— एलेकजान्डर इसकको उत्कृष्ट दुई गोलको मद्दतले न्युकासल युनाइटेडले इंग्लिस प्रिमियर लिगमा एस्टन भिल्लालाई ५–१ ले हराएको छ र यससँगै नयाँ सिजन शानदार सुरुआत लिन सफल रह्यो ।
गत सिजन उपाधिको होडमा म्यानचेस्टर सिटीलाई बलियो चुनौती पेस गरेको आर्सनलले पनि विजयी सुरुआत लियो र उसले नटिङघम फरेस्टलाई २–१ ले पराजित गर्यो ।
यस्तै अन्य खेलमा ब्राइटनले लुटन टाउनलाई ४–१, फुलहमले एभरटनलाई १–० र क्रिस्टल प्यालेसले सेफिल्ड युनाइटेडलाई १–० ले हरायो । बर्नमाउथ र वेस्ट ह्यामबीचको खेल भने १–१ को बराबरीमा समाप्त भयो ।
