— डिफेन्डिङ च्याम्पियन नेपोलीले इटालीको सिरी ए मा शनिबार घरमै लाजियोसँग २–१ को स्तब्धपूर्ण हार बेहोरेको छ । नयाँ सिजन सुरु भएयता नेपोलीको यो पहिलो हार हो । लाजियोका लागि लुइस अल्बर्टो र कामादाले गोल गरे ।
जापानी मिडफिल्डर कामदाले इन्ट्राख्ट फायन्कफर्टबाट लाजियो आएयता गरेको यो पहिलो गोल हो । नेपोलीका लागि पिट्र जिलिन्स्कीले एक गोल फर्काए । यसअघि बोलोग्नाले कागलिरीलाई २–१ ले हरायो भने युडिनेजी र फ्रोसिनेले गोलरहित बराबरी खेले ।
यस्तै, जर्मन बुंडेसलिगामा बायर्न म्युनिखले लगातार तेस्रो जित निकालेको छ । यसका लागि उसले बोरुसिया मोन्चेनब्लाडखाकलाई २–१ ले पराजित गर्यो ।
