— करिम बेन्जेमाले रियल म्याड्रिडका लागि आफ्नो अन्तिम खेलमा आइतबार पेनाल्टीबाट एक गोल गरे । त्यसको मदतले स्पेनी ला लिगामा रियलले एथलेटिको बिलबाओसँग १–१ को बराबरी खेल्यो ।
उनी रियलका लागि सर्वाधिक गोल गर्ने खेलाडी सूचीको दोस्रो स्थानमा छन् । यसअघि रियलले बेन्जेमाले १४ वर्षको बसाईपछि क्लब छाड्ने घोषणा गरेको थियो । सम्भवतः फ्रान्सेली खेलाडीको अबको गन्तव्य साउदी अरेबिया हुनेछ ।
आइतबारको अर्को खेलमा च्याम्पियन भइसकको बार्सिलोना सेल्टा भिगोसँग २–१ ले पराजित रह्यो । बार्सिलोना ८८ अंकसहित शीर्ष स्थानमा रह्यो भने दोस्रो स्थानमा रियलको ७८ अंक भयो ।
