मेलबर्न — क्याटलिन उस्माको निर्णायक गोलको मद्दतले कोलम्बियाले महिला विश्वकप २०२३ मा मंगलबार जमैकालाई १–० ले पराजित गरेको छ । अब सेमिफाइनल प्रवेशका लागि कोलम्बियाले इंग्ल्यान्डको सामना गर्नेछ । उस्माले मारिया गुजमनको पासमा उत्कृष्ट गोल गरिन् ।
लिग चरणमा कुनै पनि गोल नखाएको जमैकाले ३ सय २१ मिनेटको खेलपछि गोल खाएको थियो र यो नै उसलाई प्रतियोगिताबाट बाहिरिन पर्याप्त रह्यो ।
कोलम्बिया महिला विश्वकपको अन्तिम आठमा पुगेको यो पहिलोपल्ट हो । अब अन्तिम १६ को अन्तिम खेलमा फ्रान्सले बुधबार मोरक्कोको सामना गर्नेछ ।
