मुख्य समाचार
आर्थिक अभावमा दिल्लीको अफगान दूतावास बन्द
आर्थिक अभावमा दिल्लीको अफगान दूतावास बन्द

— भारतमा रहेको अफगानिस्तानको दूतावासले आइतबारदेखि आफ्नो कामकाज बन्द गरेको जनाएको छ । दूतावासले भारत सरकारका तर्फबाट समर्थनमा कमी भएको तथा कर्मचारी र आवश्यक कार्य संसाधनको अभावले कार्यालय बन्द गर्नुपर्ने स्थिति आएको बताएको छ ।

दिल्लीमा रहेको अफगान दूतावास बन्द हुने चर्चा केही दिनयता चल्दै आएको बेला दूतावास स्वयंले विज्ञप्ति जारी गरेर त्यसको पुष्टि गरेको हो । २०२१ को अगस्टमा तालिवानले अफगानिस्तानको सत्तामाथि नियन्त्रण लिएको थियो । तर, दिल्लीस्थित दूतावासका अधिकारीहरू तालिवानभन्दा अगाडिका सरकारबाटै नियुक्त भएका थिए । तालिवान सरकारले पनि दिल्लीस्थित दूतावासमाथि आफ्नो नियन्त्रण कायम गर्न सकेको थिएन । भारतले तालिवान नेतृत्वको सरकारलाई मान्यता दिइसकेको छैन । तालिवान नेतृत्वमा आएपछि भारत सरकारले नै दिल्लीस्थित दूतावासलाई बजेटलगायतको सहयोग गरेर टिकाएको थियो । तर, भारत सरकारले त्यसमा कटौती गर्दै लगेपछि आर्थिक अभाव देखाएर दूतावासले पनि कर्मचारी कटौती गर्दै आएको थियो ।

अफगानिस्तान दूतावासले आफ्नो कामकाज बन्द गर्ने विषयमा शनिबार भारत सरकारलाई पत्र लेखेर जानकारी गराइसकेको छ । साथै, सामाजिक सञ्जालमार्फत दूतावासले धेरै सोच विचारपछि दूतावास बन्द गर्ने निर्णय लिएको जनाएको छ । दूतावास रहेको देशका तर्फबाट सहयोगमा कमी हुनु, अफगानिस्तानमा निर्वाचित वैध सरकार नहुनु र कर्मचारी तथा अन्य संसाधनहरूको कमीले काम गर्ने स्थिति नरहेको अफगानिस्तान दूतावासले भनेको छ । त्यही तीन कारणले दूतावासको सबै कामकाज बन्द गर्नुपर्ने स्थिति बनेको दूतावासले बताएको छ । भारत सरकारलाई सम्पूर्ण सम्पत्ति हस्तानान्तरण नभएसम्म अफगानी नागरिकका लागि अत्यावश्यक कन्सुलर सेवा चालु रहने भनेको छ ।

तत्कालीन तालिवान सरकारको बर्खास्तीपछि सन् २००२ मा भारतमा अफगान दूतावास खोलिएको थियो । झन्डै २० वर्षपछि फेरि तालिवानले सत्ता आफ्ने हातमा लिएपछि उक्त दूतावास संकटमा पर्दै गएको थियो । भारतले तालिवान सरकारका तर्फबाट कर्मचारी पठाइने विषयलाई अस्वीकार गरेपछि पुरानै सरकारका तर्फबाट पठाइएका कर्मचारीहरूले दिल्लीमा दूतावास चलाएका थिए । तालिवान सरकारसँग उनीहरूको सम्बन्ध राम्रो थिएन ।

प्रतिक्रिया दिनुहोस्
अन्य समाचारहरु
। भारतीय कंग्रेसका नेता राहुल गान्धीले रायबेरली क्षेत्र रोजेका छन् । उनले छाडेको वायनाडमा उनकी बहिनी प्रियंका गान्धी चुनाव लड्ने भएकी छन् । हालै सम्पन्न लोकसभा चुनावमा राहुलले रायबेरली र वायनाड दुई क्षेत्रबाट चुनाव जितेका थिए । भारतीय कानुनअनुसार दुई क्षेत्रबाट जित्नेले एउटा छाड्नुपर्छ । त्यसअनुसार कंग्रेसले राहुललाई रायबेरलीलाई निरन्तरता दिन र वायनाड छाड्न भनेको अध्यक्ष मालिकार्जुन ...
। जून ९ मा फ्रान्सेली राष्ट्रपति इम्मानुअल म्याक्रोनले त्यहाँको संसद् ‘नेशनल एसेम्बली’ निर्वाचित कार्यकाल पूरा नहुँदै भंग गरे । साथै, उनले जून ३० र जुलाई ७ मा गरी दुई चरणमा नयाँ निर्वाचनको मिति समेत घोषणा गरेका छन् । फ्रान्समा यो घटनालाई राजनीतिक संकटका रूपमा हेरिएको छ । राष्ट्रपति म्याक्रोनको यस्तो निर्णयले राजनीतिक वृत्त स्तब्ध भएको छ ...
विश्वका कैयन् देश तथा सभ्यताहरुमा आज पनि सदियौं पुराना मान्यताहरू कायमै छन् । त्यस्ता परम्पराहरू अचम्म लाग्दा तथा कतिपय त डरलाग्दा पनि प्रतीत हुन्छन् । भलै अरु आम मानिसहरूलाई ती रितिरिवाज विचित्र लाग्छन् तर सम्बन्धित आदिवासी तथा समुदायका लागि भने ती परम्पराहरू विशेष हुन्छन् । यस्तै एउटा परम्परा इण्डोनेसियाको दानी आदिवासी समुदायमा प्रचलित छ । उक्त परम्पराका ...
विना कुनै अतिरञ्जना भन्नु भर्दा आज रूस र संसारभरि कैयौं महत्वपूर्ण मोडहरू आए । त्यसैले वैश्विक र क्षेत्रीय मामिलामा वर्तमान अवस्थाको मूल्यांकन र उपयुक्त विदेश नीति सहितका कामहरू तय गर्नु जरूरी छ । ती सबै हाम्रो मुख्य लक्ष्यको अधीन छन्, ती हुन्– रूसको दिगो विकासका लागि परिस्थिति बनाउने, यसको सुरक्षा सुनिश्चित गर्ने र रूसी परिवार ...
। दिल्लीका उपराज्यपाल वीके सक्सेनाले लेखका अरुन्धती राय र कश्मीरका डाक्टर शेख शौकत हुसैनलाई गैरकानुनी गतिविधि (रोकथाम) ऐन (यूएपीए) अन्तर्गत मुद्दा चलाउन अनुमति दिएका छन् । १४ वर्ष पुरानो (२७ नोभेम्बर २०१०) घटनालाई लिएर राय विरुद्धको मुद्दा अगाडि बढाइएको हो । सन् १९९७ मा पुस्तक ‘द गड अफ स्मल थिङ्ग्स’का लागि बुकर पुरस्कार पाउन सफल रायसँगै ...