: रोमालाई पेनाल्टी सुटआउटमा ४–१ गोलको नतिजामा पराजित गर्दै सेभियाले युरोपा लिगको उपाधि जितेको छ।
बिहीबार राति बुडापेस्टमा भएको खेलको निर्धारित ९० मिनेटको खेल १–१ गोलको बराबरीमा सकिएको थियो। त्यसपछि अतिरिक्त समयमा पनि गोल नतिजा निस्कन नसकेपछि खेल पेनाल्टीमा पुगेको थियो।
पाउलो डिबालाले ३५औं मिनेटमा गोल गर्दै रोमालाई अग्रता दिलाएका थिए। दोस्रो हाफमा आक्रमक देखिएको सेभियाले दोस्रो हाफमा रोमाको आत्मघाति गोलसँगै बराबरी गर्यो।
जियानलुका मान्चिनीले ५५औं मिनेटमा आत्मघाति गोल गरेसँगै खेल पेनाल्टी सुटआउटमा पुग्यो।
सेभियाका लुकास ओक्याम्पोस, एरिक लमेला, इभान राकिटिच र गोन्जालो मोन्टियलले पेनाल्टीमा गोल गरे। रोमाका ब्रायन क्रिस्टियान्टेले मात्रै गोल गर्दा मान्सिनी र रोजर इबान्येज असफल भए।
मोन्टियलले लगातार चौथो पेनाल्टीमा गोल गरेसँगै सेभियाले उपाधि जित्यो।
