: बिहीबार राति भएको अन्तर्राष्ट्रिय मैत्रीपूर्ण खेलमा अर्जेन्टिनाले अस्ट्रेलियालाई २–० गोलको नतिजामा पराजित गरेको छ। चीनको बेइजिङस्थित वर्कर्स स्टेडियममा भएको खेलको दोस्रो मिनेटमा कप्तान लियोनेल मेसीले गोल गर्दै दक्षिण अमेरिकी टिमलाई अग्रता दिलाएका थिए।
अस्ट्रेलियामाथि हाबी बनेको अर्जेन्टिनाले पहिलो हाफमा सोही अग्रता कायम राखेको थियो।
दोस्रो हाफमा पनि आक्रमक देखिएको अर्जेन्टिनाले एक गोल थप्यो। जर्मन पेजेलाले ६८औं मिनेटमा गोल गर्दै अर्जेन्टिनाको अग्रता २–० मा लम्ब्याएका थिए। सोही अग्रताको बचाउ गर्दै अर्जेन्टिना विजयी भयो।
अर्जेन्टिनाले अर्को खेल जुन १९ मा इन्डोनेसियासँग खेल्ने छ।
