— जुड वेलिङघमले दोस्रो हाफको इन्ज्युरी समयको पाँचौं मिनेटमा गरेको निर्णायक गोलको मद्दतले रियल म्याड्रिडले शनिबार स्पेनी ला लिगामा गेटाफेलाई २–१ ले हराएको छ । नयाँ सिजन रियलको यो लगातार चौथो जित हो ।
यससँगै उसको १२ अंक भएको छ र लिग तालिकाको शीर्ष स्थानमा छ । बर्नाबाउमा भएको खेलमा बोरजा मायोरलको गोलले गेटाफेले ११ औं मिनेटमा अग्रता लिएको थियो । त्यसपछि जोसेलुले ४७ औं मिनेटमा बराबरी गोल फर्काए ।
अन्य खेलमा रियल सोसिडाडले ग्रेनेडालाई ५–३, एलालेभसले भ्यालेन्सियालाई १–० र रियल बेटिसले रायो भाल्कानोलाई १–० ले पराजित गर्यो ।
