: दक्षिण कोरियाली डिफेन्डर किम मिन जाईलाई भित्र्याउन जर्मन क्लब बायर्न म्युनिख सम्झौता नजिक पुगेको छ।
गत सिजन नेपोलीबाट इटालियन च्याम्पियन बनेका किमलाई अनुबन्ध गर्न म्यानचेस्टर युनाइटेडले पनि तीव्र इच्छा देखाएको थियो। तर, २६ वर्षीय किम बायर्नसँग सम्झौता नजिक पुगेको स्काई स्पोर्ट्सले बताएको छ।
बायर्न जुलाई १ मा एक्टिभ हुने रिलिज क्लज पर्खिरहेको अन्तर्राष्ट्रिय सञ्चारमाध्यमहरूले बताएका छन्।
दक्षिण कोरियाली डिफेन्डरलाई भित्र्याउन जर्मन हेभिवेट ४२ देखि ५९ मिलियन पाउन्डसम्म खर्चिन तयार भएको स्काई स्पोर्ट्सले बताएको छ। सन् २०२२ मा फेनरबाचेबाट नेपोली पुगेका किम पछिल्लो समय युरोपेली फुटबलका ठूला क्लबले भित्र्याउन चाहेको सूचीमा छन्।
दक्षिण कोरियाको राष्ट्रिय टिमका महत्त्वपूर्ण सदस्य किमले देशका लागि ४९ खेल खेलिसकेका छन्।
