पेरिस: क्यामिला जियोर्जीले चोटका कारण खेलमा निरन्तरता दिन नसक्दा जेसिका पेगुला फ्रेन्च ओपनको महिला एकलतर्फ तेस्रो चरणमा पुगेकी छन्।
विश्व वरीयताको तेस्रो स्थानकी पेगुलाले पहिलो सेट ६–२ ले जितेकी थिइन्। तर, त्यसपछि जियार्जीले कोर्टमा निरन्तरता दिन नसक्दा पेगुलाले वाक ओभर पाइन्।
पेगुला जारी सिजनको महिला एकलतर्फ तेस्रो चरणमा पुग्ने पहिलो खेलाडी बनेकी छन्। पहिलो चरणमा ड्यानिएली कोलिन्सलाई ६–४ ६–२ को नतिजामा पराजित गर्दै दोस्रो चरणमा स्थान बनाएकी थिइन्। पेगुला गत सिजन क्वार्टरफाइनलसम्म पुगेर बाहिरिएकी थिइन्।
फ्रेन्च अोपनमा पेगुलाको क्वार्टरफाइनल यात्रा नै सबैभन्दा ठूलो उपलब्धि हो।
पेगुलाले चौथो चरण प्रवेशका लागि एलिस मर्टेन्स र क्यामिलिया ओसोरियोबीचको विजेतासँग खेल्ने छिन्। अहिले जारी खेलको पहिलो सेटमा मर्टेन्सले पलिहो सेट ६–३ ले जितिसकेकी छन्। दोस्रो सेट जारी छ।
