नेभाडा: सोमबार बिहान भएको फाइनलमा क्यानडालाई ०–२ को नतिजामा पराजित गर्दै अमेरिका कन्काकाफ नेसन्स लिग च्याम्पियन बनेको छ।
नेभाडास्थित एलिगान्ट रंगशालामा भएको खेलको १२औं मिनेटमा क्रिस रिचार्ड्सले गरेको गोलसँगै अमेरिकाले अग्रता लिएको थियो।
क्यानडामाथि आक्रामक शैलीमा प्रस्तुत भएको अमेरिकाले ३४औं मिनेटमा अग्रता दोब्बर पार्यो। फ्लोरिन बालोगनले गरेको गोलसँगै पहिलो हाफमा दुई गोलको अग्रता बनाएको अमेरिकाले त्यसको बचाउ गर्दै जित सुनिश्चित गर्यो।
सोमबार बिहान नै भएको तेस्रो स्थानको खेलमा मेक्सिकोले पानामालाई ०–१ गोलको नतिजामा परातिज गरेको छ। अमेरिका मेक्सिकोलाई र क्यानडा पानामालाई पराजित गर्दै फाइनलमा पुगेका हुन्।
