: सेमिफाइनलमा सडन डेथमा ब्राइटनलाई ७–६ को नतिजामा पराजित गर्दै म्यानचेस्टर युनाइटेड एफए कपको फाइनलमा पुगेको छ। वेम्ब्ली स्टेडियममा आइतबार राति भएको खेलको निर्धारित ९० मिनेटको खेल गोलरहित बराबरीमा सकिएको थियो।
त्यसपछि अतिरिक्त ३० मिनेटमा पनि दुवै टिमले डेड–लक तोड्न नसक्दा नतिजा पेनाल्टी सुटआउटसम्म पुगेको थियो।null
ब्राइटनका अलेक्सिस म्याक अलिस्टर, पास्कल गोर्ब, डेनिज उन्डव, पेर्भिस स्टुपिनियान, लेविक डन्क र आडम वेस्टरले प्रहार गरेको पेनाल्टी गोलमा परिणत भएको थियो।
यस्तै, युनाइटेडका क्यासिमिरो, डिएगो डालो, जाडोन सान्चो, मार्कस रासफोर्ड, मार्सेल साबिट्जर, वाउट वेगहोर्स्ट र भिक्टोर लिन्डोलोफले पनि पेनाल्टीमा गोल गरेका थिए।
तर, ब्राइटनका सोली मार्सले प्रहार गरेको सातौं पेनाल्टी आकाशिएपछि युनाइटेड ७–६ ले विजयी भयो।
जितसँगै फाइनलमा पुगेको युनाइटेडले उपाधिका लागि म्यानचेस्टर सिटीसँग खेल्ने छ। सिटी शेफिल्ड युनाइटेडलाई पराजित गर्दै फाइनलमा पुगिसकेको छ।