट बच्न संघर्षरत वेस्ट ह्यामका प्रशिक्षक डेविड मोयसमाथि अझ बढी दबाब सिर्जना भएको छ ।
वेस्ट ह्याम २७ अंकमा १६ औं स्थानमा छ । न्युकासलका लागि कलम विल्सन र जोलिटनले दुई दुई गोल गरे । यस्तै एलेक्जान्डर इस्कले एक गोल थपे । यो जितसँगै न्युकासल तेस्रो स्थानमा रह्यो । उसको ५३ अंक भएको छ ।
म्यानचेस्टर युनाइटेड समान अंकमा चौथो स्थानमा छ । युनाइटेडले अर्को खेलमा ब्रेन्टफोर्डलाई १–० ले हरायो । उसका लागि मार्कस रसफोर्डले पहिलो हाफमा निर्णायक गोल गरे ।