काठमाडौं : रफिक अमिनुको दुई गोलप्रेरित फ्रेन्ड्स क्लबले सहिद स्मारक ए डिभिजन लिगमा सोमबार एफसी खुमलटारलाई ३–१ गोलको नतिजामा पराजित गरेको छ। च्यासल रंगशालामा भएको खेलको चौथो मिनेटमा अमिनुले गोल गर्दै फ्रेन्ड्सलाई अग्रता दिलाएका थिए।
अमिनुले १६औं मिनेटमा गरेको गोलसँगै २० मिनेट भित्रै फ्रेन्ड्सले २–० को अग्रता लिएको थियो। पलिहो हाफमा २–० ले पछि परेको खुमलटारका लागि मेसुके ओलोमोउले ६७औं मिनेटमा एक गोल फर्काएका थिए।
तर, ७८औं मिनेटमा सन्तोष खत्रील गरेको गोलसँगै फ्रेन्ड्सले ३–१ को जित सुनिश्चित गर्यो।
जितसँगै १५ खेलबाट १९ अंक जोडेको फ्रेन्ड्स क्लब १०औं स्थानमा उक्लिएको छ। समान खेलबाट १७ अंक जोडेको खुमलटार १३औं स्थानमा छ। आजै भएको अर्को खेलमा मनाङ मर्स्याङ्दी क्लब र नेपाल पुलिस क्लबले एन्फा कम्प्लेक्समा २–२ गोलको बराबरी खेलको थिए।
