: फेरान टोरेसको निर्णायक गोलप्रेरित बार्सिलोनाले स्पेनिस ला लिगामा आइतबार राति एट्लेटिको मड्रिडलाई १–० को नतिजामा पराजित गरेको छ। क्याम्प नोउमा भएको खेलको पहिलो हाफमा घरेलु टिमले अग्रता लिएको थियो।
राफिन्हाले दायाँतर्फबाट दिएको पासलाई १८ यार्ड बक्स अगाडि अन्मार्क्ड टोरेसले नियन्त्रणमा लिएर लामो प्रहार गरेका थिए। पर्याप्त समय लिएर गरेको टोरेसेका प्रहारमा एट्लेटिकोका गोलपिकर यान ओब्लाक सहजै बिट् हुँदा ४४ औं मिनेटमा भ्रणकारी टिम पछाडि परेको थियो।
सोही अग्रताको बचाउ गर्दै बार्सिलोनाले यो सिजन ला लिगाका दुवै खेलमा एट्लेटिकोविरुद्ध १–० को जित सुनिश्चित गर्यो।
हारसँगै एट्लेटिकोको ला लिगामा १३ खेलको अपराजित यात्रामा पूर्णविराम लागेको छ। यसअघि एट्लेटिको बार्सिलोनासँगै १–० ले वान्डा मेट्रो पोलिटानोमा पराजित भएको थियो।
जितसँगै ३० खेलबाट ७६ अंक जोडेको बार्सिलोनाले शीर्ष स्थानमा १२ अंकको अग्रता कायम राखेको छ। दोस्रो स्थानको रियाल मड्रिडको समान खेलबाट ६५ अंक तथा बार्सिलोनाको ७६ अंक छ। पराजित एट्लेटिको ३० खेलबाटै ६० अंक जोडेर तेस्रो स्थानमा छ।
