मड्रिड : पाब्लो माफेओको निर्णायक गोलप्रेरित मायोर्काले स्पेनिस ला लिगामा शुक्रबार राति क्याडिजलाई १-० को नतिजामा पराजित गरेको छ। मायोर्काको मैदानमा भएको खेलको १६औं मिनेटमा माफेओले गरेको एक मात्र गोल टिमलाई घरेलु टिमलाई तीन अंक दिलाउन पर्याप्त भयो।
लि काङ् इनले बायाँतर्फबाट प्रहार गरेको कर्नरमा मायोर्काका इदृसु बाबाले प्रहार गरेको हेडर क्याडिजका गोलपिकर येरेमियास लेदेस्माले रोकेका थिए। सोही रिबाउन्ड बलमा पुनः हेडरमार्फत प्रहार गर्दै माफेओले गोल गरे।
मायोर्काका काङ् इनले ८४औं मिनेटमा गरेको गोल भिडियो असिस्टेन्ट रेफ्री (भीएआर)ले अफसाइडका कारण रद्द गरिदिएको थियो।
जितसँगै ३४ खेलबाट ४४ अंक जोडेको मायोर्का ला लिगाको १२औं स्थानमा उक्लिएको छ। समान खेलबाट ३५ अंक जोडेको क्याडिज १५औं स्थानमा छ।
