: फेडेरिको गटीले इन्जुरी समयको सातौं मिनेटमा बराबरी गोल फर्काएसँगै युभेन्टस युरोपा लिगको सेमिफाइनल– पहिलो लेगमा सेभियाविरुद्ध हारबाट जोगिएको छ।
घरेलु मैदान एलियान्ज स्टेडियममा निर्धारित ९० मिनेटसम्म १–० ले पछि परेका युभेन्टसले पहिलो लेगमा हार टार्न संघर्ष गनुपर्यो।
युसेफ एन–नेसेरीले २६औं मिनेटमा गरेको गोलसँगै भ्रमणकारी सेभियाले अग्रता लिएको थियो। प्रतिस्पर्धात्मक खेलको पूरा समय त्यो अग्रता कायम राखेको थियो।
तर,अन्तिम समयमा सम्हालिन नसक्दा युभेन्टसको मैदानमा महत्त्वपूर्ण जित हात पार्न सेभिया असफल रह्यो।
सेभियाको मैदानमा दोस्रो लेग मे १९ मा हुनेछ। बिहीबार नै भएको अर्को सेमिफाइनलमा रोमाले बायर लेभरकुसेनलाई १–० को नतिजामा पराजित गरेको थियो।
