— नेपोली ३३ वर्षयता पहिलो 'सिरी ए' उपाधि जित्ने संघारमा पुगेको छ । उसले शुक्रबार रातिको खेलमा लेचेलाई २–१ ले हराउँदै शीर्ष स्थानमा १९ अंकको अग्रता लिएको हो ।
पहिलो स्थानमा नेपोलीको ७४ अंक छ भने लाजियो ५५ अंकमा दोस्रो स्थानमा छ । उसले जियोभानी डि लोरेन्जोको गोलले अग्रता लिएइता लेचेका लागि फेडरिको डि फ्रान्सिस्कोले बराबरी गोल फर्काए ।
त्यसपछि एन्टोनियो गलोले गरेको आत्मघाती गोल नै नेपोलीको जितका लागि पर्याप्त रह्यो । शुक्रबार अन्य दुई खेलमा सालेरनिटाना र इन्टर मिलानले १–१ तथा एसी मिलान र इम्पोलीले गोलरहित बराबरी खेले ।
