आम्सटरड्याम : होसेलुको निर्णायक गोलप्रेरित स्पेनले नेसन्स लिगको सेमिफाइनलमा इटालीलाई २–१ को नतिजामा हराउँदै फाइनलमा स्थान बनाएको छ।
बिहीबार राति नेदरल्यान्ड्सको डी ग्रोल्स्च भेस्टेमा भएको खेलको तेस्रो मिनेटमा येरेमी पिनोले गरेको गोलसँगै स्पेनले अग्रता लिएको थियो।
सुरुआतदेखि नै आक्रमक बनेको स्पेनले सुरुआतमै अग्रता लिएको थियो। तर, डिफेन्डर रोबिन ली नोमन्डले पेनाल्टी एरिया बल ह्यान्ड गरेपछि इटालीले पेनाल्टी पाएको थियो।
प्रतिस्पर्धात्मक खेलको ८८औं मिनेटमा सब्स्टिच्युट खेलाडी होसेलुले गोल गरेसँगै अन्तिममा स्पेनले अग्रता लियो। बाँकी निर्धारित समयमा सोही अग्रता जोगाउँदै स्पेनले जुन १९ मा हुने फाइनलमा क्रोएसियासँगको भेट निश्चित गरेको छ।
पराजित इटालीले घरेलु टिम नेदरल्यान्ड्ससँग जुन १८ मा तेस्रो स्थानका लागि प्रतिस्पर्धा गर्नेछ।
क्रोएसियाले बुधबार राति पहिलो सेमिफाइनलमा नेदरल्यान्ड्सलाई २–४ गोलको नतिजामा पराजित गरेको थियो।
