काठमाडौं : ललितपुरमा आजदेखि अन्तर्राष्ट्रिय ओपन सिटिङ भलिबल प्रतियोगिता सुरु भएको छ।
अपाङ्गता भएका व्यक्तिहरूले प्रतियोगितामा भाग लिएका छन्। प्रतियोगितामा पाँच देशका १२ समूहले प्रतिस्पर्धा गरिरहेको पाराएसोशियसन भारतका अध्यक्ष डा.भी अल्वर्ट प्रेमकुमारले जानकारी दिए।
पारा एथ्लेटिक एसोसियसन नेपाल र पारा थ्रुबल पारा भलिबल फेड्रेसन अफ भारत आयोजकका रूपमा रहेका छन्।
प्रतियोगिता ललितपुरस्थित फिजिकल स्पोर्टस सेन्टरमा जारी छ। प्रतियोगितामा नेपालसहित भारत, मलेसिया, श्रीलंका, तिब्बतका खेलाडीले भाग लिएका छन्।
सो अवसरमा बागमती प्रदेश सभाका सदस्य राधा घले, पारा एथलेटिक्स एसोसियसन नेपालका अध्यक्ष ओमनाथ सिवाकोटी, महासचिव रुपा थापामगर लगायतको सहभागिता रहेको थियो।