— बार्सिलोनाले स्पेनी ला लिगामा आइतबार ओसासुनामाथि २–१ को रोमाञ्चक जित निकालेको छ र त्यसमा रोबर्ट लेवानडोस्कीले ८५ औं मिनेटमा पेनाल्टीबाट निर्णायक गोल गरे ।
यसै खेलबाट डिफेन्डिङ च्याम्पियन बार्सिलोनाका लागि जाओ क्यान्सेलो र जाओ फेलिक्सले डेब्यु गरेका छन् । बार्सिलोनाले जुलेस कोन्डेको गोलले अग्रता लिएयता चिली एभिलले बराबरी गोल फर्काए ।
यो जितपछि बार्सिलोनाकाो चार खेलबाट १० अंक भएको छ । आइतबारका अन्य खेलमा जिरोनाले लास पाल्मासलाई १–० ले हरायो भने रियल मार्लोका र एथलेटिको बिलबाओले गोलरहित बराबरी खेले ।
