: फुल्हमलाई २–१ गोलको नतिजामा पराजित गर्दै म्यानचेस्टर सिटी इङ्लिस प्रिमियर लिगको अंक तालिकाको शीर्ष स्थानमा उक्लिएको छ।
आइतबार फुल्हमको मैदान क्रेभन कटेजमा भएको खेलको तेस्रो मिनेटमा एर्लिङ हालान्डले गोल गर्दै भ्रमणकारी सिटीलाई अग्रता दिलाएका थिए। पेनाल्टीमा गोल खाएको फुल्हमले १५औं मिनेटमा बराबरी गरेको थियो।
कार्लोस भिनिसियसले गरेको गोलसँगै १–१ गोलको बराबरी गरेको फुल्हमले ३६औं मिनेटमा पुनः गोल खायो।
जुलियन अल्भारेजले रियाड माहरेजको पासलाई गोलमा परिणत गरेसँगै २–१ को अग्रता बनाएको सिटीले सोही अग्रताको बचाउ गर्दै तीन अंक हासिल गर्यो।
जितसँगै ३२ खेलबाट ७६ अंक जोडेको सिटी प्रिमियर लिगको शीर्ष स्थानमा उक्लएको छ। दोस्रो स्थानको आर्सनलको ३३ खेलबाट ७५ अंक छ।
पराजित फुल्हम ३३ खेलबाट ४५ अंक जोडेर अंक तालिकाको १२औं स्थानमा छ। आइतबार नै भएको खेलमा बर्नमाउथले लिड्स युनाइटेडलाई ४–१ गोलको नतिजामा पराजित गरेको छ।
यस्तै, म्यानचेस्टर युनाइटेडले एस्टन भिल्लालाई १–० को नतिजामा पराजित गर्दा न्युक्यासल युनाइटेडले साउथह्याम्टनलाई ३–१ ले हराएको छ।