काठमाडौं : खेलाडी पलायन कम गर्न माग गर्दै नेपाल लोकतान्त्रिक खेलकुद संघले खेलकुदमन्त्री डिगबहादुर लिम्बुलाई ज्ञापनपत्र बुझाएको छ।
खेलाडी पलायन कम गर्नका लागि सरकारले रणनीतिक नीति तयार पार्नुपर्ने लगायतका १४ बुँदे माग राख्दै बिहीबार संघ ज्ञापनपत्र बुझाएको हो।
खेलाडी पलायनबाट रोक्न खेललाई व्यावसायिक गर्दै लैजानुपर्ने, सबै विधाका खेल प्रतियोगिताका लागि बृहत् कभर्ड हल बनाउनुपर्ने लगायतका माग छन्।
यसैगरी संघले खेलकुदमा भ्रष्टाचार र पेस्की फछ्यौट, राष्ट्रिय संघहरूको बेरुजुलाई अविलम्ब व्यवस्थित गर्नुपर्ने माग राखिएको छ।
संघको ज्ञापनपत्र बुझ्दै मन्त्री लिम्बुले खेल क्षेत्रको विकास र विस्तारका लागि सारेका मागहरूलाई सकारात्मक रूपमा लिएको बताए।
