: इजिप्टको राजधानी कायरोमा बुधबार एक भवन भत्किँदा चार जनाको मृत्यु भएको इजिप्टको राज्य नियन्त्रित अहराम पत्रिकाले जनाएको छ।
उक्त घटनामा अन्य पाँच जना घाइते भएका छन्।
उत्तरी कायरोको हदेक अल–कुब्बा जिल्लामा रहेको चारतले भवनमा भत्किंदा मृत्यु भएका तथा घाइते सबै एकै परिवारका हुन्।
घाइतेहरुलाई उपचारका लागि अस्पताल लगिएको र भग्नावशेषमा फसेका मानिसहरुको यकिन सङ्ख्या अझै अज्ञात रहेको समाचारमा उल्लेख छ। गत जुलाईमा पनि सोही क्षेत्रमा एउटा पुरानो भवन भत्किँदा १३ जनाको मृत्यु भएको थियो।
