काठमाडौं : सहिद स्मारक ए डिभिजन लिगमा आइतबार चर्च ब्वाइज युनाइटेडले मनाङ मर्स्याङ्दी क्लबलाई ३–० गोलको नतिजामा पराजित गरेको छ। शनिबार साँझ हुने तय भएको खेल वर्षाका कारण आइतबारलाई सारिएको थियो।
आइतबार दिउँसो सातदोबाटोस्थित एन्फा कम्प्लेक्समा भएको खेलको ४१औं मिनेटमा गोल गर्दै युनाइटेडलाई अग्रता दिलाएका थिए। मौसम सुब्बाले ५५औं मिनेटमा गोल गर्दै युनाइटेडको अग्रता दोब्बर पारेका थिए।
निर्धारित ९० मिनेटसम्म २–० ले पछाडि परेको मनाङले इन्जुरी समयमा थप एक गोल गर्यो।
जितसँगै १३ खेलबाट २१ अंक जोडेको युनाइटेड चौथो स्थानमा उक्लिएको छ। समान खेलबाट १५ अंक जोडेको मनाङ १०औं स्थानमा झरेको छ।
शनिबार प्रभावित भएर आजै टुङ्गिएको अर्को खेलमा संकटा क्लब र जावलाखेल युथ क्लबले पनि १–१ गोलको बराबरी खेलेका थिए। प्रभावित अर्को खेलमा त्रिभुवन आर्मी क्लब र हिमालयन शेर्पा क्लबले पनि बराबरी १–१ गोलको बराबरी खेलेका थिए।
